Números 35:6 - La'aqtaqa Ñim Lo'onatac 'Enauacna 2013

⁶ Qaq que'eca huaqta'a't nỹecpi maye ỹotta'a't naua nañalo maye qoỹanem na leviitapi, nache qaiỹotaugalo caua seis que'eca huaqta'a't nỹecpi maye ỹotta'a't naua nañalo da yaqto' ñe'eguenaxaqui', yaqto' da huo'o ca dalaataxan, nache ishet da lle'eguenaqa' ca 'oonolec camaye. Qataq qoỹanem namayepi caua ỹaqaugalo cuarenta y dos que'eca huaqta'a't nỹecpi maye ỹotta'a't naua nañalo,

Números 35:6 Referans Kwoze

Josué 21:13

Qalaxaye saishet da nacheyeta ye Hebrón, yem huaqta'a't nỹecpi maye lle'eguenaqa' cam ilamaxata'a da ỹalauat ca lỹa, cha'aye nataqa'en qoỹanem so chegoxoguetpi so ntaxaỹaxanaxanec Aarón, som huaqta'a't nỹecpi ye Libna,

Josué 21:3

Huaña, nache so Israel le'ecpi huo'o som ỹanem so leviitapi som maiche lalamaxat huaqta'a't nỹecpi maye ỹotta'a't naua nañalo, qataq lỹaueegue' naqa'en so no'onaxapi da yaqto' lquia'aqa' so na'atetpi, nache qaipacchigui da lamaxasoxonaxac Ñim Nataxala'.

Salmos 9:9

Ñim Nataxala' nacheñi Ñim lle'eguenaxala' na choxoraqpi, qataq mpaxattalec namayepi da huaigui da nque'eenaxac.

Josué 21:38

Qaq so maiche nhuo' le'ecpi maye chegoxoguetpi so Gad, nataqa'en ỹanec ye Ramot maye huaigui ye 'alhua Galaad, da yaqto' qaỹauo'o lle'eguenaqa' da huo'o ca ilamaxata'a da ỹalauat ca lỹa, qataq ye Majanayin,

Josué 21:36

Qaq so maiche nhuo' le'ecpi maye chegoxoguetpi so Rubén, nataqa'en ỹanem somayepi ye Beser, Yahás,

Josué 21:32

Qaq so maiche nhuo' le'ecpi maye chegoxoguetpi so Neftalí, nataqa'en ỹaarec soua tres som huaqta'a't nỹecpi, qataq lỹaueegue' so no'onaxapi maye lquia'aqa' na 'atetpi, yem: Cedes, maye huaigui ye 'alhua Galilea, da yaqto' qaỹauo'o lle'eguenaqa' da huo'o ca ilamaxata'a da ỹalauat ca lỹa, qataq ye Jamot Dor qataq ye Cartán,

Josué 21:27

Qaq so leviitapi maye chegoxoguetpi so Guersón, nache qoỹanema soua dos huaqta'a't nỹecpi maye ỹottecache naua nañalo, qataq lỹaueegue' so no'onaxapi maye lquia'aqa' na 'atetpi, maye lalamaxat co'ollaxa som laỹe so maiche nhuo' le'ecpi maye chegoxoguetpi so Manasés, yem Golán maye netaigui ye 'alhua Basán, da yaqto' qaỹauo'o lle'eguenaqa' da huo'o ca ilamaxata'a da ỹalauat ca lỹa, qataq ye Besterá.

Josué 21:21

Qaq som hualecpi aye qasoxonaxapi ye Efraín, nache qoỹanem ye Siquén, yem huaqta'a't nỹecpi maye lle'eguenaqa' da huo'o ca dalaataxan, qataq ye Guézer,

Hebreos 6:18

Qaq Ñimaye ye saishet da datenataxan, nache dam ỹachaxanapec qataq so ỹan la'aqtac chegoqchigui da maiche la'añaxac, saishet da naralaxat. Qaq damaye qomi' ỹa'añaqche't, cha'aye qomi' sauoqtaique da Ñim Lo'onatac 'Enauacna qomi' npaxattaleguete, qataq huo'o da qarpi'iỹaxac da Ñimaye qomi' ỹanema dam qomi' ỹachaxanapecoto.

Mateo 11:28

Qami' maye nache 'eetai' da qoviitaigui da qarhuogoqoi, qataq da qarachetataiqui. Qauanaiua'a Aỹem yaqto' qami' ñimataxaare'c.

Isaías 4:6

da yaqto' lpe'l ye na'a'q da npaxateguet na le'eraxa añi nala', qataq lpaqtaxanaxat da huo'o ca auot qataq da huo'o ca la'at lta'araic.

Números 35:5

Qataq chegoqchiguiña ca loigue que'eca huaqta'a't nỹecpi, qataq nalochiguiñi qanqa'en da qanaloqten. Nache ca pa'aigue da nala' lliguisheguem ivi' qanqa'en ca novecientos metros, qataq naloteguet qanqa'en ca taỹa'ague da avit, qataq da sheu' qataq ca pa'aigue da la'añaxa. Nache que'eca huaqta'a't nỹecpi ñichiguingui qome na laiñi, qaq que'eca no'onaxapi coleesop camaye.

Éxodo 21:13

Qalaxaye da saishet da nache 'ena'ac da ỹalauat, souaxat da maiche loga't ñaqa'en da nachaalataxac que'eca ileu, nache aỹem maiche 'am sachaxana qome ca dataigue que'eca dalaataxan da yaqto' nqañoxooñi.