Números 9:18 - La'aqtaqa Ñim Lo'onatac 'Enauacna 2013

¹⁸ Nache se'eso Israel le'ecpi, iuatta'a naxa ca la'aqtac Ñim Nataxala' da jec, qataq da vi'iiguet, qaq da 'enauaque naua na'axa'te da qaica ca ldaxac so lo'oc da ipelteetalec so npe'l, nache somayepi nataqa'en qaica ca ldaxac.

Números 9:18 Referans Kwoze

1 Corintios 10:1

Qami' ñauochaxau' ỹaqaỹa't maye sa'amaqtenaqtac So Cristo, ñeshetaique da qami' qauaỹaañi da so hua'au qarta'alpi 'enauac somayepi ỹa'axasoxoolec aso auaxai le'enaxat auaxai togaxarai. Ñim Lo'onatac 'Enauacna ipelteetalec co'ollaxa somayepi so lo'oc na piguem.

2 Juan 1:6

Ca ỹoqta 'eesa da lauotaxanaqtaic, nache nataqa'en ỹalaxaguet na lamaxasoxonaxacpi Ñim Lo'onatac 'Enauacna. Qaq qami' ye nache 'eetai' da qauaỹachiñi yem chegoqchiguiña de'era, da Ñim Lo'onatac 'Enauacna qomi' ỹamaxaleguete da nache 'eetai' da sauotaxac na qaraỹepi.

Números 10:13

Qaq qaipacchigui da lamaxasoxonaxac Ñim Nataxala' maye ỹamaxalec co'ollaxa so Moisés, co'ollaq cheta'ague da jec so Israel le'ecpi,

Números 9:20

Qaq nache 'ena'am naxa da sa lamai' naua na'axa'te da ipelteetalec so npe'l se'eso lo'oc, nache so Israel le'ecpi ỹalaxaguet da la'aqtac Ñim Nataxala' da qaica ca ldaxac, qataq nache 'ena'am naxa da ỹamaq da jec somayepi.

Éxodo 17:1

Qaq 'enauac so Israel le'ecpi ca'ai ye toolec 'alhua Sin, nache nqocheeta, ipacchiguilo naua lamaxasoxonaxaco Ñim Nataxala'. Qaq co'ollaq qaỹata'ague, nache naña ye Refidim, qalaxaye qaica ca 'etaxat yemaye da huo'otaq nỹom somayepi.

Números 9:19

Nache se'eso lo'oc da qaỹaloqta da ca'ai so npe'l, nache so Israel le'ecpi nataqa'en qaica ca ldaxac, nache iuatta'a ca la'aqtac Ñim Nataxala'.

Números 9:16

Qaq nache 'eeta'ac naxa de'era se'eso lo'oc: ye na'a'q, nache ipelteetalec so npe'l, qaq ye pe, nache somaye 'eeta'am na norec na le'eraxa.