Números 9:8 - La'aqtaqa Ñim Lo'onatac 'Enauacna 2013

⁸ Nache so Moisés 'enapeco': Ñaq aỹem qauachiỹa'a da senat Ñim Nataxala', yaqto' saỹatenaq ca 'eeteque qami'.

Números 9:8 Referans Kwoze

Salmos 85:8

Aỹem ña'axaỹaxana qome ca la'aqtac Ñim Nataxala', cha'aye Ñimaye ỹa'axatem qome da nlagaxayec na lalamaxat nhuo' le'ecpi, yaqto' namayepi saishet da ỹe'eguelaxa da lle'etaxaloxo.

Números 27:5

Nache so Moisés iroua'a Ñim Nataxala', de'era lquiquiaxa'c soomaye,

1 Corintios 11:23

Cha'aye aỹem saconeguet de'era napaxaguenataxanaxac maye chegoqo'ot So Qarataxala' Jesucristo, da se'eso pe co'ollaq yaqta'a da qoỹaneuo, nache ỹacona aso nauole 'ayiiña.

1 Corintios 4:4

Aỹem saishet da ñetoonec da huo'o ca so'ot sa ỹaỹamaxañi, qalaxaye damaye saishet da naigui da ỹoqta 'eesa da aỹem huesochiguiñi da qaica ca ỹasouaxashet. Ñim Lo'onatac 'Enauacna maye nachaqñita hueto'ot da la'añaxac da aỹem nmit.

Hechos 20:27

Cha'aye aỹem ỹataqta sa'axatta 'enauac nam 'eetapeguecpi Ñim Lo'onatac 'Enauacna, qaica ca soxottapiguiñi.

Juan 17:8

cha'aye mashe sanema dam 'ara'aqtac maye Aỹem 'aỹa'anem. Qaq naamaye ỹaconegueta, qataq ỹaỹateeta da ỹoqta 'eesa da 'am sachegoqtot, qataq ỹa'amaqte'n da Aỹem 'aramaxashec.

Juan 7:17

Da huo'o ca nshetaique da ỹo'ot cam 'eetapeguec Ñim Lo'onatac 'Enauacna, nache camaye ishet da ỹaỹateeta da naua ỹapaxaguenataxanaxaco chegoqtoto Ñim Lo'onatac 'Enauacna, huo'otaq da choche maiche Aỹem chegoqtoto.

Ezequiel 3:17

«'Am shiỹaxaua, Aỹem 'am sanagui da 'am lauanaxanaxanec na nhuo' Israel le'ecpi. Qaq da ivita da 'am sanem ca ỹa'aqtac nache 'aua'aqtaxanem namayepi da aỹem ỹa'aqtac, yaqto' namayepi ỹaỹaten cam ỹo'ot.

Ezequiel 2:7

Qalaxaye 'am, 'aua'aqtaxanem qome namayepi naua ỹa'aqtaqa, saiuena'a da 'am ỹalaxaguet huo'otaq saishet, cha'aye namayepi ỹataqta saỹalaq.

Salmos 25:14

Ñim Nataxala' ỹataqta nauochaxaua nam huo'o naq 'enec naqa'en Ñimaye, qataq ỹauattonaxanaxanec da naỹamaxataxac Ñimaye.

2 Crónicas 20:17

Qalaxaye saishet qome da nache qami' da qauloqui de'era loquiaxac, nacherata da qañe'emaxache qome da qoviita'a cam qarauanaxanaqa'ai, yaqto' qauauañiichigui da lca'alaqtaxanaxac Ñim Nataxala', da qami' taleguete. Qami' shiỹaxauapi maye qarma'ai na Judá, qataq na Jerusalén, saishet da qayi'iitac huo'otaq da qauqaulliitac, qoqui qonte' da qauataiỹa'aguet namayepi, cha'aye aỹem Nataxala', qami' soota'agueta qome.›»

Éxodo 14:13

Qalaxaye so Moisés 'enapeco': «Saishet qome da qayi'i. Nache qoñiitai', yaqto' qauauañiichigui da 'eetec Ñim Nataxala' da qami' nca'alaxatrec ne'ena na'a'q, cha'aye ne'ena Egipto le'ecpi maye qauloita'aguet, ne'ena na'a'q nache tachiguiña da saishet da qaltaq qanauañi'.

Éxodo 18:15

Nache so Moisés 'enapeco': «Qomye ne'ena shiỹaxauapi anac aỹem naua'a, cha'aye huotaique da nnate' Ñim Lo'onatac 'Enauacna.

Números 9:7

nache somayepi 'enapego' so Moisés, 'eeta': Qomi' sashelaxaua'a caillaye so leuaxaic, ỹoqo'oye saishet da qomi' qui'itte'. ¿Qaq negue'to' ca qomi' nqanaxa't da yaqto' sanaxauo ca qarachetaqtaxanaxat, da shenaqta'am na laỹe Israel le'ecpi?

Números 9:9

Nache Ñim Nataxala' 'enapega so Moisés, 'eeta': «Qonapega na Israel le'ecpi qoneta':

Números 15:34

nache somaye choche qaỹapoua'a, cha'aye ñaq saxanaxa da qaỹaỹaten ca qoỹeetec somaye.

Levítico 24:12

Nache somaye qaỹapoua'a qataq nache qanauaatalec. Ime, nache qaiuata'a ca la'aqtac Ñim Nataxala'.