Números 6:14 - La'aqtaqa Ñim Lo'onatac 'Enauacna 2013

¹⁴ nache ỹanot Ñim Nataxala' ca qagueta llalec maye ivi' ye 'oonolec vi'i, qataq qaica ca lque'emaxa, da lachetaqtaxanaxat qaỹavigaxatta, qataq aca 'oonole qagueta llale qaica ca lque'emaxa maye sa imauaq da qaỹavigaxat, da yaqto' qaỹapalaxat ca nasouaxashet, qataq ca peenaq maye qaica ca lque'emaxa da lachetaqtaxanaxat maye qanhuaachigui.

Números 6:14 Referans Kwoze

Levítico 4:32

Qaq da huo'otaq ndouo ca qagueta que'eca shiỹaxaua, nache ndouo aca qagueta maye qaica ca lque'emaxa da lachetaqtaxanaqte maye sa imauaq da qaỹavigaxat.

Levítico 3:6

Qaq da huo'o ca ỹaneuo aca qagueta huo'otaq quetaq da lachetaqtaxanaxat qanhuaachigui, nache ỹauota'a ca ỹale huo'otaq 'alo qataq qaica ca lque'emaxa.

1 Pedro 1:19

nachaqrata da desheetenaxanalo soua ltago'q So Cristo maye ỹataqta qaica ca 'ena'ama da lya'c. So Cristo co'ollaq qaỹalauat da qaiuaxaneguet so npe'enaxaqui, nache Somaye 'eeta'am ca qoỹaneuo nachetaqtaxanaxat qagueta llalec maye ỹataqta qaica ca lque'emaxa.

1 Crónicas 15:26

Qaq souaxat da Ñim Lo'onatac 'Enauacna da itauaatac som leviitapi maye ỹachetac aso laỹe' soua lqataxaco Ñim Nataxala', nache qoỹanot Ñimaye so siete huaca llalqa qataq so siete peenaqpi.

Números 15:27

Qaq da huo'otaq 'oonolec shiỹaxaua, ca ilamaqalec ca lasouaxashet, nache camaye ỹaneuo aca quetaq llale maye ivi' ca 'oonolec vi'i, da lachetaqtaxanaqte, yaqto' qaỹapalaxat ca lasouaxashet.

Levítico 14:10

Qaq da ivireuga ca na'a'q ocho, nache camaye ỹaconeua'alo caua dos qagueta llalqa maye qaica ca lque'emaxa, qataq aca 'oonolec qagueta llale maye ñaq 'oonolec vi'i, qataq ca seis kilos y medio ca ỹataqta no'on lsoche na ala na nañiguishec, da yaqto' lachetaqtaxanaqte maye ndaqñiguishec lalegue ca aceite, qataq ca ỹaqauga laỹolec ca aceite.

Levítico 4:27

Da huo'o ca 'oonolec ne'ena Israel le'ecpi da sa nanoma da huo'o ca npe'eelec nam lamaxasoxonaxacpi Ñim Nataxala', souaxat da ỹo'ot ca sa qaỹashen da qaỹo'ot, nache camaye huo'o ca lasouaxashet.

Salmos 66:15

'Am sanot qome aca nachetaqtaxanaqte qaỹavigaxatta, maye sachegoxotaigui na ỹataqta chaxaraic shiguiỹacpi, 'am sanot ca huaca qataq ca quetaq lhuaraic, qataq ca savigaxat lapat na qagueta llalec.