Números 35:12 - La'aqtaqa Ñim Lo'onatac 'Enauacna 2013

¹² Nache ỹe'eguenoigui camaye da dataueeguesop ca ipaltaique lvi' maye lauo' le'ec ca ileu, yaqto' saishet da ileu que'eca dalaataxan ivitta'a da qanmit, ỹauaachigui qanqa'en 'enauac na nhuo' le'ecpi.

Números 35:12 Referans Kwoze

Deuteronómio 19:6

Cha'aye saiuena'a da ỹapacauec da lauel ca lauo' le'ec que'eca ileu, nache ishet da ỹalauat da iviralec camaye, lamaaxa da qaỹoqoolec ca nqa'aic. Qaq que'eca shiỹaxaua saishet da iuen da qaỹalauat, cha'aye camaye choche ilamaxata'a da ỹalauat que'eca lỹa.

Josué 20:9

Qaq 'eso som huaqta'a't nỹecpi maye qalca'aua'a da lle'eguenaxaquipi qanqa'en 'enauac so Israel le'ecpi, qataq so chegaqauecpi maye netaiguipi somayepi. Qaq nache camachaqca shiỹaxaua da ilamaxata'a da ỹalauat ca lỹa, nache ishet da taua'a somayepi da naneltaxan, yaqto' cam lauo' le'ec que'eca leuaxaic, saishet da hua'aulec da ỹalauat camaye souaxat da ipaltaique ca lvi', qom ñaq saxanaxa da qaỹauegueua'a ca nhuo' le'ecpi da yaqto' qanmit camaye.

2 Samuel 14:7

Qaq nagui, 'enauac na ihuo' le'ecpi aỹem dataỹa'aguet, quetapegueua'a da saneuo so no'onañi ỹalec maye ỹalauat ye lqaỹa, yaqto' qaipalaique lvi' yem ỹalauat somaye, qataq qaica qanqa'en ca no'onañi da yaqto' lalamaxat 'enauac nam nogoxoshetpi. Huaña qome nache imeuo da ñaquitaxac, qataq pal da le'enaxat ye ihua, cha'aye qaica ca ỹache da le'enaxat yemaye, qataq qaica ca no'onañi llalec ana 'alhua.

Números 35:19

Qaq ca ỹataqta lalamaxat lauo' le'ec que'eca nalaatac, nacheca ca ishet da ipalaique lvi' da ỹalauat que'eca laataxanaxaic da ivita da ilalec.

Números 35:13

Nache que'eca huaqta'a't nỹecpi maye ỹotta'a't naua nañalo maye qoỹanec, qaiỹotauga qome caua seis da yaqto' ñe'eguenaxaqui'.

Deuteronómio 19:4

Nache que'eca dalaataxan maye ỹe'egueneua'a que'eca huaqta'a't nỹecpi, ishet da nca'alec da 'eesa da choche ilamaxata'a da ỹalauat ca lỹa, cha'aye saishet da ỹoqta lhuennataxac, qataq saishet da dalematatega camaye.

Josué 20:2

«Qonapega qome na Israel le'ecpi, da lca'aique ca huaqta'a't nỹecpi maye ỹotta'a't naua nañalo da yaqto' ñe'eguenaxaquipi, yaqto' qaipacchigui da ỹamaxasoxonaxac maye sanem co'ollaxa so Moisés.