Números 5:22 - La'aqtaqa Ñim Lo'onatac 'Enauacna 2013

²² Qaq que'eca 'anhuaxanaguec, 'am talec qom mashe ime da 'anỹomgui ne'ena 'etaxat maye chegaqaigui ca 'anhuaxanaguec, nache ỹasheeraxachigui ana 'ara'am qataq ỹo'ot da sa 'auco'o›. Nache aca'aca 'alo ỹasat qome, 'eeta': ‹Aja', nache 'eetec.›

Números 5:22 Referans Kwoze

Salmos 109:18

Qataq nqopita da 'eco' alogo da ỹaatrañi da nsheunaxanaxac, nache damaye quigui da lo'ocỹaxac 'eeta'am na 'etaxat qataq 'eeta'am na aceite da quiguilo naua lpi'ineqa,

Juan 6:53

Nache So Jesús, 'eeta': –Aja', ỹataqta 'eesa de'era qami' sa'axatema, da huo'otaq saishet da qolliqui da lo'ocỹaxac na Shiỹaxaua Llalec, qataq da saishet da qanỹomiiguilo naua ltago'q, nache saishet da huo'o ca qarca'alaqai chochaq tatec.

Juan 3:11

Aja', qalaxaye ỹataqta 'eesa de'era 'am sa'axatem, da qomi' saỹatenaqta da sa'axataqtac, cha'aye ỹataqta sauanaqchigui. Qalaxaye qami' saishet da qaua'amaqchiñi da sa'axataqtac.

Juan 3:3

Nache So Jesús 'enapega somaye, 'eeta': –Aja', ỹataqta 'eesa de'era 'am sa'axatem, da ca shiỹaxaua da saishet da ỹe'eguelaxalec da qaltaq ñiguiñi, qaq camaye saishet da ila'a da lo'onataxanaxac Ñim Lo'onatac 'Enauacna.

Ezequiel 3:3

huaña nache aỹem 'enapega, 'eeta': «'Auoxonañi ana'ana nere maye 'am sanem, nache 'anlaxatchigui qome ana 'ara'am anamaye.» Nache aỹem sachec nache ñanomteguet da ỹataqta ama 'eeta'am na dapic lli'i.

Proverbios 1:31

Qalaxaye maiche qanque'etaxañiigui qome ca naigui da qauem qano'onataxaqui. Qataq qami' nlaqchiguilo qome ca qauem qarhuennataqai.

Salmos 89:52

Ỹataqta nache 'eetai' qome da 'am qaỹo'oxoreetac 'Am Nataxala'. ¡Aja', nache 'eetec, aja', nache 'eetec!

Salmos 72:19

Nache 'eetai' qome da no'on da ỹo'oxoraic le'enaxat. Qataq 'enauac ana 'alhua imattalec da llo'oxoyec. ¡Aja' nache 'eetec!

Salmos 41:13

¡Ỹataqta qaỹo'oxoren qome Ñim Nataxala', maye Natamnaxala' na Israel le'ecpi, nagui qataq nache 'eetai' qome! ¡Aja', nache 'eetec!

Números 5:27

Qaq da ỹoqta 'eesa da saỹalemaq acamaye, nache que'eca 'etaxat maye ỹo'ot ca nhuaxanaguec, chemgui naqa'en na lauel, nache ỹashiiyigui, qataq ỹo'ot da saishet da deco'o. Nache da ỹalectaigui ca lauo' le'ecpi acamaye qalaq huetalec que'eca qauem nhuaxanaguec.

Números 5:23

Nache que'eca ntaxaỹaxanaxanec ỹerelec qome aca nere de'era qauem nhuaxanaguec aca 'alo, qalaxaye ỹauota'a que'eca 'etaxat maye ỹataqta chem da ỹapalaxat ca lerec.