Números 9:20 - La'aqtaqa Ñim Lo'onatac 'Enauacna 2013

²⁰ Qaq nache 'ena'am naxa da sa lamai' naua na'axa'te da ipelteetalec so npe'l se'eso lo'oc, nache so Israel le'ecpi ỹalaxaguet da la'aqtac Ñim Nataxala' da qaica ca ldaxac, qataq nache 'ena'am naxa da ỹamaq da jec somayepi.

Números 9:20 Referans Kwoze

Números 9:19

Nache se'eso lo'oc da qaỹaloqta da ca'ai so npe'l, nache so Israel le'ecpi nataqa'en qaica ca ldaxac, nache iuatta'a ca la'aqtac Ñim Nataxala'.

Números 9:21

Qataq huo'o naxa da 'oonolec pe da vi'iiguet se'eso lo'oc, nache da nte'etom ye lỹa na'a'q, nache naỹoxoosheguem da ca'ai so npe'l, nache somayepi qaltaq jec. Qataq huo'o naxa da na'a'q, qataq huo'o da pe da ca'ai se'eso npe'l, nache somayepi qaltaq jec.

Salmos 48:14

Da Ñim Qanatamnaxala', Ñimaye chochaq tatec. Qaq Ñimaye nache 'eetai' qome da qomi' ỹauecta'agueta.

Proverbios 3:5

Ỹataqta 'aumato'ot da 'arquiyaqteỹaxac da 'aupi'iỹa'a Ñim Nataxala', qaq saishet da 'aupe'etega da maiche 'araỹaanataxanaxac.

Proverbios 3:6

'Auacho'ot Ñim Nataxala' 'enauac nam 'auo'otpi, yaqto' Ñimaye ỹo'ot da no'oitegue da 'icỹaxac.

Números 9:18

Nache se'eso Israel le'ecpi, iuatta'a naxa ca la'aqtac Ñim Nataxala' da jec, qataq da vi'iiguet, qaq da 'enauaque naua na'axa'te da qaica ca ldaxac so lo'oc da ipelteetalec so npe'l, nache somayepi nataqa'en qaica ca ldaxac.

Números 10:13

Qaq qaipacchigui da lamaxasoxonaxac Ñim Nataxala' maye ỹamaxalec co'ollaxa so Moisés, co'ollaq cheta'ague da jec so Israel le'ecpi,

Deuteronómio 7:21

Ỹoqo'oye saishet qome da qami' iviloxolaqche't da qarcolanaqai souaxat da qañi'iitega yemayepi, cha'aye Ñim Nataxala' maye Qanatamnaxala'ai, Ñim 'Amaqtaqaic qataq ncolanaxat qami' hueta'agueta.