Números 9:15 - La'aqtaqa Ñim Lo'onatac 'Enauacna 2013

¹⁵ Qaq se'eso na'a'q co'ollaq ime da qaỹa'ara't so npe'l maye netaigui aso arca maye laỹe' soua aỹamaxataxaco, nache anac so lo'oc da ipelteetalec somaye. Qaq so mashe avit, nache se'eso lo'oc 'eroigui 'eeta'am na norec, imauec se'eso pe da 'ettaigui, nache ivitta'a so nte'eta so lỹa na'a'q.

Números 9:15 Referans Kwoze

Éxodo 13:21

Qaq Ñim Nataxala' nnaictague' somayepi, ye na'a'q quetaigui so lo'oc da ỹachaxaata'ague na llec somayepi, qaq ye pe qalaq quetaigui so norec le'eraxa, da yaqto' icoỹattalec somayepi. Qaq ỹoqo'oye somayepi ishet da queta ye na'a'q qataq ye pe.

Éxodo 40:34

nache so lo'oc imattalec se'eso npe'l, qataq da llo'oxoyec Ñim Nataxala' ỹataqta imattalec somaye.

Salmos 78:14

Ye na'a'q qalaq ỹauecta'aguet naqa'en somayepi so lo'oc na piguem, qataq ye pe qalaq ỹauecta'aguet naqa'en na le'eraxa so norec.

Nehemías 9:19

qalaxaye saishet co'ollaxa da 'aualatalec ye toolec 'alhua, nda'a't da 'auauecta'aguet ye na'a'q qataq ye pe, souaxat da ỹataqta lta'araic da 'arauotaxanaqtaic. Ỹoqo'oye saishet da ca'ai 'anqa'en somayepi so lo'oc, maye ỹachaxaata'ague' da llec ye na'a'q, qataq ye pe nache icoỹattalec so norec le'eraxa, da yaqto' ỹauaategue so llec.

1 Corintios 10:1

Qami' ñauochaxau' ỹaqaỹa't maye sa'amaqtenaqtac So Cristo, ñeshetaique da qami' qauaỹaañi da so hua'au qarta'alpi 'enauac somayepi ỹa'axasoxoolec aso auaxai le'enaxat auaxai togaxarai. Ñim Lo'onatac 'Enauacna ipelteetalec co'ollaxa somayepi so lo'oc na piguem.

Isaías 4:5

Qaq huaña nache Ñim Nataxala' ỹauo'o qome ca sa nsattec lo'oc ye na'a'q, qataq ca norec da 'ettaigui ye pe da imattalec naqa'en ye Sión, qataq ca lapoota'a't shiỹaxauapi maye hueta'a yemaye. Qaq 'enauac camayepi huetalec qome da llo'oxoyec Ñim Nataxala',

Salmos 105:39

Qaq Ñim Nataxala' ipelteetalec naqa'en somayepi so lo'oc, qaq ye pe qalaq icoỹattalec na le'eraxa so norec.

Nehemías 9:12

Qaq ye na'a'q nache qoquetaigui so lo'oc da 'auauecta'aguet somayepi, qaq ye pe qalaq qoquetaigui so norec le'eraxa, nache 'aucoỹatta'ague da taỹa'ague somayepi.

Números 14:14

nache yemayepi da'aqtaxanem qome na lma' ne'ena 'alhua, maye hua'aqteguelec naxa da 'Am Nataxala', qoueta'aguet ne'ena nhuo' le'ecpi, qataq da 'anachaxana qalaq ỹataqta 'auatata'aguet, qataq so lo'oc maye 'aralamaxat ipelteetalec 'anqa'en namayepi, qataq ye na'a'q hua'auta'ague da taỹa'ague, qaq ye pe qalaq 'ettaigui 'anqa'en somaye.

Éxodo 40:38

Qaq choche iviraxattrauec soua vi'iye co'ollaq queta so Israel le'ecpi, da se'eso lo'oc maye huetaigui Ñim Nataxala', somaye nache 'eetai' da ipelteetalec se'eso npe'l ye na'a'q, qaq ye pe qalaq 'ettaigui somaye. Qaq 'enauac somayepi da ilota'a.

Éxodo 40:2

«Ca la'auaxanec na'a'q, ca la'auaxanec ca'agoxoic, nache 'aua'ara't qome ca npe'l, maye huaña da Aỹem qanauane'.

Éxodo 14:24

Qaq co'ollaq mashe sa qaỹa'aguet so na'a'q, nache Ñim Nataxala', maye huetaigui so lo'oc lta'araic qataq so norec, namataña so alleppi Egipto le'ecpi, nache ỹami' somayepi da maiche lliỹa't souaxat da lcolanaxa,

Éxodo 13:22

Qaq se'eso lo'oc lta'araic nache hua'auta'ague naxa na llec somayepi ye na'a'q, qaq ye pe, qalaq nacheso se'eso lo'oc da 'ettaigui nache icoỹattalec somayepi.

Números 10:34

Qaq naxa da choche jec somayepi, nache so lo'oc maye lalamaxat Ñim Nataxala' nalotelec somayepi ye na'a'q da ipelteetalec.

Números 17:7

Nache so Moisés ỹachaña ye lanataqa' Ñim Nataxala' asomayepi, so npe'l maye huaña naxa da qanauane' Ñimaye.

Deuteronómio 1:33

qamaq Ñimaye nacheñita da hua'auta'ague da qa'aita'ague da yaqto' lca'aique ca huaña da qanmachiiuec. Qaq ye pe nache 'ettaigui naqa'en so norec da icoỹatta'ague so qoyequi, qaq da yo'oxoñi qalaq qami' ipelteetaleguete so lo'oc.»

Éxodo 40:35

Nache so Moisés saishet da pa'aigui se'eso npe'l maye huaña naxa da qanauane' Ñim Nataxala', cha'aye so lo'oc ỹataqta imattalec somaye, qataq da llo'oxoyec Ñim Nataxala' ỹataqta imattalec so npe'l.