Números 6:24 - La'aqtaqa Ñim Lo'onatac 'Enauacna 2013

²⁴ ‹Ñim Nataxala' 'am talec naqa'en ca 'anqouagaxa, qataq 'am ntela'a,

Números 6:24 Referans Kwoze

1 Ts 5:23

Qaq Ñim Lo'onatac 'Enauacna qami' ỹanema da qarlagaxayiqui, qataq nacheñi qami' iqui'itaxatte' yaqto' qauo'onataxañiỹot. Qataq saishet da qami' ỹashenegueta ca sa ỹaỹamaxañi, choche ivitta'a da ñe'eguelaq So Qarataxala' Jesucristo, yaqto' so saqcha'a qarca'alaqai, qataq da qarvilỹaxaqui qataq da qaro'ocỹaxaqui, saishet da huo'o ca qarasouaxashechi qom qanachaachiỹot Ñim Lo'onatac 'Enauacna.

Filipenses 4:7

Yaqto' Ñim Lo'onatac 'Enauacna qami' ỹanema da l-lagaxayec, qaq de'era nlagaxayec damaye sa ivi' da ỹaỹaten na shiỹaxauapi maye huetalec ana 'alhua, qaq damaye npaxattalec da lquiyaqteỹaxac, qataq da lhuennataxac nam mashe lalamaxatpi So Cristo Jesús.

Judas 1:24

Ñim Lo'onatac 'Enauacna ishet da qami' ntela'alo da yaqto' saishet da qauo'oche ca qauem, qataq nataqa'en huo'o da la'añaxac da yaqto' qami' nachaalataxaneua'alo cam hueta'a maye qaica ca 'ena'am da llo'oxoyec. Qaq da qanachaacheua'a Ñimaye, qalaq qami' nlaqchiguilo da qantonaxaqui qataq qami' qui'itte', qaica ca qarshepaxanaqai, qoñiita'am ca nogoxot da dalaxaicolec.

Isaías 42:6

«Aỹem Nataxala', 'am seỹaxana, nache sacoota'a na 'arhuaq, yaqto' 'am so'onataxana da 'am chegoqchigui da nca'alaxa, 'am saỹamaxaañi cha'aye sauotaique da 'am la'anaxat da ñaỹamaxataxac, da ñaỹamaxate' na nhuo' le'ecpi qataq 'am lcoỹaraqte na ỹotta'a't shiỹaxauapi.

Juan 17:11

Qaq Aỹem mashe yaqta'a da saishet da soota'a ana 'alhua, cha'aye Aỹem saỹa cam qoueta'a. Qalaxaye naamaye ñaq huetralec ana 'alhua. Qaq ỹoqo'oye 'am seỹaxanot da 'antela'alo, qataq 'anema da 'ara'añaxac dam Aỹem 'aỹa'anem co'ollaxa, da yaqto' naamaye nache 'eetai' da na'atta'a't, 'eeta'am da 'eetec 'Am qataq Aỹem.

Salmos 91:11

cha'aye Ñimaye 'am namaxa qome ca lamaxashecpi piguem le'ecpi, da yaqto' ntela'a 'enauac da 'icỹaxac.

Salmos 134:3

Qaq chegoqchiguiña qome ye Sión, da qami' namaxalo da lchoxonnataxanaxa Ñim Nataxala' maye lo'onatac na piguem qataq ana 'alhua.

Rut 2:4

Qaq huaqchigui co'ollaxa da se'eso na'a'q nvirec so Booz, chegaqaua'a ye Belén, nache somaye iquin so deqataxaatacpi, 'eeta': ¡Qami' hueta'agueta qome Ñim Nataxala'! Nache somayepi ỹasateguet somaye, 'eeta': ¡Da lchoxonnataxanaxa Ñim Nataxala', 'am huetalec qome!

Salmos 17:8

Aỹem 'antela'a qome, 'eeta'am 'anqa'en da 'artelaxa naua 'ara'aillalel, aỹem 'auacho'ot qome na lpaqal naua 'araua't da aỹem 'oxocheesop

1 Samuel 2:9

Ñim Nataxala' ỹataqta ntela'a da lqauaxac na ỹa'amaqteetac Ñimaye, qalaxaye nam qauemaicpi qalaq huaigui ca napalaxa da ileu, cha'aye qaica ca chegoqchigui ca maiche la'añaxac da doxonaxan.

1 Pedro 1:5

Qami' huo'o da qarpi'iỹaxaqui Ñim Lo'onatac 'Enauacna, qaq ỹoqo'oye Ñimaye qami' npaxattaleguete, ỹauota'a da la'añaxac, yaqto' qami' ishet da qanca'alliiuec, ipacchigui dam lapaqtañi 'eetapeguec cam pa'atec na'a'q.

Filipenses 4:23

Qaq So Qarataxala' Jesucristo, qami' ỹanema qome da lta'araic lqouagaxanaqtaic. Aja', nache 'eetec.

Efesios 6:24

Qaq Ñim Lo'onatac 'Enauacna, ỹanem qome ca no'on 'enauac nam saishet da ỹalat da lauoche So Qarataxala' Jesucristo.

Salmos 28:9

Ñaq 'anca'alaxatec na 'aralamaxat nhuo' le'ecpi, 'Am Nataxala', 'aỹa'anem ca nqouagaxa na 'aralamaxatpi. 'Antela'a qoneta'am ca ilotague' ana qaguetapi, qataq nache 'eetai' da 'auauecta'aguet.

Isaías 27:3

Aỹem Nataxala', nache aỹem maye ñeteltega, qataq saishet da she'emaxat da secottalec. Ñepaxattalec ye na'a'q qataq ye pe, da yaqto' saishet da qaỹo'otec qauem.

1 Corintios 14:16

Cha'aye 'am da huo'otaq 'aatacot da 'ana'achec Ñim Lo'onatac 'Enauacna, qaq chaqrata da saqcha'a 'arca'alaxa da ntootapigui', qaq da na'axaỹaxaatac ca shiỹaxaua maye ỹaqa'a ca chegaqa'ague, nache saishet da nhuanaua'a ca 'anqouagaxaunaxac da 'aatacot da 'ana'achecỹaxac Ñim Lo'onatac 'Enauacna, cha'aye camaye saishet da ỹaỹate'n naua 'ara'aqtaqa.

Génesis 28:15

Qaq Aỹem 'am soota'aguet, qaq maicheye cam 'aigue qalaq 'am ñepaxattalec qome, qataq 'am ñe'eguelaxata qome ne'ena 'alhua. Saishet qome da 'am salat, choche ivitta'a da sepacchigui da so'ot 'enauac nam 'am sachaxanapecotpi.»

2 Samuel 7:29

Ỹataqta talec 'anqa'en qome da 'arqouagaxanaqtaic na llalaqpi ne'ena 'aramaxashec, qataq nache 'eetai' 'anqa'en da 'artelaqtaxanaqtaic. Cha'aye 'Am Nataxala' maye Atamnaxala', maiche 'ara'aqtac co'ollaxa, da nache 'eetai' da huetalec 'anqa'en da 'arqouagaxanaqtaic na llalaqpi ne'ena 'aramaxashec.»

Daniel 9:17

'Am Qanatamnaxala', ñaq 'ana'axaỹaxana da natamnaxac qataq da nachoxonnaxac ne'ena 'aramaxashec, ñaq 'auo'ot da la'amaqchec da 'are'enaxat 'Am Nataxala', nache 'auachegoxotchigui da 'arsoxoyec da 'auamata'a dam huaigui aso 'aralamaqte atamnaxaqui maye ỹo'ot da naquicoxo.