Biblia Todo Logo
Bib sou entènèt

- Piblisite -




Números 35:2 - La'aqtaqa Ñim Lo'onatac 'Enauacna 2013

2 «Qonapega qome na Israel le'ecpi da 'enauac ne'ena ỹaconeguet 'alhua, ỹauo'o qome ca ỹanem na leviitapi nam huaqta'a't nỹecpi maye ỹotta'a't naua nañalo da yaqto' lalamaxat, qataq ỹanem na no'onaxapi maye coleesop que'eca huaqta'a't nỹecpi maye ỹotta'a't naua nañalo da yaqto' lquia'aqa' na na'atetpi.

Gade chapit la Kopi




Números 35:2
14 Referans Kwoze  

Qaq yem loga't ye na'alhua so Judá, chegoqchiguiña ye pa'aỹa'ague da nala' lliguisheguem, nache ivira'a ye loigue aso auaxai, nache huaña qome ca qano'onataxañi 'alhua laỹe maye ivi' doce kilómetros y medio ye lcateueegue, qaq ye lalogaxa qalaq 'eeta'am ye lalogaxa na laỹepi 'alhuapi maye chegoqchiguiña da pa'aỹa'ague da nala' lliguisheguem, nache ivira'a ye pa'aỹa'ague da nala' lliguiñi. Qaq ye laiñi camaye qalaq nache naña qome aca atamnaxaqui.


Qaq nache 'eeta'am cam 'alhua maye lalamaxat na leviitapi, qataq ca 'alhua maye lalamaxat ca huaqta'a't nỹecpi, vichiguinguilo qome naua loga'te ye na'alhua so Judá qataq so Benjamím, qataq vichiguingui na laiñi yemaye ca lalamaxat ca nta'a.


Ñim Nataxala' 'enapega so Moisés, co'ollaq huaña ye nalochiguiñi 'alhua ye Moab, yem sa qaỹapeque ye Jordán qataq nalotta ye Jericó, 'eeta':


Nache na leviitapi naigui qome que'eca huaqta'a't nỹecpi maye ỹotta'a't naua nañalo, qaq na na'atetpi qataq na laỹe lalopi shiguiỹacpi nache netalec qome que'eca no'onaxa.


Qaq ỹoqo'oye ca leviita da chegoqchiguiña ca camachaqca cam huaqta'a't nỹecpi maye ỹotta'a't naua nañalo na Israel, da huo'otaq lquiyaqteỹaxac da taỹa ca lca'ateua'a da lanataqa' Ñim Nataxala',


nache so leviitapi ca'ai co'ollaxa so na'alhuapi, qataq som laỹepi lalamaxatpi, da yaqto' nqo'ona ye Judá qataq ye Jerusalén, cha'aye so Jeroboán qataq som llalaqpi sa ỹashenem co'ollaxa somayepi da nache queto'ot da ntaxaỹaxanaxanecpi da qaitaxaỹapegue' Ñim Nataxala'.


Qaq 'enauac som huaqta'a't nỹecpi, huo'o so ỹalleppi maye qoỹaneuo da yaqto' imenec nam taỹot ñi 'oonolec ỹale ntaxaỹaxanaxanec maye chegoxoguet so Aarón, qataq 'enauac som leviitapi maye qoỹettauo maye huetauga som nquia'axanataxanaqa'pi maye huauga so pa'auec som huaqta'a't nỹecpi maye lalamaxat som ntaxaỹaxanaxanecpi.


nache so David 'enapega so lapoota'a't Israel le'ecpi, 'eeta': «Da qauaỹamaxayiñiita, qataq da nachera da 'eetapeguec Ñim Nataxala' maye Qanatamnaxala', nache samaxasaxa ca la'axaỹaxac 'enauac na qarqaỹañecpi maye hueta'alo na ỹotta'a't nma'ate na Israel, qataq na ntaxaỹaxanaxanecpi qataq na leviitapi, maye hueta'a nam maiche lalamaxat huaqta'a't nỹecpi maye ỹotta'a't naua nañalo, qataq nam 'alhuapi maye lquia'aqa'pi na 'atetpi, da yaqto' qomi' huaxaigueta,


Nataqa'en ỹa'axaỹaxac da so leviitapi, saishet co'ollaxa da qoỹami' ca aloq, ỹoqo'oye somayepi qataq so 'onaxanaxaicpi ỹe'eguelaxalo co'ollaxa soua lma'ate.


Swiv nou:

Piblisite


Piblisite