Números 6:19 - La'aqtaqa Ñim Lo'onatac 'Enauacna 2013

¹⁹ Qaq da ime da namarecta na lqaic camaye, nache ca ntaxaỹaxanaxanec ỹacona ca ltele'eta ca peenaq maye mashe datoxoic, qataq aca 'oonole nauole qaca ana lalecte maye huetangui aca npaqtole, qataq aca lỹa nauole maye sa nquesaxan qaca ana lalecte, qaq 'enauac camayepi da ỹachaleguete naua lhua'q cam shiỹaxaua maye qoỹaneuo da lalamaxat Ñim Nataxala'.

Números 6:19 Referans Kwoze

1 Samuel 2:15

Nataqa'en, naxa da saxanaxa da qaỹavigaxat na lcheta, nache qaltaq nvireuo ñi 'oonolec som lamaxashecpi soomaye, nache 'eetega ñim huotaique da ỹaneuo ana lachetaqtaxanaqte, 'eeta': «Ñaq aỹem 'aỹa'anem cam lapat maye talec ñim ntaxaỹaxanaxanec da yaqto' maiche sauot, cha'aye ñimaye saishet da ỹaconeguet ca lapat da mashe datoxoic, nachaqcata cam ñaq tocchigui.»

Levítico 7:30

qataq nacheca camaye da iroua'a añi nca'atoxonaxalate maye lalamaqte Ñim Nataxala'. Qaq huaña, nache ỹacona ca ltogue lapat qataq ca lcheta ca shiguiỹac da ỹaasheguem da ỹanot Ñimaye.

Levítico 8:31

Qaq co'ollaq ime, nache so Moisés 'enapego' so Aarón qataq soua llalqa, 'eeta': «Da ivita da qaỹa'añiiuaq ca lapat maye qaralamaxache, nache huaña ye ñegueuo ñi npe'l, qataq nache huaña yemaye da qollequi camaye, qataq aca nauole maye huetangui aca npaqtole da ivita da huo'o ca qoỹanagui da lo'onataxanaxac, qataq nache ipacchigui da la'aqtac Ñim Nataxala' co'ollaq 'eeta': ‹So Aarón qataq soua llalqa, nache aloq qome ne'ena lapat qataq ana nauole.›

Levítico 8:27

Nache ỹanem 'enauac somaye so Aarón qataq soua llalqa, nache ỹaayishegue'm da yaqto' lachetaqtaxanaqte'.

Levítico 7:28

Nache Ñim Nataxala' 'enapega so Moisés, 'eeta':

Números 6:2

«Qonapega qome na Israel le'ecpi qoneta': Da huo'o ca ỹale, qataq 'alo da nañan da qaiỹotauga da lalamaxat Ñim Nataxala',