Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'eeta': ‹Cha'aye dam 'eetec co'ollaq 'eroigui da inogoxonaxac qataq da ỹalemataic da sataỹa'aguet nam lma' ye Jerusalén, qaq nache 'eetec qome da 'eroigui da ỹalemataic da qami' sataỹa'agueta qom qanqo'oñiỹa ye Egipto. Nache qami' naloqnaxanaqa'ate qome dam qauem, qataq cam ỹo'ot ca ncolanaxa, qaq nache saishet qome da ỹe'eguelaxa da qaltaq qauloỹa'a ne'ena 'alhua.›
Números 5:27 - La'aqtaqa Ñim Lo'onatac 'Enauacna 201327 Qaq da ỹoqta 'eesa da saỹalemaq acamaye, nache que'eca 'etaxat maye ỹo'ot ca nhuaxanaguec, chemgui naqa'en na lauel, nache ỹashiiyigui, qataq ỹo'ot da saishet da deco'o. Nache da ỹalectaigui ca lauo' le'ecpi acamaye qalaq huetalec que'eca qauem nhuaxanaguec. Gade chapit la |
Números 5:27
18 Referans Kwoze
Aỹem qami' secana'ape qome qami' seroleguete ca alaataxac, nqouaxa qataq ca napiina. Nache qami' so'oteque da 'enauac na ỹotta'a't shiỹaxauapi da qami' deqaigalo da qami' ilota'alo, qataq qami' so'oteque da qami' naloqnaxanaqa'ate da qauem qataq da na'agaxa qataq cam qaiqaiga qataq ca ỹo'ot da ne'elaxa maye huetalec 'enauac nam ỹotta'a't shiỹaxauapi maye qami' selagaxaaleguete co'ollaxa.
Qaq qami' Judá le'ecpi, qataq qami' Israel le'ecpi, maye qami' ỹasaqtegueleguete na qauem nam qaualliquiita'aguet co'ollaxa ỹotta'a't shiỹaxauapi, qaq nache 'eetec nagui da Aỹem qami' ñeca'alaxatrec, qataq qami' chegoqchiguilo ñaqa'en da no'on. ¡Qaq saishet qome da qayi'iitac! ¡Nacherata da qana'añaxache!»
Aỹem so'ot qome da na lca'alaxaicpi ye Judá, maye lhuennataxac da taỹa ye Egipto da nalec, namayepi huaña qome yemaye da 'enauac da qailaxachigui. 'Enauac qome da qailaxachigui na ñaqpiolec qataq na ỹepi ileuaigui qome ca alaataxac, huo'otaq ca nqouaxa, nache nmeneguet qome da naloqnaxanaxat dam qauem, qataq ca qaica ca la'amaqchec, qataq cam ỹo'ot da ncolanaxa da qailota'a.
Que'eca nhuaxanaxanaxac ỹataqta lalamaxat nam saishet da ỹalaxalec nam lamaxasoxonaxacpi Ñimaye qataq huetaigui da ỹo'ottac 'enauac na qauem maye maiche 'eetapeguecpi. Ne'ena dapaxaguenataxaatac maye tenataxanaxaicpi ỹataqta qaramchiguilo naua lquiyaqtel qataq ño'oxonnaxaicpi, qataq saishet da ñi'iỹa da isheueetac na lamaxashecpi Ñim Lo'onatac 'Enauacna maye no'on da lataxac.
Qataq huo'o da selalec maye ỹataqta huo'o da lqui'ic, damaye ỹataqta napacalec da nleuaxa, qaq 'eeta': aca 'alo da do'ogoxona da lquiyaqteỹaxac da lapaxañi aca lqoina, qataq naua lhuaxaye da nsoxouo ca loxonec. Qaq cam ỹalaxaguet Ñim Lo'onatac 'Enauacna nache saishet da loxonec acamaye, qalaxaye cam 'etaxaloxoic nache ishet da taigui ca laleguec acamaye.
Piblisite