Números 9:10 - La'aqtaqa Ñim Lo'onatac 'Enauacna 2013

¹⁰ Da qoñiita da huo'o, huo'otaq na qaỹa'alquipi, ca saishet da qui'itta souaxat da ỹashelleua'a ca leuaxaic, huo'otaq da queuotapigui' qaỹoqtegue ca hueta'ague, qalaxaye nache 'ena'am ishet da Aỹem ỹo'oxoren que'eca na'a'q,

Números 9:10 Referans Kwoze

1 Corintios 11:28

Ỹoqo'oye ñi 'oonolec, iuen da ỹa'auaxaañi da ỹataqta naỹateetela't, da huo'otaq 'onaxaic cam ỹo'ottac huo'otaq qauem. Ime, nache ishet da chec aca nauole qataq ishet da nỹomgui aca ỹomaxaqui.

Mateo 5:24

nache 'am 'aucotana'asop añi nca'atoxonaxalate aca 'arachetaqtaxanaqte, nache 'aua'auaxaañi da 'anmane' ca 'arỹa. Ime, qaq 'am 'avi'eguelaxaua'a añi nca'atoxonaxalate, nache 'aỹa'aneuo aca 'arachetaqtaxanaqte.

Juan 11:55

Qaq mashe saqaỹauga so na'a'q maye laponaxaqui na judiopi da qaiuennate so na'a'q le'enaxat Lapascua. Nache ỹataqta qalota so shiỹaxauapi maye nañalo naua lỹa't 'aleu' taỹa ye Jerusalén, da yaqto' ỹo'ot da lataxac da nqui'itaxat ca shiỹaxaua, da yaqta'a nvireuo se'eso na'a'q naponaxaqui.

Números 9:9

Nache Ñim Nataxala' 'enapega so Moisés, 'eeta': «Qonapega na Israel le'ecpi qoneta':

Números 9:11

qalaxaye huetoigui naqa'en ca na'a'q catorce, que'eca lỹa ca'agoxoic da mashe napaltapiguiñi. Nache ỹauot ca qagueta llalec da chec, qataq aca nauole qaica ca lalegue, qataq aca nalecnaxanaqte huoue chemaxaxarai,

2 Crónicas 30:2

Cha'aye so nta'a, co'ollaq mashe ime da nnattague' so nataxala'pi qataq 'enauac so ỹalecta'a't shiỹaxauapi maye hueta'a ye Jerusalén, nache qanasachigui da qaỹo'ot so Lapascua, huetoigui qanqa'en so ca'agoxoic dos,

2 Crónicas 30:18

Cha'aye ỹataqta qalota som shiỹaxauapi lma' ye Efraín, Manasés, Isacar qataq Zabulón, som ỹalectaua'a so nquia'axac maye huaigui so Lapascua, qalaxaye saishet da ipactelec da nanettañi lataxac, cha'aye saishet da nqui'itaxat. Qalaxaye so Ezequías, natameelec somayepi, 'eeta': «'Am Nataxala', maye 'am choxonnataxanaxaic, 'auchoxoren qome nam ỹataqta huesota da lquiyaqteỹaxac maye 'am nmittaique,

2 Crónicas 30:13

Qaq 'era da 'eetec da ỹataqta qalota so shiỹaxauapi maye laỹona't co'ollaxa, huetoigui so ca'agoxoic dos da qaỹo'oxoren so laloxoqui da qanallec aso nauole maye qaca aca lalecte maye ỹasheeraxachigui, huaña ye Jerusalén.