Oseas 1:11 - La'aqtaqa Ñim Lo'onatac 'Enauacna 2013

¹¹ Huaña qome nache lapona't na Judá, qataq na Israel le'ecpi, nache namayepi 'oonolec naqa'en ca lataxala', nache 'enauac na shiỹaxauapi ñe'eguelaxa qome ye Jerusalén. Nache ỹataqta lta'araic qome da la'amaqchec ye Jezreel que'eca na'a'q.

Toba del Oeste

¹¹ Qama'le jena'me lec'oqo'tepi di'me Judá nataq'aen ga'me Israel lec'oqo'tepi male yema'a't qom'te, qama'le onolec da'me qoyemalegue joga'me lajoĝola't, qaedi yitaĝa onaĝaic da'me 'loyaĝa'j jogaa'me. ¡Yataqata onaĝaic ga'me nolo' qom'te, naqaega jo'ne lenaĝat da'me “Nolo' Jezreel”, jo'ne yelo'teguet da'me Dios danaĝan.

Oseas 1:11 Referans Kwoze

Oseas 3:5

Qaq qom ime de'era, nache na Israel le'ecpi ñe'eguelaq qome, nache nmitaique Ñim Nataxala' maye Natamnaxala', qataq so David maye lta'a namayepi. Qaq que'ecaua pa'atrec na'axa'te, nache namayepi ỹataqta huo'o naq 'enec naqa'en Ñim Nataxala', qataq da lqouagaxanaqtaic Ñimaye.

Jeremías 31:33

Qaq 'era da ñaỹamaxataxac que'eca na'a'q qom ñaỹamaxate' na Israel le'ecpi, 'eeta': Sanaigui qome añi lquiyaqte naua iqataxaco qataq serelec da ntoonaxac. Nache namayepi Aỹem Natamnaxala' qome, qataq nache ỹalamaxatpi namayepi. Qaq 'era da ỹa'aqtac Aỹem Nataxala'.

Romanos 11:15

Cha'aye Ñimaye da huo'otaq imaqa'aguet nam judiopi, nache ỹaconeguet nam laỹepi shiỹaxauapi maye huetalec ana 'alhua, nache ¡chaq 'eetec qome que'eca na'a'q na judiopi qom ỹoltaq ỹaconeguet! ¡Damaye qome ỹataqta 'eeta'am ca leuaxaicpi da ỹaconeguet ca nca'alaxa maye chochaq tatec!

Jeremías 50:19

Nache na Israel le'ecpi so'ot qome da ỹe'eguelaxa ye maiche na'alhua, qaq huaña nache 'eeta'am ana qaguetapi da huetangui na aloq 'auaqpi da hueta'a ye Carmelo qataq ye Basán, qataq aye qasoxonaxapi maye huaña ye Efraín qataq ye Galad.

Jeremías 30:3

cha'aye anacta ca na'a'q da ñaralaxat da na'achecỹaxac nam ỹalamaxat nhuo' le'ecpi na Israel qataq na Judá. Qaq 'era da ỹa'aqtac Aỹem Nataxala'. Aỹem so'ot qome da ñe'eguelaxa nam 'alhua maye sanem co'ollaxa so lta'alpi da yaqto' lalamaxat ñaqa'en.»

Salmos 110:3

Qataq 'am nañanot na 'arhuo' le'ecpi, qom ivita da 'auamaxasoxon da huaña añi qui'itta qasoxonaxa, nache 'eeta'am na 'aỹa maye naañi da yaqta'a yo'oxoñi, dam dalaxaic 'annogotshec 'enauaque naua na'axa'te.

Jeremías 30:7

¡Mashe nayeetai' ca na'a'q maye chaqaic, na'a'q maye qaica ca lỹa na'a'q da 'eeta'am! Que'eca na'a'q nache huaigui qome ca lta'araic laquicoxo nam chegoxoguetpi so Jacob, qalaxaye Aỹem ñeca'alaxatec qome namayepi.

Jeremías 30:21

Nache namayepi chegoqtoigui qome cam lataxala' ca 'oonolec namayepi ilo'ogue qome namayepi, Camaye Aỹem nquigueua'a qome qaq camaye nache huetaua'a qome na ỹaỹe, cha'aye ¿negue't ca sairen da nachaalataxac da nquigueua'a Aỹem? Qaq 'era da ỹa'aqtac Aỹem Nataxala'.

Jeremías 32:37

«Aỹem llaỹona't qome na nhuo' le'ecpi maye hueta'a na 'alhuapi maye selagaxaalec co'ollaxa, co'ollaq Aỹem nlaxagui da ỹalemataic, inogoxonaxac qataq da chaqaic ỹayeloxo, nache ñe'eguelaxata qome ne'ena 'alhua da yaqto' ỹe'emaqtac qom netalec namaye.

Ezequiel 39:25

Qaq ỹoqo'oye Aỹem Nataxala', shenapec: «Aỹem nagui sechoxoren 'enauac na nhuo' Israel le'ecpi, nam chegoxoguetpi so Jacob. Aỹem ñaralaxat qome da na'achecỹaxac, da yaqto' samaxalec da ỹo'oxoren da qui'itta ỹe'enaxat.

Oseas 2:1

Huaña qome nache qoñiỹapega na qarqaỹaipi, qoñeeta': «Nhuo' le'ecpi maye lalamaxat Ñim Lo'onatac 'Enauacna», qataq ana qarqaỹaipi: «Nchoxonnatapi.»