Números 6:26 - La'aqtaqa Ñim Lo'onatac 'Enauacna 2013

²⁶ qataq Ñim Nataxala' 'am ỹaỹamaxareeta da 'am ilota'a, qataq ỹauo'o da 'arlagaxayec›.

Números 6:26 Referans Kwoze

Salmos 4:6

Qalota na 'eeta': «¿Negue'tom ca qomi' ỹachaxanalo ca ỹaỹamaqchiguiñi?» 'Am Nataxala', ñaq 'ano'onaxat qome da 'armeenaxanaxac da qomi' 'anamata'alo.

2 Ts 3:16

Qaq So Qarataxala' Jesús maye chegoqo'ot da nlagaxayec, Somaye qami' ỹanema qome da l-lagaxayec 'enauaque naua na'axa'te qataq, nache 'eetai' da qami' nnaictagueto.

Salmos 29:11

Ñim Nataxala' ỹanem da la'añaxac na lalamaxat nhuo' le'ecpi, qataq ỹanem da nqouagaxa na lalamaxatpi qataq lactapiguiñi naqa'en.

Romanos 15:13

Qataq huo'o da iỹaxanaxac Ñim Lo'onatac 'Enauacna maye qomi' ỹanema da qanaquitaxac, da Ñimaye qami' nlaxatchiguilo qome da qaramaicỹaxaqui. Qataq qami' ỹanema da qarlagaxayiqui maye chegaqaigui da qarpi'iỹaxaqui Ñimaye. Qataq chegoqchigui da la'añaxac So Saqcha'a Na'añaxac Qui'itta da nquictasheguem da qanaquitaxaqui.

Juan 16:33

Qaq Aỹem qami' sa'axatema 'enauac de'era, yaqto' huo'o da qarlagaxayiqui da Aỹem qana'ayeetaua'a. Qami' ana 'alhua maye qoviitalec huo'o da qanque'eenaxaqui. Qalaxaye qana'añaxache qome, cha'aye Aỹem mashe sogote da ỹoxonec nam 'onataxacpi maye huetalec ana 'alhua.

Hechos 2:28

Qataq Aỹem 'auachaxana so nqa'aic maye taỹa'a da nca'alaxa, qataq ỹataqta Aỹem nlaqchigui da ñetonaxac, cha'aye Aỹem qoueta'aguet.

Isaías 26:3

'Am Nataxala', 'am 'aỹa'anem da l-lagaxayec nam sa nquic da lataxac, cha'aye ỹataqta 'am pi'iỹa'a.

Romanos 15:33

Qaq Ñim Lo'onatac 'Enauacna maye chegoqo'ot da nlagaxayec hueta'aguet ñi 'oonolec da qoñiita. Aja', nache 'eetec.

Juan 20:21

Ime, nache So Jesús qaltaq ỹe'eguelaxalec da 'enapegalo soomaye, 'eeta': –Qami' huo'o da qarlagaxayiqui. Qaq de'era 'eetec co'ollaxa da Aỹem namaq Ñim Ita'a, qaq nachera qome da sheetec da qami' sama'q.

Salmos 42:5

Qaq ¿ta'ainec taxa da seqalvi? Qataq ¿ta'ainec taxa da huo'o da iuogoxo? Ye da ñaquitaxac mashe sacheto'ot Ñim Lo'onatac 'Enauacna, qaq Ñimaye nache shecto'ot da sho'oxoreetac. Ñim Ñatamnaxala' qataq ica'alaxaqui.

Filipenses 4:7

Yaqto' Ñim Lo'onatac 'Enauacna qami' ỹanema da l-lagaxayec, qaq de'era nlagaxayec damaye sa ivi' da ỹaỹaten na shiỹaxauapi maye huetalec ana 'alhua, qaq damaye npaxattalec da lquiyaqteỹaxac, qataq da lhuennataxac nam mashe lalamaxatpi So Cristo Jesús.

Lucas 2:14

«¡Ỹataqta lta'araic da ño'oxonnataguec Ñim Lo'onatac 'Enauacna maye neto'ot na piguem, nataqa'en ana 'alhua huo'o da l-lagaxayec 'enauac nam ỹauotec Ñimaye!»

Isaías 57:19

nache ỹo'on ñaqa'en namayepi da no'onec maye, 'eeta': ‹¡Huo'o da l-lagaxayec nam hueta'a ca qaỹoqta, qataq huo'o da l-lagaxayec nam hueta'a ca saqaỹapeque! ¡Aỹem ñataren qome na ỹalamaxat nhuo' le'ecpi!›

Isaías 26:12

'Am Nataxala' qomi' 'aỹa'anema qome ca nlagaxayec, cha'aye nache 'am chegoqchigui da yo'oq nam qaro'onatacpi.

Salmos 89:15

Ỹataqta machiguiñi qome ca nhuo' le'ecpi, maye ỹaỹaten da 'am ỹo'oxoreetac 'Am Nataxala', qataq quetaigui nam 'are'eraxa,

Salmos 37:37

Ñaq 'aumeten qome ca nalochiguiñi qataq no'on da lataxac, cha'aye no'on ca taỹa'a ca huo'o da l-lagaxayec.

Hechos 10:36

Ñim Lo'onatac 'Enauacna namaxa co'ollaxa na Israel le'ecpi da la'aqtac, dam la'aqtac maye ỹo'ot da nlagaxayec, chegoqchigui So Jesucristo, Som Lca'aguishec qataq Lataxala' 'enauac na shiỹaxauapi.

Juan 20:26

Qaq co'ollaq mashe ivi' naua ocho na'axa'te, nache soua napaxaguenataqa qaltaq lapoota'a't da huetra'a so nỹec, nache ỹalectauo so Tomás da hueta'agueta soomaye. Qaq na'aictaxa da ỹataqta ỹapochigui so lasom, qalaq So Jesús pa'auo, nache vichiguinguilo soomaye. Nache iqui'n, 'eeta': –Ñim Lo'onatac 'Enauacna qami' ỹanema da lqouagaxanaqtaic qataq da qarlagaxayiqui.

Juan 14:27

Qami' sanema da nlagaxayec, qalaxaye saishet da nachera da nlagaxayec maye huetalec ana 'alhua. Cha'aye dam qami' sanema, nachera da maiche ỹalamaxat ilagaxayec. Saishet qome da leuapigui ye qarvilli, huo'otaq da qayi'i, souaxat de'era maye yaqta'a da qaviyeeguet.

Miqueas 5:5

Qaq camaye ndoi' qome ca qarlagaxayec. Qaq qom anac nam asiiriopi da huenoxotaua'a nam qana'alhua, qataq nam qarma' lta'araicpi, nache qomi' samaxaso'q caua siete nataxala'ate, qataq caua ocho 'amaqtaqaiqa nataxala'ate,

Salmos 44:3

Cha'aye saishet da nachera da lhuaqỹaxac, qataq so lainecpi so chegoqchigui da dauegaxan, somayepi saishet da maiche loxonec ne'ena 'alhua, maye nacherata da 'arhuaqỹaxac qataq da 'ara'añaxac, qataq da 'are'eraxa cha'aye 'auauotec somayepi.

Efesios 6:23

Ỹataqta huo'o da iyaxa da Ñim Lo'onatac 'Enauacna maye Qarta'a, qataq So Qarataxala' Jesucristo qami' ỹanema da nlagaxayec qataq da nsoxoyec qataq da npi'iỹaxac nataqa'en 'enauac nam laỹepi 'amqaanataxanaxaicpi.

Romanos 5:1

Ñim Lo'onatac 'Enauacna qomi' ỹaỹamaxareete' cha'aye souaxat da huo'o da qarpi'iỹaxac Ñimaye. Qaq damaye chegoqchigui So Qarataxala' Jesucristo. Qaq ỹoqo'oye nagui huo'o da qarlagaxayec da sonaqto'ot Ñim Lo'onatac 'Enauacna.