Oseas 1:1 - La'aqtaqa Ñim Lo'onatac 'Enauacna 2013

¹ Qaq 'era da la'aqtac Ñim Nataxala' co'ollaq 'enapega so Oseas, som llalec so Beerí, maye huetoigui co'ollaxa da lo'onataxanaxac so Uzías, Yotán, Ajaz qataq so Ezequías, maye nta'al ye Judá, qataq so Jeroboán, maye llalec so Joás, som nta'a ye Israel.

Toba del Oeste

¹ Jenjo' nach'ena 'laqataĝanaĝac joñe'me Jaliaĝanec jo'ne qoyanem ca'li ñe'me Oseas, c'oĝot joñe'me Beerí, ca'li maliaĝa lejaliaĝanec ga'me Israel laje'pi joñe'me Jeroboam, mach'e c'oĝot jodi'me Joás. Jenjo' 'uo ca'li 'uo ga'me lejaliaĝa di'me Ozías, Jotam, Ahaz chayovida'a Ezequías, nach'ediaua jo'ne nejaliaĝatelo'te ca'li ga'me Judá laje'pi.

Oseas 1:1 Referans Kwoze

Romanos 9:25

Qaq ipacchigui da 'enapec Ñim Lo'onatac 'Enauacna maye nanettalec ana nere maye huetalec na la'aqtacpi maye ỹiyiñi co'ollaxa so la'aqtaxanaxanec Oseas, 'eeta': «Nam saishet da ỹalamaxatpi, qalaq seỹaxana da ỹalamaxatpi, qataq nam saishet da sauotec, qalaq sachaxana da isoxoyec.

Miqueas 1:1

Qaq 'era da la'aqtac Ñim Nataxala' maye ỹanem co'ollaxa so Miqueas maye lma' ye Moréset, maye huaigui so lauanaqchec co'ollaq ila'a ye Samaria qataq ye Jerusalén, huetoigui co'ollaxa da lo'onataxanaxac so Yotán, Ajaz qataq so Ezequías maye nta'al ye Judá.

Isaías 1:1

Da lauanaqchec so Isaías, som llalec so Amós, co'ollaq ila'a som naỹa'a ye Judá, qataq ye Jerusalén, huetoigui da lo'onataxanaxa'c soua Uzías, Yotán, Ajaz qataq so Ezequíaz maye nta'al ye Judá.

Amós 1:1

Qaq 'era da la'aqtaxanaxac so Amós, som qagueta lo'o maye lma' ye Tecoa, dam lauanaqchec maye chegoqo'ot Ñim Lo'onatac 'Enauacna, maye taỹa'a da talec na Israel le'ecpi, co'ollaq saxanaqcaua soua dos vi'iye da nvi' so nacholaxanaxa ana 'alhua, maye huetoigui da lo'onataxanaxac so Uzías, maye nta'a ye Judá, qataq da lo'onataxanaxac so Jeroboán, som llalec so Joás, maye nta'a ye Israel.

2 Reyes 15:32

Qaq co'ollaq mashe ivi' soua dos vi'iye da lo'onataxanaxac so Pecaj, som llalec so Remalías, maye nta'a ye Israel, nache so Yotán, som llalec so Uzías, ỹacoolec da lo'onataxanaxac da ilo'ogue ye Judá.

2 Reyes 14:16

Qaq co'ollaq ileu so Joás, nache qailareña ye Samaria, qaỹalecnoigui so hua'au nta'alpi ye Israel. Qaq da lo'onataxanaxac da nta'a, nache talec so llalec Jeroboán.

2 Pedro 1:21

cha'aye 'enauac som hua'au la'aqtaxanaxanecpi Ñim Lo'onatac 'Enauacna saishet da huo'o ca 'oonolec da maiche nallegoxottela't ca la'aqtaxanaxac. Nachaqrata da 'enauac somayepi ỹa'axattac dam chegoqo'ot Ñim Lo'onatac 'Enauacna, qataq So Saqcha'a Na'añaxac Qui'itta ỹauecta'aguet da lhuennataxac.

Juan 10:35

Qaq qomi' saỹaanaq da naua nanettrañi la'aqtaqa Ñim Lo'onatac 'Enauacna, naamaye saishet da qaiqolegue't. Ỹoqo'oye 'eesa da Ñim Lo'onatac 'Enauacna ỹamata'ac da piguem le'ecpi som shiỹaxauapi maye ỹaconeguet da la'aqtac.

Zacarías 1:1

Qaq huetoigui so ca'agoxoic ocho, co'ollaq mashe dos vi'iye da nta'a so Darío, nache Ñim Nataxala' ỹami' so la'aqtac so la'aqtaxanaxanec Zacarías maye llalec so Berequías qataq laual so Iddo, nache 'enapec:

Jonás 1:1

Qaq huo'o so na'a'q nache Ñim Nataxala' 'enapega so Jonás, som llalec so Amitay, 'eeta':

Joel 1:1

Qaq 'era da la'aqtac Ñim Nataxala' co'ollaq 'enapega so Joel, maye llalec so Petuel.

Ezequiel 1:3

Qaq aỹem Ezequiel maye aỹem llalec so Buzí maye aỹem ntaxaỹaxanaxanec, se'eso na'a'q soota'a ye na'alhua na caldeopi, yem loigue ye tala Quebar, nache aỹem nvita so la'aqtac Ñim Nataxala', qataq aỹem ỹashel-lec Ñimaye.

Jeremías 1:4

Ñim Nataxala' aỹem da'aqtaxanem, 'eeta':

Jeremías 1:2

Ñim Nataxala' detaxaỹot co'ollaxa so Jeremías, co'ollaq so Josías maye llalec so Amón, mashe ivi' trece vi'iye da lo'onataxanaxac da nta'a ye Judá.

2 Reyes 13:13

Qaq co'ollaq ileu so Joás, nache qailareña ye Samaria, qaỹalecnoigui so nta'alpi ye Israel. Qaq da lo'onataxanaxac da nta'a, nache talec so llalec Jeroboán.

2 Reyes 14:23

Qaq co'ollaq mashe ivi' quince vi'iye da lo'onataxanaxac so Amasías, som llalec so Joás, maye nta'a ye Judá, nache so Jeroboán, maye llalec so Joás, ỹacoolec da lo'onataxanaxac da ilo'ogue so Israel le'ecpi, qaq somaye ivi' cuarenta y uno vi'iye da lo'onataxanaxac da nta'a, huaña ye Samaria.

2 Reyes 15:5

Qalaxaye Ñim Nataxala', ỹo'ot co'ollaxa da nhuaxanaguec so nta'a Azarías, huec naqa'en so lepra, nache ivitta'a da ileu. Ỹoqo'oye so nta'a, ỹaqauga co'ollaxa naqa'en so lma', nache so llalec Yotán, ilo'ogue co'ollaxa se'eso nma' lta'araic, qataq ilo'ogue 'enauac so nhuo' le'ecpi.

2 Reyes 15:7

Qaq co'ollaq ileu so Azarías, nache qailareñi, huaqta'ai' qanqa'en so hua'au lta'alpi, huaña so huaqta'a't nỹecpi maye lalamaxat so David. Qaq da lo'onataxanaxac da nta'a, nache talec so llalec Yotán.

2 Crónicas 27:1

So Yotán mashe ivi' veinticinco vi'iye da nachaalataxac co'ollaq ỹacoolec da lo'onataxanaxac da nta'a, nache ivi' dieciséis vi'iye da ilotague' ye Jerusalén. Qaq aso late'e somaye le'enaxat Jerusa, asom llale so Sadoc.

2 Crónicas 28:1

Qaq so Ajaz, mashe ivi' veinte vi'iye da nachaalataxac co'ollaq ỹacoolec da lo'onataxanaxac, qaq ivi' dieciséis vi'iye da ilotague' ye Jerusalén, qalaxaye saishet co'ollaxa da ỹo'ot nam ỹaỹamaxareeta Ñim Nataxala', qaq saq 'ena'am nam ỹo'otpi so lta'a David.

2 Crónicas 29:33

Qaq da ima'a't ye lcata se'eso nachetaqtaxanaxatpi, nache ivi' seiscientos so nauegaxanaxala' huacapi, qataq tres mil aso qaguetapi.

Isaías 7:1

So Resín, maye nta'a ye Siria, qataq so Pecaj, maye nta'a ye Israel, som llalec so Remalías, soomaye iloquiaxa'n co'ollaxa ye Jerusalén da huotaique da deuotaxaarec, qalaxaye sa ỹañoxo't. Qaq de'era, huetoigui co'ollaq so Ajaz, som llalec so Yotán, qataq laual so Uzías da nta'a ye Judá.