Números 9:13 - La'aqtaqa Ñim Lo'onatac 'Enauacna 2013

¹³ Qalaxaye da huo'o ca shiỹaxaua qui'itta, qataq da saishet da hueta'a ca qaỹoqta 'alhua, da saishet da ỹo'ot ca llo'oxonnataxanaxac que'eca na'a'q Lapascua, nache camaye qaỹo'orauec, ca'ai qanqa'en na lauo' le'ecpi. Cha'aye camaye huo'o da lasouaxashet, souaxat da saishet da ỹanot Ñim Nataxala' ca lachetaqtaxanaxat que'eca na'a'q, nache camaye huo'o ca nhuaxanaguec.

Números 9:13 Referans Kwoze

Éxodo 12:15

Qaq siete na'axa'te qome da qollequiitac ana nauole 'ayiiña maye sa qaỹauo'o anam lalegue maye ỹasheeraxachigui. Qaq ỹoqo'oye que'eca la'auaxanec na'a'q nache saishet da huo'otaq 'auaỹamaxattac nam lalegue maye ỹasheeraxachigui na ndaqñiguishec 'ayiiña que'eca 'arma'. Cha'aye da huo'o ca 'oonolec da qoñiita da huo'otaq chec aca nauole 'ayiiña maye qaỹauo'o aca lalegue maye ỹasheeraxachigui que'ecaua siete na'axa'te, nache camaye qaỹo'orauec da yaqto' saishet da ỹalegoigui na Israel le'ecpi.

Génesis 17:14

Qalaxaye cam saishet da qaỹauo'o ca na'anaxat na lo'oc, nache camaye iuen da qaỹamaqauec qome, cha'aye qaica ca 'enec naqa'en da ñaỹamaxataxac.»

Números 9:7

nache somayepi 'enapego' so Moisés, 'eeta': Qomi' sashelaxaua'a caillaye so leuaxaic, ỹoqo'oye saishet da qomi' qui'itte'. ¿Qaq negue'to' ca qomi' nqanaxa't da yaqto' sanaxauo ca qarachetaqtaxanaxat, da shenaqta'am na laỹe Israel le'ecpi?

Hebreos 12:25

Qaq ỹoqo'oye maxatchaxa da qoñiita, saishet da huo'o ca sa iqocha'a Ñim Lo'onatac 'Enauacna da qami' detaxaỹoto. Saishet da sa qauacoñiiguet, cha'aye som hua'au Israel le'ecpi maye sa iqocha'a co'ollaxa Ñimaye qalaq saishet da ỹet so lta'araic nhuaxanaguec. Se'eso na'a'q co'ollaq Ñim Lo'onatac 'Enauacna detaqtacot somayepi, qalaq so lvilỹaxac ỹacholaxan ana 'alhua. Qaq qomi' da sa saconaxaguet Ñim Lo'onatac 'Enauacna maye qomi' iỹaxanalo so lvilỹaxac maye chegoqtot na piguem, nache nataqa'en saishet da qomi' ỹe't ca lta'araic qanhuaxanaguec. Cha'aye nagui da la'aqtac Ñimaye 'eeta': «Qaltaq she'eguelaxalec da sacholaxan ana 'alhua, qalaxaye saishet da ndotec anamaye nataqa'en na piguem.»

Hebreos 9:28

Qaq nache 'eeta'am So Cristo da 'oonolec da nañan da yaqto' qalota da shenaqta na qaỹapalaxat na lasouaxashetpi. Ime, nache Somaye ñe'eguelaxa qome ana 'alhua, qalaxaye saishet da naỹa da qaltaq ileualec na qarasouaxashetpi, nachaqrata da anac da 'enauac qomi' nca'alaxatre'c, qomi' maye seuataqtaique ca lviraxac.

Hebreos 2:3

qaq ỹataqta 'eesa qone' da huo'o ca qanhuaxanaguec da saishet da ñetelaqa'a de'era nca'alaxa maye ỹataqta qaica ca 'ena'am. Cha'aye So Qarataxala' nacheso so la'auaxanec da ỹa'axat de'era nca'alaxa, qataq nam na'axaỹaxaatega co'ollaxa de'era na'aqtaxanaxac nataqa'en qomi' ỹachaxanalo da ỹataqta 'eesa.

Ezequiel 23:49

Qaq se'esoua dos nqaỹa't ỹaconegueta qome ca nhuaxanaguec souaxat dam qauem lataxa'c, qataq nam lasouaxashetpi souaxat da ỹo'oxoreetrac na nqolacpi. Qaq huaña qome nache qami' qauaỹacheñi da Aỹem nachaỹem Nataxala'.»

Números 19:13

Qaq da huo'o ca ipoteua'a ca shiỹaxaua leuaxaic, nache da saishet da nỹola't camaye, nache ishet da na'aqchet ñi npe'l maye lanataqa' Ñim Nataxala'. Qaq que'eca shiỹaxaua iuen da ca'ai qanqa'en na Israel, cha'aye saxanaxa da qaiquetegaxaalec que'eca 'etaxat maye ishet da iqui'itaxatta, nache camaye nache 'eetai' da saishet da qui'itta da lataxac.

Números 5:31

Qaq ca lhua aca'aca 'alo, qaica ca lasouaxashet, qalaxaye acamaye da huo'otaq 'eesa da huo'o ca lasouaxashet, nache maiche nque'etaxangui ca nhuaxanaguec.»

Levítico 20:20

Qaq da huo'o ca lauañi' aca lhua ca ntesoqo', nache camaye ỹe'en ca maiche ntesoqo', nache nque'etaxanguilo qome de'era maiche lasouaxashe't. Ỹoqo'oye caamaye ileu', nache qaica ca llale'c.

Levítico 17:10

Qaq Aỹem, saishet da seshetaxateguet ca Israel le'ec, huo'otaq ca chegaqauec maye qami' netaiguilo, da chec ca lapat da ñaq huo'oi naua ltago'q, nache camaye so'orauec, ca'ai ñaqa'en ca lauo' le'ecpi.

Levítico 17:4

qataq souaxat da saishet da iroua'a ye ñegueuo ñi npe'l da yaqto' lachetaqtaxanaqte maye ỹanot Ñim Nataxala', nache que'eca shiỹaxaua huo'o da lasouaxashet souaxat da icoraxatec ca ltago'q ca shiguiỹac. Nache camaye qaỹo'orauec, ca'ai qanqa'en ca lauo' le'ecpi.

Levítico 22:9

Nache na ntaxaỹaxanaxanecpi ỹataqta ỹalaxalec qome na ỹamaxasoxonaxacpi, yaqto' qaica ca ileu, souaxat da ỹashaxanec da ỹa'aqtac. Cha'aye Aỹem Nataxala' maye sanem namayepi da Aỹem do'onataxanot.

Éxodo 12:19

Qaq saishet qome da huo'o ca ỹaỹamaxattac aca lalecnaxanaqte que'ecaua siete na'axa'te. Cha'aye da huo'otaq huo'o ca chec aca nauole 'ayiiña maye huo'o ana lalegue, nache camaye qaỹo'orauec da yaqto' saishet da ỹalegoigui na Israel le'ecpi, na'aictaxa camaye da huo'otaq nachena na Israel le'ecpi, huo'otaq ca choche chegaqauec.

Éxodo 12:47

Qaq 'enauac qome na Israel le'ecpi da ỹo'ot damaye.

Éxodo 30:33

Qataq da huo'o ca ỹo'ot ca ncoraxanaxat da 'eeta'am da no'onataguec namaye, qataq da icorelec ca camachaqca shiỹaxaua, nache camaye qaỹo'orauec, ca'ai qanqa'en ca lauo' le'ecpi.»

Éxodo 30:38

Qaq da huo'o ca 'oonolec da ỹo'ot ca nchenaxanaxat da 'eeta'am naqa'en camaye da yaqto' maiche lalamaxat da nchenaxat, nache camaye qaỹo'orauec, ca'ai qanqa'en na lauo' le'ecpi.»

Levítico 24:15

Nache qonapega qome na Israel le'ecpi, qoneta': ‹Camachaqca shiỹaxaua da ilarapiguiñi Ñim Natamnaxala', nache camaye maiche nque'etaxangui ca nhuaxanaguec.›

Números 19:20

Qaq ca shiỹaxaua maye saxanaxa da qui'itta, da saishet da nqui'itaxat, nache camaye iuen da ca'ai qanqa'en ne'ena nhuo' le'ecpi, cha'aye na'aqchet ñi npe'l maye lanataqa' Ñim Nataxala'. Souaxat da saxanaxa da qaichegoxolec na 'etaxat maye ishet da qui'itta naqa'en da lataxac, nache camaye nache 'eetai' da saishet da qui'itta da lataxac.