Números 4:15 - La'aqtaqa Ñim Lo'onatac 'Enauacna 2013

¹⁵ Nache ñi Aarón qataq ñeua llalqa, da ime da laỹona't 'enauac cam nogoxoshetpi maye sa qaishetapec, nache na Israel le'ecpi ishet da jec, nache anac na chegoxoguet so Quehat da ỹache 'enauac ca nogoxoshetpi. Qalaxaye saishet da ỹasheleua'a ca camachaqca que'eca nogoxoshetpi maye sa qaishetapec, yaqto' saishet da ileu. Qaq 'enauac que'eca logoxoshetpi que'eca npe'l maye naỹonqa', da nachena nam chegoxoguetpi so Quehat nam ishet da ỹache camaye.

Números 4:15 Referans Kwoze

Números 7:9

Qaq so chegoxoguetpi so Quehat qalaq qaca aca ỹanem naigona qataq nauegaxanaxala'pi, cha'aye somayepi nacheso so nallaguisheeta naxa da ỹache so nogoxoshetpi maye ỹataqta sa qaishetapec.

Deuteronómio 31:9

So Moisés ỹiyiñi co'ollaxa na nqataxacpi, nache ỹanem so ntaxaỹaxanaxanecpi leviitapi maye nacheso so ỹachetac naxa aso laỹe' da naỹamaxataxac Ñim Nataxala', qataq 'enauac so nqueroxonecpi ye Israel,

Números 10:21

Ime, qataq jec so chegoxoguetpi so Quehat, maye ỹachetac so nogoxoshetpi maye sa qaishetapec. Qaq co'ollaq ivi' somayepi, nache mashe ime da qaltaq qaỹa'ara't so npe'l.

1 Crónicas 15:2

Huaña nache so David, 'eeta': «Nachenata na leviitapi da ishet da ỹache qome añi arca maye laỹe' naua lqataxaco Ñim Lo'onatac 'Enauacna, cha'aye Ñim Nataxala' lca'ateua'a co'ollaxa namayepi da yaqto' nachenata da ishet da ỹache añimaye, qataq da yaqto' nache 'eetai' da huetague' de'era lo'onataxanaxac.»

1 Samuel 6:19

Qalaxaye Ñim Nataxala' huo'o co'ollaxa so ileupi naqa'en som lma' ye Bet Semes, souaxat da ỹalloigui na pa'auo aso laỹe' da aỹamaxataxac. Qaq ivi' setenta so ileupi, nache so lma' yemaye, nỹeetagui souaxat so lta'araic nleuaxa maye Ñim Nataxala' ỹo'otec somayepi.

1 Crónicas 15:15

Nache so leviitapi ỹache aso laỹe' soua nqataxaco, ỹacheraleguete naua lallaco soua 'epaxaye maye lachoxola'ate asomaye, cha'aye nachera da lamaxasoxonaxac Ñim Nataxala' maye ỹamaxalec co'ollaxa so Moisés.

2 Samuel 6:13

Nache soua ỹacheta'ape aso laỹe' soua lqataxaco Ñim Nataxala' co'ollaq ivi' soua seis da qaua, nache so David ỹalauat so 'oonolec nauegaxanaxala' huaca, qataq so qagueta lhuaraic maye chaxaraic da ỹauo'o lachetaqtaxanaxat.

Josué 4:10

Qaq soua ntaxaỹaxanaxanaqa maye ỹachetrac aso laỹe' da aỹamaxataxac, qalaq nache nachattrañi, huetraña ye laiñi so tala Jordán, ivitta'a da so Israel le'ecpi ỹo'ot 'enauac na damaxasoxoolecpi Ñim Nataxala' maye ỹamaxalec co'ollaxa so Josué. Qaq 'enauac nam 'enapecpi co'ollaxa so Moisés, ỹo'ot so Josué. Qaq huaña, nache so Israel le'ecpi ỹataqta iỹalapigui' da taitague da le'ego so tala.

Números 3:38

Qaq so Moisés, Aarón qataq so llalaqpi, nache netaña co'ollaxa da pa'aỹa'ague da nala' lliguisheguem, maye datateuga so npe'l, qaq nacheso somayepi so ipataxalec co'ollaxa so Israel le'ecpi da ilotague' se'eso npe'l. Qaq ỹoqo'oye da huo'o ca chegaqauec da saishet da ntaxaỹaxanaxanec da ỹacoolec de'era no'onataxanaxac, nache camaye qaỹalauat.

Números 1:51

Qataq na leviitapi da ivita da qanqochenaxat ca npe'l, nache namayepi nachena na nsoguiñi, qaq da vi'iiguet qanqa'en, nache namayepi ỹa'ara't da qaltaq nauaxaỹaxaasheguem que'eca npe'l. Qataq da huo'o camachaqca chegaqauec shiỹaxaua da saishet da leviita, da taua'a que'eca npe'l, nache camaye qaỹalauat.

Éxodo 19:12

Qaq 'aua'an qome ca loga't naua loiguiye añi qasoxonaxa, yaqto' saishet da napacalec ye shiỹaxauapi. Qataq qonapega qome, qoneta': Saishet qome da huo'o ca huenotsheguemec añi qasoxonaxa qataq saishet da huo'o ca sa qaỹapeque naua loiguiye, cha'aye cam napacalec cam na'anec nache ileu.

Éxodo 27:7

Qaq caamaye nache 'aua'aroiguilo caua la'aitel maye naua'alo caua laỹel aca nca'atoxonaxalate, yaqto' naconqa da qaỹache.

Levítico 16:13

nache ỹachangui aca laỹe na nchenaxanaxat huaña ye pa'auo, nache ca lmala'q camaye sa yo'oq naqa'en ñi lapoxot añi laỹe' naua aỹamaxataxaco. Qaq da 'eetec de'era ñi Aarón, nache saishet da ileu qome.

Números 1:50

Nacherata da 'anem qome da ilo'ogue ca npe'l, maye huetaigui aca laỹe da aỹamaxataxac, qataq 'enauac na logoxoshetpi, qataq ca lalamaxatpi camaye. Qataq namayepi nachena na ỹachetac qome ca logoxoshetpi da qalachaxan que'eca npe'l, qataq huapegue' que'eca nanataqa'. Qataq nache netañalo naua loiguiye camaye da nauaatalec.

Números 4:14

Qataq acamaye, nache qaỹachalec 'enauac ca maiche logoxoshetpi da qaỹo'onataxaatega aca'aca nca'atoxonaxalate, aca poqo laỹe'pi, na'araxanaxatpi, nsheraxanaxatpi, nemaxanaqtepi, qataq 'enauac ca laỹe logoxoshetpi acamaye. Ime, nache qalpataxaalec ca ỹataqta no'on lo'oc, qataq qoỹanaguilo caua lachoxola'ate da qaỹache.

Números 4:19

Qaq da yaqto' saishet da ileu namayepi, souaxat da ỹasheleua'a ca nogoxoshetpi maye sa qaishetapec, nache namayepi ỹo'ot qome de'era 'eeta': So Aarón qataq soua llalqa, ỹapaxaguenec qome ñi 'oonolec namayepi ca lo'onataxanaxac qataq cam ishet da ỹache.

Números 4:20

Yaqto' namayepi saishet da huo'o ca huaña da pa'auo, da choche imeten ca nogoxoshetpi maye sa qaishetapec, cha'aye da 'eetec de'era nache ileu.»

Números 18:3

Nache namayepi ỹo'ot qome 'enauac na 'auamaxalecpi qataq da ilotague' ñi npe'l, qalaxaye saishet da ỹaconeua'a na nogoxoshetpi maye sa qaishetapec, qataq añi nca'atoxonaxalate, yaqto' saishet da ileu namayepi qataq qami'.

2 Samuel 15:24

Qaq nataqa'en ỹalectaigui somayepi so Sadoc, qataq so leviitapi maye ỹachetac aso arca maye laỹe da naỹamaxataxac Ñim Lo'onatac 'Enauacna. Qalaxaye somayepi ỹa'axaneguet asomaye, nache no'onaxata'aguet so Abiatar, nache ivitta'a da inoxonec 'enauac se'eso shiỹaxauapi da ca'ai so huaqta'a't nỹecpi.

1 Crónicas 23:26

Ỹoqo'oye na leviitapi saishet qome da qaltaq ỹe'eguelaxa da nquigaxattac ñi npe'l maye lalamaxat Ñim Nataxala', qataq nam no'onataxanaxatpi da qaỹo'ot da ño'oxonnataxanaxac.»

Éxodo 19:21

Nache Ñim Nataxala' 'enapega, 'eeta': «'aunotec qome, nache 'auqata ye Israel le'ecpi da saishet da napacalec na loga'tpi na na'anec, qataq qonapega da saishet da nshetaique da aỹem ỹauaachigui. ¡Ten qom qalota ca ileu yemayepi!

1 Reyes 8:3

Qaq co'ollaq ivireuo 'enauac so nqueroxonecpi maye lataxala'pi so Israel le'ecpi, nache so ntaxaỹaxanaxanecpi, ỹacoosop aso arca maye laỹe' da aỹamaxataxac,