Números 4:23 - La'aqtaqa Ñim Lo'onatac 'Enauacna 2013

²³ Nache 'ereuo 'enauac na ỹalleppi maye ivi' qataq napacalec ye treinta, qataq ivira'a nam ivi' ye cincuenta vi'i da nachaalataxac, maye mashe ishet da do'onataxaneua'a ca npe'l maye naỹonqa'.

Números 4:23 Referans Kwoze

Números 4:3

nache qa'iyiiuo na ỹalleppi, maye ivi' qataq napacalec ye treinta, qataq nam ivi' ye cincuenta vi'iye da nachaalataxac, na mashe ishet da do'onataxaneua'a ca npe'l maye naỹonqa'.

2 Timoteo 4:7

Mashe semat da seloctapeguelec da ỹo'onataxanaxac, qataq mashe senoxonaqchetec da ñaloxoyaxac. Cha'aye saishet da huo'o ca huaña da saxanec da ñaquitaxac, qataq da salaxaguet Ñim Lo'onatac 'Enauacna.

1 Timoteo 1:18

'Am ỹalec Timoteo, 'am sami' da iqataxac, cha'aye ñeshetaique da qoquetalec dam na'aqtac maye 'am qoỹami' so lỹa na'a'q chegoqo'ot Ñim Lo'onatac 'Enauacna. Qaq ỹataqta 'aupacchigui damaye da 'aloclec qoneta'am ca no'on ale maye ỹaỹaten da l-loquiaxac.

Gálatas 5:24

Qaq qomi' maye qomi' lalamaqa'ate So Jesucristo, mashe 'eeta'am da sogote da seuaxanaxauo da qanapagaqaanaxac qataq da qauem qarqopitaxanaqtaic.

Gálatas 5:17

Cha'aye na qauem nqopitaxanaqtaic namayepi ỹataqta dataỹa'aguet dam 'eetapeguec So Saqcha'a La'añaxac Ñim Lo'onatac 'Enauacna, qaq So Saqcha'a Na'añaxac dataỹa'aguet na qauem nqopitaxanaqtaiguesat. Qaq ỹoqo'oye qami' saishet da qauo'oche cam maiche qoñiitapeguec.

2 Corintios 6:7

qataq so'ogoxonaxa da la'añaxac Ñim Lo'onatac 'Enauacna da sa'axataqtac da na'aqtaxanaxac maye ỹataqta 'eesa. Qaq da huo'o na seviraxaguet qarqalaic, nache sataỹaqa'aguet, seroxogueta naua ỹaỹamaqchiyiñi so'ota'q qataq naua ỹaỹamaqchiyiñi qartaxaỹaxaco.

1 Corintios 9:7

¿Negue't ca ishet da taua'a da nale ca nta'a, nache maiche nsheetetapeguela't? Qataq ¿negue't ca ishet da ỹaañi ana uva, qaq saishet da chec ana ala? Qataq ¿negue't ca ishet da ilotague' ana qagueta, qaq saishet da nỹomgui na lche' maye nlomtac?

1 Crónicas 23:27

Qaq 'era da 'eetec da ipacchigui qanqa'en da la'aqtac so David, nache qaỹo'ot aso le'enaxat lmalate nam chegoxoguetpi so Leví, maye napactelec ye veinte vi'iye da nachaalataxac,

1 Crónicas 23:24

Qaq se'esopi nacheso som chegoxoguetpi so Leví, ỹataqtac som chegoxoguet lta'alpi co'ollaq qoỹerelec aso ne'enaxat lmalate da yaqto' lataxala' nam maiche llalaqpi, maye napactelec ye veinte vi'iye da nachaalataxac. Qaq somayepi, nacheso som huetague' na no'onatacpi aso atamnaxaqui maye lalamaqte Ñim Nataxala'.

1 Crónicas 23:3

Huaña nache qanaloqten so leviitapi maye napactelec ye treinta vi'iye da nachaalataxac, nache ye lcata somayepi ivi' treinta y ocho mil ỹalleppi.

Números 4:22

«Nataqa'en 'auo'ot qome aca le'enaxat lmalate 'enauac na chegoxoguetpi so Guersón, qalaxaye ỹataqtac 'anqa'en na chegoxoguet lta'alpi, na maiche nalamaxat nhuo' le'ecpi.

Números 4:24

Qaq 'era da lo'onataxanaxac qome na chegoxoguetpi so Guersón, 'eeta':

Números 8:25

qataq da ivi' ca cincuenta vi'i, nache namayepi nañaxaañi da do'onataxaatac.