Números 6:23 - La'aqtaqa Ñim Lo'onatac 'Enauacna 2013

²³ «Qonapega qome so Aarón qataq soua llalqa, da ivita da ỹan ca no'on la'aqtac da talec naqa'en ca nqouagaxa na Israel le'ecpi, nache 'eeta':

Números 6:23 Referans Kwoze

1 Crónicas 23:13

Qaq soua llalqa so Amirán, le'enaxa't: Aarón qataq so Moisés. Qaq so Aarón, nacheso so lca'aguishec Ñim Lo'onatac 'Enauacna, da yaqto' ỹaneuo ana nachetaqtaxanaqte maye sa qaishetapec, qataq da ỹavigaxat na nchenaxanaxat da ỹanot Ñim Nataxala', qataq da huapegue' qataq da talec naqa'en da nchoxonnataxanaxa so nhuo' le'ecpi, qaq de'era no'onataxanaxac, nachera da qaipa'axaneguet da nache 'eetai' da ỹo'ottac so Aarón qataq soua llalqa.

Deuteronómio 21:5

Qaq huaña nache nachaateuo qome na ntaxaỹaxanaxanecpi leviitapi, cha'aye Ñim Nataxala' lca'aua'a co'ollaxa namayepi da ỹanem da ỹo'ot da ño'oxonnataxanaxac, qataq da ỹan ca no'on la'aqtac da talec naqa'en na shiỹaxauapi, qataq da ỹo'ot ca llec ca cotaxac, qaq cam 'enapec namayepi nacheca qaỹo'ot.

Hebreos 7:1

Se'eso Melquisedec, somaye nacheso so lta'a nam netaña ye nỹecpi ye Salén qataq ltaxaỹaxanaxanec na shiỹaxauapi da qaitaxaỹapegue' Ñim Lo'onatac 'Enauacna maye 'amaqtaqaic. Qaq so Abraham co'ollaq mashe ñe'eguelaq, chegoqta'a so alaataxac maye huaigui co'ollaq ỹalaua't soua nta'al, nache so Melquisedec ca'ata'aguet somaye da yaqto' ỹaconeguet qataq ỹaalec so no'on la'aqtac.

Génesis 48:20

Qaq nacheso se'eso na'a'q da so Jacob ỹaaleguete da no'on la'aqtac soomaye, 'eeta': «Na nhuo' Israel le'ecpi, do'onataxana qome da qare'enaxache da ivita da huo'o ca ỹaalec ca no'on la'aqtac, qaq 'eeta': Ñim Lo'onatac 'Enauacna 'am ỹo'otec qome dam ỹo'otec co'ollaxa so Efraín qataq so Manasés.» Qaq 'era da 'eetec so Israel da ỹa'auaxaachiguiñi co'ollaxa so Efraín, qaq ipa'axaatec so Manasés.

2 Juan 1:3

Seỹaxaato'ot Ñim Lo'onatac 'Enauacna maye Nta'a qataq So Llalec Jesucristo da ichoxoren 'enauac da qoñiita, qataq ỹataqta qami' ỹauoteque qataq qami' ỹanema ca l-lagaxayec. ¡Qataq qami' ỹo'oteque da qami' nlaqchiguilo da 'eesa lataxac qataq da nsoxoyec!

Génesis 47:7

Qaq so José nataqa'en ỹauegueuo co'ollaxa so lta'a Jacob, da yaqto' nauane' naqa'en so faraón. Qaq so Jacob co'ollaq iquin so faraón, nache ỹataqta huo'o naq 'enec naqa'en.

Hebreos 7:7

Qaq qomi' 'enauac saỹaanaq, da cam ỹaalec ca no'on la'aqtac ca lỹa, nache camaye ỹactec da la'amaqchec, saq 'ena'am cam ỹaalec ca la'aqtac.

Romanos 1:7

Ñim Lo'onatac 'Enauacna qami' lca'agui'she da yaqto' qauallicỹoigui na lalamaxatpi Ñimaye. Qaq aỹem seỹaxanot Ñim Lo'onatac 'Enauacna maye Qarta'a qataq So Qarataxala' Jesucristo da qami' ỹachaxanalo da lsoxoyec qataq qami' ỹanema da l-lagaxayec.

Josué 8:33

Huaña nache 'enauac so nhuo' le'ecpi, maye chegoxoguetpi so Israel qataq som chegaqauecpi, nqueroxonecpi, nataxala'pi, huataxanaq lta'alpi, qataq so aloico lo'opi, 'enauac somayepi nachattaña som pa'aỹa'aguelo soua laỹel aso arca maye laỹe' da naỹamaxataxac Ñim Nataxala', datateua'a so netaña so ntaxaỹaxanaxanecpi leviitapi maye ỹachetac aso arca maye laỹe' da aỹamaxataxac. Nache so 'oonolec laỹe somayepi netaña da pa'aỹa'ague aso qasoxonaxa Guerizín, qaq so laỹepi netaña da pa'aỹa'ague añi qasoxonaxa Ebal, qaq nache 'eeta'am co'ollaxa so hua'auchiguiñi da talec qanqa'en da no'on na'aqtac qaipacchigui da lamaxasoxonaxac so Moisés, maye lamaxashec Ñim Nataxala'.

Deuteronómio 10:8

Nache huaña yemaye da Ñim Nataxala', iỹotauga co'ollaxa na maiche nalamaxat nhuo' le'ecpi maye chegoxoguet so Leví, da yaqto' pa'aiguet da ỹache aso laỹe' da aỹamaxataxac, qataq da ilo'ogue da no'onataxanaxac, qataq da ỹan da nchoxonnataxanaxa chegoqchigui naqa'en da le'enaxat Ñim Nataxala', qaq nachera da 'eeta'ac choche ivitta'a nagui.

Génesis 47:10

Qaq co'ollaq ime de'era, nache so Jacob ncoyeguene' so faraón, nache jec.

Deuteronómio 33:1

Qaq co'ollaq mashe sa qaỹapeque so laloqo' da ileu so Moisés, maye nale Ñim Lo'onatac 'Enauacna, nache somaye ỹanem da no'on la'aqtac na Israel le'ecpi,

Génesis 24:60

Nache qoỹaalec so no'on na'aqtac aso Rebeca, maye 'eeta': «'Am qarqaỹole, ¡nache'am qome, da 'am late'e ca ỹataqta qalota shiỹaxauapi! ¡Cam 'am chegoxoguetpi qalaq loxonec qome cam huaqta'a't nỹecpi maye lalamaxat ca npa'aguenaxauapi!»

Éxodo 39:43

qaq so Moisés co'ollaq ila'a de'era 'eetec somayepi, da ipaqueelec da lamaxasoxonaxac Ñim Nataxala', nache ỹanem da no'on llecỹaxac somayepi.

Números 6:22

Nache Ñim Nataxala' 'enapega so Moisés, 'eeta':

1 Reyes 8:55

nache nachaañi, nache nlamaxaren da talec naqa'en da nqouagaxa so lapoota'a't Israel le'ecpi, 'eeta':

2 Crónicas 30:27

Ime co'ollaxa nache so ntaxaỹaxanaxanecpi, qataq so leviitapi, nachaañi nache talec naqa'en so no'on la'aqtac so shiỹaxauapi, nache Ñim Nataxala' hua'axaỹa somayepi, cha'aye se'eso natamnaxac iviro'ot na piguem, yem ỹataqta qui'itta lanataqa' Ñim Lo'onatac 'Enauacna.