Biblia Todo Logo
Bib sou entènèt

- Piblisite -




Números 4:24 - La'aqtaqa Ñim Lo'onatac 'Enauacna 2013

24 Qaq 'era da lo'onataxanaxac qome na chegoxoguetpi so Guersón, 'eeta':

Gade chapit la Kopi




Números 4:24
12 Referans Kwoze  

Nache ipacchigui da la'aqtac Ñim Nataxala' maye ỹamaxalec co'ollaxa so Moisés, da qoỹiyiñi ñi 'oonolec somayepi, qataq ỹataqtac qanqa'en na ishet da ỹo'ot, qataq ỹache. Qaq 'era da 'eetec co'ollaq qaỹo'ot aso ne'enaxat lmalate, nache qaipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.


maye mashe ivi' qataq napacalec ye treinta, nache ivira'a nam ivi' ye cincuenta vi'iye da nachaalataxac, maye mashe ishet da do'onataxaneua'a so npe'l maye naỹonqa',


Qaq so Aarón qataq soua llalqa, nachesoua so ilo'oguelo qome 'enauac da lo'onataxanaxac nam chegoxoguetpi so Guersón da ivita da huo'o ca ỹacoolec da ỹo'ot, qataq nam ishet da ỹache namayepi. Qataq qauamaqailec da ỹataqta ilo'ogue 'enauac na qoỹami' da ỹache namayepi.


Qaq da yaqto' saishet da ileu namayepi, souaxat da ỹasheleua'a ca nogoxoshetpi maye sa qaishetapec, nache namayepi ỹo'ot qome de'era 'eeta': So Aarón qataq soua llalqa, ỹapaxaguenec qome ñi 'oonolec namayepi ca lo'onataxanaxac qataq cam ishet da ỹache.


Nache ñi Aarón qataq ñeua llalqa, da ime da laỹona't 'enauac cam nogoxoshetpi maye sa qaishetapec, nache na Israel le'ecpi ishet da jec, nache anac na chegoxoguet so Quehat da ỹache 'enauac ca nogoxoshetpi. Qalaxaye saishet da ỹasheleua'a ca camachaqca que'eca nogoxoshetpi maye sa qaishetapec, yaqto' saishet da ileu. Qaq 'enauac que'eca logoxoshetpi que'eca npe'l maye naỹonqa', da nachena nam chegoxoguetpi so Quehat nam ishet da ỹache camaye.


Qaq somayepi nacheso so ilotague' qataq ntela'a so ỹataqta no'on lapoxot so pa'asheguem, qataq so lapoxonaxatpi so ñegueuo so npe'l maye lanataqa' Ñim Nataxala',


Nache 'ereuo 'enauac na ỹalleppi maye ivi' qataq napacalec ye treinta, qataq ivira'a nam ivi' ye cincuenta vi'i da nachaalataxac, maye mashe ishet da do'onataxaneua'a ca npe'l maye naỹonqa'.


Namayepi nachena na ỹache qome ca lapoxonaxatpi ca npe'l, qataq 'enauac que'eca npe'l, qataq ca ỹataqta no'on lo'oc maye qalapaxalec naxa na pa'aỹasheguem, qataq ca lapoxot ca ñegueuo ca npe'l maye naỹonqa',


Nache so chegoxoguetpi so Guersón, ỹanema soua dos naigona qataq soua cuatro nauegaxanaxala'ate huaca, cha'aye nacheye ye lcata nam iuen da yaqto' ỹo'ot da lo'onataxanaxac somayepi.


qataq so coleesop lapoxonaxatpi maye lpaqtaxat, qataq so lapoxonaxat so ñegueuo so qasoxoc maye netaña aso nca'atoxonaxalate, qataq so lquetpi so npe'l maye huaña naxa da qanauane' Ñim Nataxala'.


Qaq co'ollaq mashe qansogoñi so npe'l, nache jec na chegoxoguetpi so Guersón qataq so Merari, maye nacheso so qaipataxalec co'ollaxa da ỹachetac naxa so npe'l.


Swiv nou:

Piblisite


Piblisite