Números 9:22 - La'aqtaqa Ñim Lo'onatac 'Enauacna 2013

²² Qaq huo'o naxa da dos na'axa'te, huo'otaq 'oonolec ca'agoxoic huo'otaq 'oonolec vi'i da ipelteetalec so npe'l se'eso lo'oc, nache so Israel le'ecpi qaica ca ldaxac, saishet da jec. Qaq naxa da naỹoxoosheguem se'eso lo'oc, nache somayepi qaltaq jec.

Números 9:22 Referans Kwoze

Salmos 32:8

Qaq Ñim Nataxala', 'eeta': «Aỹem 'am sanem qome na ỹapaxaguenataxanaxacpi, qataq na iqataxacpi qataq 'am sachaxana so nqa'aic maye ishet da qoquetegue. Qataq nache 'am salletagui qome.

Hechos 1:4

Qaq co'ollaq ñaq hueta'agueta soua lamaxa'she, nache So Jesús huaqattegalo soomaye da saishet da quera'ai ye Jerusalén, 'eeta': –Qauachiỹa'aguet qome cam ỹachaxanapec Ñim Ita'a maye qami' ỹanema, dam mashe qami' sa'aqtaxaateguema.

Salmos 143:10

Aỹem 'auapaxaguenec qome da so'ot ca qonetapeguec, cha'aye nache 'Am Ñatamnaxala'. Som no'on Saqcha'a 'Ara'añaxac ñaq aỹem ỹauega qome ca nalochiguiñi 'alhua.

Salmos 107:7

Ime, nache ỹauecteuga so nqa'aic ỹashectec, nache iviraxatta'a so huaqta'a't nỹecpi maye qanayeetaña.

Salmos 77:20

Qataq 'auauecta'aguet na 'aralamaxat nhuo' le'ecpi, 'eeta'am 'anqa'en ana nlo qagueta, 'auachegoxotchiguilo soua Moisés qataq so Aarón.

Salmos 73:24

qataq naua 'arqataxaco aỹem ỹauecta'agueta, qaq que'eca pa'atec na'a'q nache aỹem 'auaconeguet, da aỹem ỹo'oxoraq 'anqa'en.

Salmos 48:14

Da Ñim Qanatamnaxala', Ñimaye chochaq tatec. Qaq Ñimaye nache 'eetai' qome da qomi' ỹauecta'agueta.

Números 9:17

Qaq naxa da naỹoxoosheguem se'eso lo'oc da ca'ai so npe'l, nache so Israel le'ecpi naỹamaxat da jec, qaq ca huaña naxa da vi'iiguet somaye, nache somayepi nataqa'en vi'iiguet da naña camaye.

Números 8:20

Nache so Moisés, Aarón qataq 'enauac so nhuo' le'ecpi, ipactelec da lamaxasoxonaxac Ñim Nataxala' da ỹo'otec na leviitapi da qaỹamaxalec co'ollaxa so Moisés.

Números 1:54

Nache so Israel le'ecpi ỹo'ot 'enauac da lamaxasoxonaxac Ñim Nataxala', maye ỹamaxalec co'ollaxa so Moisés.

Éxodo 40:16

Nache so Moisés ipacchigui da ỹo'ot 'enauac dam ỹamaxalec Ñim Nataxala'.

Éxodo 39:42

Nache so Israel le'ecpi ipacchigui da ỹo'ot da lamaxasoxonaxac Ñim Nataxala' maye ỹamaxalec co'ollaxa so Moisés,

Números 9:21

Qataq huo'o naxa da 'oonolec pe da vi'iiguet se'eso lo'oc, nache da nte'etom ye lỹa na'a'q, nache naỹoxoosheguem da ca'ai so npe'l, nache somayepi qaltaq jec. Qataq huo'o naxa da na'a'q, qataq huo'o da pe da ca'ai se'eso npe'l, nache somayepi qaltaq jec.