Números 35:11 - La'aqtaqa Ñim Lo'onatac 'Enauacna 2013

¹¹ nache qauỹochiỹauga qome ca ñe'eguenaxaquipi huaqta'a't nỹecpi maye ỹotta'a't naua nañalo, yaqto' ishet da ỹe'egueneua'a ca shiỹaxaua maye choche ilamaxata'a da ỹalauat ca lỹa.

Números 35:11 Referans Kwoze

Éxodo 21:13

Qalaxaye da saishet da nache 'ena'ac da ỹalauat, souaxat da maiche loga't ñaqa'en da nachaalataxac que'eca ileu, nache aỹem maiche 'am sachaxana qome ca dataigue que'eca dalaataxan da yaqto' nqañoxooñi.

Josué 20:2

«Qonapega qome na Israel le'ecpi, da lca'aique ca huaqta'a't nỹecpi maye ỹotta'a't naua nañalo da yaqto' ñe'eguenaxaquipi, yaqto' qaipacchigui da ỹamaxasoxonaxac maye sanem co'ollaxa so Moisés.

Números 35:6

Qaq que'eca huaqta'a't nỹecpi maye ỹotta'a't naua nañalo maye qoỹanem na leviitapi, nache qaiỹotaugalo caua seis que'eca huaqta'a't nỹecpi maye ỹotta'a't naua nañalo da yaqto' ñe'eguenaxaqui', yaqto' da huo'o ca dalaataxan, nache ishet da lle'eguenaqa' ca 'oonolec camaye. Qataq qoỹanem namayepi caua ỹaqaugalo cuarenta y dos que'eca huaqta'a't nỹecpi maye ỹotta'a't naua nañalo,

Deuteronómio 4:42

da yaqto' lle'eguenaqa' ca shiỹaxaua maye ilamaxata'a da ỹalauat ca lỹa maye saishet da mpa'aguenaxaua, nache ishet da taỹa camaye da naneltaxan yaqto' saishet da qaỹalauat.

Levítico 4:2

«Qonapega qome na Israel le'ecpi da huo'o ca shiỹaxaua da sa nanoma da npe'eelec camachaqca nam lamaxasoxonaxacpi Ñim Nataxala' qataq da ỹo'ot ca sa qaỹashen, nache 'era qome da qoỹeetec:

Levítico 4:22

Qaq da huo'otaq nataxala' que'eca npe'eelec na lqataxacpi Ñim Nataxala' maye Natamnaxala', souaxat da ỹo'ot ca sa qaỹashen da qaỹo'ot, nache camaye huo'o ca lasouaxashet.

Números 35:15

Nache que'ecaua seis que'eca huaqta'a't nỹecpi maye ỹotta'a't naua nañalo, nache lle'eguenaxaqui' qome na Israel le'ecpi, qataq ca chegaqauecpi maye qami' netaiguilo, huo'otaq ca queuoxoicpi. Qataq lle'eguenaqa' qome ca choche ilamaxata'a da ỹalauat ca lỹa.