Números 5:19 - La'aqtaqa Ñim Lo'onatac 'Enauacna 2013

¹⁹ Nache ca ntaxaỹaxanaxanec ỹan naqa'en ca 'eesa la'aqtac aca'aca 'alo, nache 'enapega, 'eeta': ‹Qom ỹoqta 'eesa da saishet da qouetapeeguet ca lỹa ỹale, qataq saishet da sa 'aualemaq, nache saishet da 'am na'aqchet qom 'anỹomgui ne'ena 'etaxat maye ỹataqta chem, maye chegaqaigui ca 'anhuaxanaguec.

Números 5:19 Referans Kwoze

Romanos 7:2

Qaq saloqnaxana aca 'alo maye mashe huaron, acamaye na namaxasoxonaxacpi ña ncoñetta'ai' naqa'en ca lhua qom huo'otaq camaye ña nca'altauec. Qalaxaye que'eca lhua qom huo'otaq ileu, nache acamaye ishet da huesoueeguesop na namaxasoxonaxacpi maye icoñetta'aguet naqa'en camaye.

Números 5:12

«Qonapega qome na Israel le'ecpi, qoneta': Saiuena'a da huo'o aca 'alo maye huo'o ca lhua, qalaxaye saỹalemaq,

Mateo 26:63

Qalaxaye So Jesús saishet da ỹasat, nache so lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, 'enapega So Jesús, 'eeta': –'Am serolec da le'enaxat Ñim Lo'onatac 'Enauacna maye nca'altauec, da ñaq 'anasaxauec ca 'eesa. 'Aua'axat da nache 'am maye 'am Lca'aguishec Ñim Lo'onatac 'Enauacna qataq 'am Llalec Ñimaye.

Números 5:18

Nache ca ntaxaỹaxanaxanec ỹauegueua'a Ñim Nataxala' aca'aca 'alo, qataq isogui na laue acamaye, qataq ỹachaleguete naua lhuaxaye acamaye aca nachetaqtaxanaqte, maye naigui da qaiuennate ca nasouaxashet. Souaxat da nca'alaxanaxac, qaq camaye nache nasoqta'a aca 'alhuole maye huetangui ca 'etaxat maye ỹataqta chem, cam chegaqaigui ca nhuaxanaguec.

Números 5:28

Qalaxaye da qaica ca lasouaxashet aca'aca 'alo, nache qaica ca machaqca, qataq ishet qome da huo'o ca llalaqpi.