Números 4:9 - La'aqtaqa Ñim Lo'onatac 'Enauacna 2013

⁹ Qataq ỹacona ca hualoq laỹe imalaqalec, nache ỹapolec aca ncoỹaraxanaxaqui lashe, qataq aca ncoỹaraxanaxaquipi, qataq ca nchegaxanaxat, qataq ca laỹe' na alo, qataq aca laỹe'pi na aceite.

Números 4:9 Referans Kwoze

Apocalipsis 1:20

Aỹem 'am sa'aqtaxanem dam saqcha'a naiguilo soua siete huaqaañi, maye 'auauaachiguilo da huetaiguilo na ihuaq qataq dam saqcha'a naiguilo soua siete ncoỹaraxanaxaqui' maye chegaqaiguilo na oro. Soua siete huaqaañi, naiguilo naua lamaxa'she Ñim Lo'onatac 'Enauacna maye ilotagueto nam ỹa'amaqten So Jesús maye netaleguete naua siete 'aleu'. Qaq soua siete ncoỹaraxanaxaqui' naigui na 'amqaanataxanaxaicpi maye netaleguete naua siete 'aleu'.

Salmos 119:105

Naua 'ara'aqtaqa 'eeta'ama aca ncoỹaraxanaxaqui da icoỹatta'aguelo naua iqauaxaqui', qataq icoỹatta'ague so ñeqa'aic.

Mateo 5:15

Qataq saishet da qoỹegueua'a aca ncoỹaraxanaxaqui, da yaqto' qoỹano'ot na pa'aguiñi ca naretaxanaxala'. Nachaqrata da qoỹanasheguem, da yaqto' icoỹarelec 'enauac nam hueta'a ca nma'.

Números 4:8

Ime, qataq lapaxalec camaye ca hualoq laỹe togaxaraic, qataq npa'atcheguem ca ỹataqta no'on lo'oc, ime nache ỹanaguilo caua lachoxola'ate da qaỹache.

Números 4:10

Ime, nache 'enauac camayepi da qaỹachalec qataq qalapaqtalec ca ỹataqta no'on lo'oc, qataq qaỹachaleguete caua 'epaxaye maye lachoxola'ate da qaỹache.