Números 36:9 - La'aqtaqa Ñim Lo'onatac 'Enauacna 2013

⁹ Nache 'enauac na nalamaxat 'alhuapi, saishet qome da qaỹe'egueeta'a da talec qanqa'en ca 'oonolec na maiche nalamaxat nhuo' le'ecpi. Yaqto' na Israel le'ecpi saishet da iqataqchet ca 'alhua maye qoỹanem co'ollaxa da lalamaxat.

Números 36:9 Referans Kwoze

Números 36:8

Qaq ỹoqo'oye camachaqaca 'alo da huo'o ca lalamaxat 'alhua, nache acamaye da huaron, nache huaronoigui ca maiche lalamaxat lauo' le'ecpi. Yaqto' na Israel le'ecpi saishet da deqat na na'alhua maye lalamaxat co'ollaxa so lta'alpi.

Números 36:10

Nache soua llale so Selofejad ipacchigui da ỹo'ot da lamaxasoxonaxac Ñim Nataxala' maye ỹamaxalec co'ollaxa so Moisés.

Números 36:7

Yaqto' ca 'alhua maye talec ñi 'oonolec na maiche nalamaxat nhuo' le'ecpi, saishet qome da qaỹe'egueeta'a da taỹot qanqa'en ca lỹa nam nhuo' le'ecpi, nache 'enauac na Israel le'ecpi ỹataqta lalamaxat qome na na'alhua so maiche chegoxoguet lauo' le'ecpi.

Josué 24:28

Qaq co'ollaq ime 'enauac de'era, nache so Josué nquine' se'eso nhuo' le'ecpi, nache ñi 'oonolec somayepi taỹa so maiche lalamaxat na'alhua.

1 Samuel 26:19

Qaq ỹoqo'oye 'am ỹataxala', 'am ñachoxonnot da 'ana'axaỹaxana ne'ena 'aramaxashec. Da nacheñi Ñim Nataxala' ñim ỹo'ot da aỹem 'auataỹa'aguet, qaq no'on da Ñimaye ỹaconeguet qome aca ỹachetaqtaxanaqte, qalaxaye da maiche chegoqchigui na ỹalleppi damaye, nache Ñim Nataxala' ỹasaxalec qome ca nhuaxanaguec namayepi. Cha'aye nachena na aỹem ỹo'orauec nagui, da yaqto' saishet da sootalec ne'ena 'alhua maye lalamaxat Ñimaye, qataq 'eco' da aỹem ỹamaqtalec da ñatamnot na laỹepi atamnaxala'pi.

1 Reyes 21:3

Qalaxaye so Nabot 'enapego' so Ajab, 'eeta': Ñim Nataxala', aỹem saỹashenem qome da 'am sanem ne'ena 'alhua, maye aỹem no'onaxata'aguet co'ollaxa soua ita'al, da yaqto' ỹalamaxat naqa'en.