Números 8:17 - La'aqtaqa Ñim Lo'onatac 'Enauacna 2013

¹⁷ Cha'aye Aỹem, ỹalamaxat 'enauac na la'auaxanec llalec na Israel le'ecpi, 'eeta'am nataqa'en na la'auaxanec llalec na lalo shiguiỹacpi, chegoqta'a co'ollaq ileu ñaqa'en so la'auaxanec llalec so Egipto le'ecpi, nache Aỹem sacona da ỹalamaxat na la'auaxanec llalec na Israel le'ecpi.

Números 8:17 Referans Kwoze

Éxodo 13:2

«Aỹem qaỹa'añiỹot qome na la'auaxanec qaỹa'alquipi, cha'aye 'enauac na la'auaxanec llalaqpi na Israel le'ecpi, namaye 'enauac ỹalamaxatpi, nache 'ena'am na la'auaxanec llalec na shiguiỹacpi».

Lucas 2:23

Cha'aye nache lamaxasoxonaxac na nqataxacpi maye chegoqo'ot so Moisés: «Da que'eca na'auaxanec ñalec maye ñiguiñi, camaye da ỹale, nache iuen da qoỹanot Ñim Lo'onatac 'Enauacna.»

Santiago 1:18

Ñim Lo'onatac 'Enauacna maiche lhuennataxac da ỹauo'oi qomi' llalqa. Qaq ỹoqo'oye qomi' ỹanema da dalaxaic achaalataxac, chegoqchigui de'era no'on na'axaỹaxac maye chegaqaigui da nca'alaxa.

Hebreos 11:28

So Moisés huo'o da lpi'iỹaxac Ñim Lo'onatac 'Enauacna, ỹoqo'oye ỹo'ot so nquia'axac maye le'enaxat Lapascua. Nataqa'en damaxasoxoolec da qaỹa'ame'n naua laso'omi naua ntago'q naua lma'ate na Israel le'ecpi. Yaqto' so namaxashec piguem le'ec maye qanamaq da dalaataxan saishet da huo'o ca ỹalauat nam la'auaxanec llalec nam Israel le'ecpi.

Hebreos 10:29

Qaq da ỹataqta qauennataxañiilec de'era, nache ¡ỹactec qone' da lchec ca nhuaxanaguec maye ỹaconeguet cam ỹo'otan som Llalec Ñim Lo'onatac 'Enauacna qataq da 'eetega qaica ca naigui da l-leuaxa Somaye! Qaq da nache 'eetec de'era, nache isheueetac som Saqcha'a La'añaxac Ñim Lo'onatac 'Enauacna maye lauotaxat camaye. Nataqa'en da ỹo'otan da l-leuaxa So Cristo qamaq nachera dam chegoqchigui da ipacchigui da naỹamaxataxac Ñim Lo'onatac 'Enauacna qataq chegoqchigui da qaỹapalaxat na lasouaxashetpi.

Juan 17:19

Qataq souaxat naamaye, nache Aỹem ỹataqta 'am ñañanot yaqto' naamaye nataqa'e'n ishet da 'am nañaarot, chegoqchigui dam 'eesa lataxac.

Juan 10:36

Qaq da huo'otaq Ñim Lo'onatac 'Enauacna Aỹem namaxa co'ollaxa ana 'alhua, qaq ¿ta'ainco' qami' ye qoñiitega da naua ỹa'aqtaqa sa iyacna'ape Ñimaye, souaxat da sheetega da Aỹem Llalec Ñimaye?

Ezequiel 20:12

Qataq nataqa'en sanem co'ollaxa da ỹauatton ye na'a'q mataxaqui da yaqto' la'anaxat da qanaỹamaxataxac somayepi qataq Aỹem, qataq yaqto' ỹaỹateeta da nachaỹem da seỹotauga co'ollaxa da yaqto' ỹalamaxat.

Salmos 135:8

Ñimaye nacheñi Ñim ỹo'ot co'ollaxa da l-leuaxa som la'auaxanec llalaqpi so Egipto le'ecpi, som ỹalleppi qataq so shiguiỹacpi.

Salmos 105:36

Qataq ỹo'otec da l-leuaxa som la'auaxanec llalaqpi so Egipto le'ecpi, som la'auaxanec llalaqpi som chegoxoguetpi somayepi.

Salmos 78:51

qataq ileu naqa'en so la'auaxanec llalec so lma' ye Egipto so hua'auchiguiñi la'auaqteguishec llalec, co'ollaq huaña na lanataxaquipi namayepi ye Cam.

Números 3:13

cha'aye 'enauac na na'auaxanec ñalec, nache ỹalamaxat. Cha'aye co'ollaq ileu ñaqa'en 'enauac so la'auaxanec llalec so Egipto le'ecpi. Nache Aỹem seỹotauga co'ollaxa da sauo'o ỹalamaxat na la'auaxanec llalec na Israel le'ecpi, qataq na la'auaxanec llalec na shiguiỹacpi maye na'atetpi namayepi. Qaq ỹoqo'oye namayepi nache ỹalamaxat. Qaq 'era da ỹa'aqtac, Aỹem Nataxala'.»

Levítico 27:26

Qaq ca la'auaxanec llalec ca 'atetpi, camaye nache 'eetai' da lalamaxat Ñim Nataxala'. Ỹoqo'oye qaica qome ca ỹe'egueeta'a da ỹaneuo ca huaca llalec, huo'otaq ca qagueta llalec, cha'aye camaye mashe sogote da lalamaxat Ñim Nataxala'.

Éxodo 29:44

Nache ca npe'l qataq aca nca'atoxonaxalate ỹataqta qui'itta, nataqa'en ñi Aarón qataq na chegoxoguetpi, namayepi seỹotauga da nalemaqte' da Aỹem do'onataxanot.

Éxodo 12:29

Qaq co'ollaq mashe laiñi so pe, nache Ñim Nataxala' ỹalauat 'enauac so la'auaxanec llalec so Egipto le'ecpi, nataqa'en so la'auaxanec llalec so faraón maye taỹa'a da nta'a, qataq so la'auaxanec llalec so ncoñeteguishecpi, nataqa'en so la'auaxanec llalec so shiguiỹacpi.

Números 8:18

Qalaxaye Aỹem saconeua'a na leviitapi, da yaqto' naiguet ñaqa'en ne'ena la'auaxanec llalaqpi na Israel le'ecpi.