Números 7:89 - La'aqtaqa Ñim Lo'onatac 'Enauacna 2013

⁸⁹ Nache so Moisés co'ollaq taua'a so npe'l da yaqto' detaxaỹapegue' Ñim Nataxala', nache hua'aqtega co'ollaxa Ñim Nataxala' chemaqtapoiguilo soua ne'enaqtaqa shiỹaxau' maye netaleguete so lapo' aso laỹe' da aỹamaxataxac. Qaq 'era da 'eetec co'ollaq detaqtague' so Moisés Ñim Nataxala'.

Números 7:89 Referans Kwoze

Hebreos 4:16

Qaq ỹoqo'oye da huo'o ca qarhuenaxanaxa, nache no'on da maiche sauoqo'o da qanaquitaxac da ñequigaxaua'a ca hueta'a Ñim Lo'onatac 'Enauacna. Qaq Ñimaye qomi' itaua'n, cha'aye ỹataqta soxoraic, qataq qomi' lauotaqa'ate.

Salmos 99:1

Ñim Nataxala' nacheñi ñi Nta'a, añi nso'onaxaqui Ñimaye netanguilo soua ne'enaqtaqa le'enaxa't querubines, qaq na ỹotta'a't shiỹaxauapi ỹataqta iviloxol, qataq ana 'alhua ỹataqta cholaxan qome.

Salmos 80:1

'Am, maye 'aulotague' na Israel le'ecpi, maye 'auauecta'aguet co'ollaxa so José 'eeta'am 'anqa'en ana qagueta. 'Am maye ca 'aro'onataxanaqa' da 'am nta'a, nache hueta'alo soua ne'enaqtaqa querubines maye huo'oi naua laua't, ñaq qomi' 'aua'axaỹalo qataq qomi' 'auachaxanalo da 'ara'añaxac,

1 Pedro 1:12

Qalaxaye Ñim Lo'onatac 'Enauacna ỹaỹaanaxanaxanec somayepi da de'era ỹa'axattac saishet da lalamaxat somayepi, cha'aye damaye qaỹauotaique da qaralamaxache. Qaq 'era dam na'aqtaxanaxac maye qami' ỹanema som qami' da'aqtaxanema da no'on na'axaỹaxac. Qaq somayepi ỹachegoxotchigui da la'añaxac So Saqcha'a Na'añaxac Qui'itta maye chegoqo'ot na piguem. ¡Qaq de'era nachera da huotaique nataqa'en da ỹauaachigui co'ollaxa nam chegaqasheguem lamaxashecpi Ñim Lo'onatac 'Enauacna!

1 Reyes 6:23

Nataqa'en ỹo'o't soua dos ne'enaqtaqa shiỹaxau' maye huo'oi naua laua't, chegaqaigui na qo'oipaq olivo, nache ỹaaraña so nanataqa' maye saqaishetapec. Qaq ye lshequitcheguema ñi 'oonolec somaye, ivi' ye cuatro metros y medio.

1 Samuel 4:4

Huaña nache so Israel le'ecpi huo'oi soua ỹamaxalo ye Silo da yaqto' ndoi' aso arca maye laỹe' da naỹamaxataxac Ñim Nataxala' maye Qaica ca Ỹaqalanapec, maye netanguilo soua dos ne'enaqtaqa maye huo'oi na laua't. Qaq so Jofní qataq so Finés som dos llalqa so Elí, nache pa'atra'agueta da ilotrague' asa'aso arca maye laỹe' da naỹamaxataxac Ñim Lo'onatac 'Enauacna.

Números 12:8

ỹoqo'oye da setaxaỹapegue', qalaq ỹataqta satata'aguet, nache qaica ca soxocheesop, nache damaye ishet da aỹem iloto'ot ¿Qalaq ta'ainco' da saishet da qayi'iỹai da qoquiiteguelec da ỹamaxashec Moisés?»

Números 1:1

Qaq so la'auaxanec na'a'q, soua dos ca'agoxoiqa, maye huetoiguilo soua dos vi'iye, da qanayeca'ai ye Egipto. Nache Ñim Nataxala' 'enapega so Moisés, huaña ye toolec 'alhua añi qasoxonaxa Sinaí, huaña so npe'l maye huaña naxa da qanauane' Ñimaye, nache 'eeta':

Levítico 1:1

Ñim Nataxala', iỹaxana so Moisés huaña so npe'l maye huaña naxa da qanauane' Ñimaye, nache 'eeta':

Éxodo 40:34

nache so lo'oc imattalec se'eso npe'l, qataq da llo'oxoyec Ñim Nataxala' ỹataqta imattalec somaye.

Éxodo 40:35

Nache so Moisés saishet da pa'aigui se'eso npe'l maye huaña naxa da qanauane' Ñim Nataxala', cha'aye so lo'oc ỹataqta imattalec somaye, qataq da llo'oxoyec Ñim Nataxala' ỹataqta imattalec so npe'l.

Números 8:1

Ñim Nataxala' 'enapega so Moisés, 'eeta':

Números 11:17

Nache aỹem, senotec qome da 'am ña'aqtaxane', nache sanem camayepi ca laỹolec da na'añaxac maye 'am sanem co'ollaxa, yaqto' 'am itauan da 'auaueca'aguet ne'ena shiỹaxauapi yaqto' saishet da 'andotec.