Números 5:18 - La'aqtaqa Ñim Lo'onatac 'Enauacna 2013

¹⁸ Nache ca ntaxaỹaxanaxanec ỹauegueua'a Ñim Nataxala' aca'aca 'alo, qataq isogui na laue acamaye, qataq ỹachaleguete naua lhuaxaye acamaye aca nachetaqtaxanaqte, maye naigui da qaiuennate ca nasouaxashet. Souaxat da nca'alaxanaxac, qaq camaye nache nasoqta'a aca 'alhuole maye huetangui ca 'etaxat maye ỹataqta chem, cam chegaqaigui ca nhuaxanaguec.

Números 5:18 Referans Kwoze

Hebreos 13:4

Qataq qami' iuen da ỹataqta qanchelỹa'a da qarhuaỹaxaqui qataq ỹataqta lta'araic qanqa'eñi da naigui. Caua namoxou' iuen da ỹataqta nde'n, cha'aye Ñim Lo'onatac 'Enauacna ỹauo'o qome da nhuaxanaguec na quisheguetaxaicpi qataq nam sa iren da lhuaỹaxac.

1 Corintios 11:6

Qaq aca 'alo da saishet da ỹapolec na lqaic, nache 'onaxaic da imauec da npetec na laue. Qalaxaye da 'enauac qaỹa'aguelec aca 'alo souaxat da npetec na laue, qaq no'on da ỹapolec na lqaic.

Jeremías 2:19

Dam qauem maye 'auo'ottac nachera qome da 'am iuaxan, qataq da sa 'aualaq nachera da ỹo'ot qome ca 'anhuaxanaguec. Ñaq 'auennataxan qome yaqto' 'aula'a da ỹataqta qauem qataq chem da Aỹem 'aualat, qataq da saishet da huo'o 'anqa'en ca ỹa'amaqchec, Aỹem Nataxala' maye Aỹem 'Anatamnaxala'. Qaq 'era da ỹa'aqtac, Aỹem Nataxala' maye Qaica ca Seqalanapec.

Isaías 38:17

Dam sootaigui co'ollaxa lta'araic ñequi'icỹaxac qalaq nmeneguet nagui da huo'o da ilagaxayec. 'Am aỹem 'anca'alaxateeguesop añi huachiqui maye nlaxaañi 'enauacna, cha'aye 'auapalaxat 'enauac na ỹasouaxashetpi.

Eclesiastés 7:26

Qataq huo'o da selalec maye ỹataqta huo'o da lqui'ic, damaye ỹataqta napacalec da nleuaxa, qaq 'eeta': aca 'alo da do'ogoxona da lquiyaqteỹaxac da lapaxañi aca lqoina, qataq naua lhuaxaye da nsoxouo ca loxonec. Qaq cam ỹalaxaguet Ñim Lo'onatac 'Enauacna nache saishet da loxonec acamaye, qalaxaye cam 'etaxaloxoic nache ishet da taigui ca laleguec acamaye.

Proverbios 5:4

qalaxaye da ivita ye loga't naamaye, nache napacalec da lchemaxa aca chemaxarai, qataq napacalec na llaxa ca ỹeelonec maye dos naua llaqa'ate.

1 Samuel 15:32

Qaq co'ollaq ime de'era, nache so Samuel, 'enapeco': Ñaq aỹem qanaviquiiua'a ca Agag, maye lta'a na amaleciitapi. Nache so Agag, nachaateua'a so Samuel ỹataqta ỹe'emaqtom, cha'aye ipi'itaxaatega da mashe ỹet da lchecỹaxac da nalaataguec.

Deuteronómio 29:18

Qaq saishet qome da huo'o ca ỹale, 'alo, namoxou' maye huo'o ca llalaqpi, huo'otaq ca maiche nalamaxat nhuo' le'ecpi da ca'ai Ñim Nataxala' maye Qanatamnaxala'ai, da ca'ategue da natamnot ca natamnaxala'pi na ỹotta'a't shiỹaxauapi. Ỹataqta qarvichiỹa'a qome da huo'o ca 'oonolec da qoñiita da 'eeta'am aca huoue chem na lpa'a' qataq qanlem.

Números 5:22

Qaq que'eca 'anhuaxanaguec, 'am talec qom mashe ime da 'anỹomgui ne'ena 'etaxat maye chegaqaigui ca 'anhuaxanaguec, nache ỹasheeraxachigui ana 'ara'am qataq ỹo'ot da sa 'auco'o›. Nache aca'aca 'alo ỹasat qome, 'eeta': ‹Aja', nache 'eetec.›

Números 5:17

Ime, nache que'eca ntaxaỹaxanaxanec icoyingui ca 'etaxat sa qaishetapec acatai' ỹomaxaqui 'alhuole, nache ỹalecneguet ca lsoche na 'alhua maye huaigui ca pa'auo que'eca npe'l.

Números 5:15

Qaq da nache 'eetec de'era, nache que'eca ỹale, ỹauegueua'a ca ntaxaỹaxanaxanec aca lhua, nache ỹaneuo ca dos kilos ca 'ayiiña, chegaqaigui na cebada da lachetaqtaxanaxat camaye. Qalaxaye saishet da icorelec ca aceite huo'otaq ca nchenaxanaxat aca'aca lachetaqtaxanaqte, cha'aye acamaye nachetaqtaxanaqte souaxat da nca'alaxanaxac. Qataq acamaye nachetaqtaxanaqte da yaqto' ya'aqalec ca nasouaxashet.

Levítico 13:45

«Qaq ca shiỹaxaua maye huec da nhuetaxanaxa maye nchega naqa'en na no'oc, camaye iuen da colaqta'ape naqa'en caua alogo, qataq dapoche na laue, qataq qapi da nauattalec na lashec, nache ỹa'alaqtai' da huo'o ca taỹa'ague, 'eeta': ‹¡Aỹem nchega na ỹo'oc!, ¡Aỹem nchega na ỹo'oc!›

1 Corintios 11:15

qalaxaye aca 'alo ỹataqta qaỹo'oxoren da nalogaxat na laue, cha'aye Ñim Lo'onatac 'Enauacna ỹanem da logoraic na laue da yaqto' ỹapolec na lqaic.

Números 5:19

Nache ca ntaxaỹaxanaxanec ỹan naqa'en ca 'eesa la'aqtac aca'aca 'alo, nache 'enapega, 'eeta': ‹Qom ỹoqta 'eesa da saishet da qouetapeeguet ca lỹa ỹale, qataq saishet da sa 'aualemaq, nache saishet da 'am na'aqchet qom 'anỹomgui ne'ena 'etaxat maye ỹataqta chem, maye chegaqaigui ca 'anhuaxanaguec.