Números 5:21 - La'aqtaqa Ñim Lo'onatac 'Enauacna 2013

²¹ nache ca ntaxaỹaxanaxanec qataq ỹa'axatem aca'aca 'alo ca nhuaxanaguec qome, 'eeta': Ñim Nataxala' ỹo'ot qome da 'am naloqnaxanaqte souaxat ca 'anhuaxanaguec, qataq da maiche 'aỹa'an 'ara'aqtac maye hua'aqchigui na 'arhuo' le'ecpi, nache ỹashiiyigui qome ana 'ara'am qataq ỹo'ot da sa 'auco'o.

Números 5:21 Referans Kwoze

Nehemías 10:29

qataq huaxaiguet so lauo' le'ecpi, qataq so lataxala'pi somayepi, nache ỹan so la'aqtac da yaqto' ipactelec 'enauac na lqataxacpi Ñim Lo'onatac 'Enauacna, maye ỹachegoxotchigui co'ollaxa so lamaxashec Moisés, qataq da ỹalaxaguet na lamaxasoxonaxacpi, qataq da llec na lqataxacpi Ñim Nataxala' maye Qanatamnaxala'.

1 Samuel 14:24

Qalaxaye so Israel le'ecpi ỹataqta qaica ca la'añaxac co'ollaxa se'eso na'a'q, cha'aye ỹaguec na lqouaxa souaxat da qaica ca chec, cha'aye so Saúl ỹan co'ollaxa da la'aqtac, 'eeta': «Da huo'o ca chec ca nallec qom ñaq saxanaxa da avit, qataq qom saxanaxa da huo'o ca ivi', da ñematchiguiñi da salauat na ñepa'aguenaxauapi, nache camaye huo'o qome ca nhuaxanaguec.»

Josué 6:26

Huaña nache so Josué ỹauo'o so ỹan la'aqtac, 'eeta': «Ỹataqta qauem qome ca talec ca shiỹaxaua qom nshetaique da ỹe'eguelaxalec da no'oxoosheguem ne'ena huaqta'a't nỹecpi na Jericó. Cha'aye Ñim Nataxala', talec naqa'en qome da nhuaxanaguec que'ecaua llalqa que'eca shiỹaxaua qom no'oxoosheguem ne'ena huaqta'a't nỹecpi qataq qom ỹanauo ca lasom.»

Jeremías 29:22

Yaqto' nam qanqateeguesop co'ollaxa ye Judá maye netaña nagui ye Babilonia da huo'o ca ỹasaxalec ca qauem la'aqtac ca lỹa qalaq, 'eeta': Ñim Nataxala', 'am ỹo'otec qome ca 'eeta'am dam ỹo'otec co'ollaxa soua Sedequías qataq so Ahab, maye ñi nta'a ye Babilonia ỹauo't co'ollaxa.

Mateo 26:74

Nache so Pedro ỹataqta na'axannec da nqoleguettac, 'eeta': ¡Mashe qami' sa'aqtaxaateguema da saishet da sauatton de'era ỹale! ¡Ñim Lo'onatac 'Enauacna ỹauo'o qome ca ñeuaxanaguec da saishet da 'eesa de'era ñasaxauec! Nache co'ollaq ime da nasaxauec de'era nache nỹen so 'olgaxa,

Isaías 65:15

Nam lleca'aguishecpi do'onataxana qome na qare'enaxache da yaqto' ỹasaxalec ca qauem ca lỹa, qataq da ỹasaxale da nleuaxa ca lỹa, qalaxaye nam ỹamaxashecpi ñaralaxat qome ca le'enaxat.

Proverbios 10:7

Ca ỹale no'on da lataxac da qaiuennate qalaq huo'o da nchoxonnataguec, ca qauemaic qalaq saqaỹaloq da qaicoua'ai.

2 Crónicas 21:15

Qataq 'am talec naqa'en ca qalota nalolaxapi. Qataq taigui naqa'en na 'arhuel ca 'arhuetaxanaxa, maye qaica ca lata', nache ivitta'a da nnoxotraue'c naua 'ailli'ishi.›»

Números 5:27

Qaq da ỹoqta 'eesa da saỹalemaq acamaye, nache que'eca 'etaxat maye ỹo'ot ca nhuaxanaguec, chemgui naqa'en na lauel, nache ỹashiiyigui, qataq ỹo'ot da saishet da deco'o. Nache da ỹalectaigui ca lauo' le'ecpi acamaye qalaq huetalec que'eca qauem nhuaxanaguec.