Números 6:2 - La'aqtaqa Ñim Lo'onatac 'Enauacna 2013

² «Qonapega qome na Israel le'ecpi qoneta': Da huo'o ca ỹale, qataq 'alo da nañan da qaiỹotauga da lalamaxat Ñim Nataxala',

Números 6:2 Referans Kwoze

Jueces 13:5

Qaq que'eca 'aỹa'alec maye ñiguiñi qome, camaye saishet da qanpetec na laue, cha'aye que'eca nogotolec qom saxanaxa da ñiguiñi, nache nale'ena da mashe qaiỹotauga da qoỹanot Ñim Lo'onatac 'Enauacna. Qaq camaye nacheca qome ca isoueeguesop na Israel le'ecpi da la'añaxac na filisteopi.

Romanos 1:1

Qami' ñauochaxau' ỹaqaỹa't, maye qoñiitaña na Roma: Aỹem lo'onataxanaxanec So Jesucristo qataq aỹem lamaxashec, cha'aye Ñim Lo'onatac 'Enauacna aỹem lca'aguishec da yaqto' sa'axatec da no'on na'axaỹaxac maye iqataxaatai' da qaralamaxat.

Hebreos 7:27

Qaq Somaye saishet da 'eeta'am na laỹepi ntaxaỹaxanaxanecpi da qaitaxaỹapegue' Ñim Lo'onatac 'Enauacna, cha'aye namayepi ima'ape naua na'axa'te da iuen da ỹalauat ca shiguiỹac da ỹaneuo, da yaqto' ỹavigaxat da ỹanot Ñim Lo'onatac 'Enauacna, qataq iỹaxanot Ñimaye da ỹapalaxat na maiche lasouaxashetpi, ime, qataq jec na lasouaxashetpi na laỹepi Israel le'ecpi. Qaq So Jesús, co'ollaq ileu da yaqto' qaỹapalaxat na qarasouaxashetpi, nache 'oonolec da ỹan da nachaalataxac, nache saishet da qaltaq lỹa da ỹan.

Gálatas 1:15

Qalaxaye Ñim Lo'onatac 'Enauacna ỹataqta lta'araic da lauoche da sheeta chegoqchiguiña co'ollaq saxanaxa da ñañiguiñi, qaq nache 'eetai' da aỹem lca'aguishec da yaqto' so'onataxanot. Nataqa'en aỹem ỹachaxana So Llalec yaqto' aỹem sa'axatem na shiỹaxauapi 'enauac na pa'aiguelo ana 'alhua de'era no'on na'axaỹaxac maye na'aqtaguec Somaye. Qaq co'ollaq cheta'ague da huo'o de'era, nache saishet da seuen da huo'o ca aỹem ỹapaxaguen,

2 Corintios 6:16

Qomi' maye qomi' lma' Ñim Lo'onatac 'Enauacna maye nca'altauec, qaq Ñimaye da qomi' hueta'agueta, nache saishet da saqtegueua'a nam ỹo'oxoreetac na ne'enaqtacpi maye qanatameetacotpi. Cha'aye Ñim Lo'onatac 'Enauacna 'eeta': «Sootaigui qataq salectaigui namayepi; qataq ñenaictague' namayepi, Aỹem maye Nachaỹem Nta'a maye So'otna, qaq namayepi, nache ỹalamaxatpi.»

Lucas 1:15

Que'eca 'aỹa'alec camaye ỹataqta 'amaqtaqaic qome naqa'en Ñim Lo'onatac 'Enauacna. Camaye saishet da nỹomgui na lataxa, cha'aye So Saqcha'a Na'añaxac Qui'itta netaigui camaye qom saxanaxa da ñiguiñi.

Proverbios 18:1

Ca mataxalaic qalaq nmittaique ca maiche 'eetapeguec, qataq dataỹa'aguet 'enauac na no'on nqataxacpi.

1 Samuel 1:28

Qaq aỹem ñanac cha'aye maiche iuennataxa co'ollaxa da sanot namaye Ñim Nataxala', da yaqto' nache 'eetai' naua na'axa'te da do'onataxaatacot Ñimaye.» Nache so Elí ỹa'alyiñi naua l-llecte da nqouagaxaunot Ñim Nataxala'.

Jueces 16:17

Huaña, nache imato'ot da lquiyaqteỹaxac asomaye da da'aqtaxanem de'era lta'araic la'añaxac, 'eeta': Co'ollaq saxanaxa da sañiguiñi, nache sogote da aỹem qaiỹotauga da aỹem qoỹanot Ñim Lo'onatac 'Enauacna, ỹoqo'oye ỹataqta sa ỹauanapega da qanpetec na ỹaue. Qaq qom ivita da qanpetec na ỹaue, huaña nache qaica qome de'era lta'araic ỹa'añaxac, nache sheeta'am ca camachaqca shiỹaxauatto.

Levítico 27:2

«'Aua'aqtaxanem qome na Israel le'ecpi, qoneta': Da huo'otaq huo'o ca ỹachaxanapec co'ollaxa ca lauo' le'ec da ỹanot Ñim Nataxala', nache da huotaique da ñe'eguelaxaala't camaye, nache isheeten ipagaqchiichigui aca lasheue.

Levítico 20:26

Nache qami' qome ỹataqta qui'itta da qarataxaqui, qaq 'era da ỹa'aqtac, Aỹem Nataxala' maye ỹataqta qui'itta da ỹataxac. Ỹoqo'oye qami' seỹotaugalo da yaqto' qami' ỹalamaqa'ate qataq qami' ỹataxaraiqa ñaqa'en da qoviitangui na ỹotta'a't shiỹaxauapi.

Éxodo 33:16

Cha'aye da saishet da qomi' 'annaicapegueto, nache ¿chaq 'eeteco' da aỹem, qataq na nhuo' le'ecpi da ishet da saỹatenaq da qomi' hueta'agueta da 'archoxonnataxanaxa? Da yaqto' saishet da shenaqta'am na laỹe nhuo' le'ecpi ana 'alhua.»

Hechos 18:18

Nache so Pablo ỹataqta huo'oi soua na'axa'te da hueta'a ye nỹecpi ye Corinto. Qaq co'ollaq ime, nache somaye ncoyeguene' so nqaỹañecpi, nache huenoteua'a aso notaxaqui maye quiguingui na 'etaxat da nqo'ona ye 'alhua Siria, lỹatac so Aquila qataq aso Priscila. Qaq somaye co'ollaq yaqta'a da ca'ai ye ñegaxasom Cencrea da huenoteuo, nache npetec na laue ỹataqta nmatta, cha'aye mashe ipacchigui cam la'aqtac maye ỹan co'olloxocheye.

Números 6:1

Nache Ñim Nataxala' 'enapega so Moisés, 'eeta':

Jueces 13:4

Qalaxaye nacherata da saishet qome da 'anỹomgui ca lataxa, huo'otaq ca lỹa maye ishet da qantaxac, qataq saishet da qollec ca nallec maye sa qaỹashen da qanallec.

Jeremías 35:6

Qalaxaye somayepi, 'eeta': «Qomi' saishet da ñeỹomaxagui na lataxa, cha'aye so Jonadab, som llalec so Recab maye sachegoxosoxoguet, somaye qomi' illapeguema qataq na qaya'alaqpi da chochaq tatec da sa ñeỹomaxagui na lataxa.

Números 30:3

Qaq da huo'o aca qa'añole maye ñaq neto'ot ca lta'a, da ỹanot ca la'aqtac Ñim Nataxala', huo'otaq da ỹan ca la'aqtac da 'eetega ipacchigui,

Jueces 13:14

saishet qome da nỹomgui ca lataxa huo'otaq cam lỹa maye ishet da qantaxac, qataq saishet qome da chec ca nallec maye sa qaỹashen da qanallec. Nacherata da ipactelec da ỹo'ot nam samaxalecpi.