Números 34:2 - La'aqtaqa Ñim Lo'onatac 'Enauacna 2013

² «Qonapega qome na Israel le'ecpi, qoneta: Qom qaunoxoñiiua'a ye 'alhua Canaán, yem 'alhua maye qaralamaxache, nache 'ena qome na loga'tpi yemaye:

Números 34:2 Referans Kwoze

Génesis 17:8

Qaq 'am qataq cam 'am chegoxoguetpi, sanem qome 'enauac na 'alhua Canaán, nam qonetaña nagui, da chochaq tatec da lalamaxat qome camayepi, qaq Aỹem nachaỹem natamnaxala' qome camayepi.»

Salmos 105:11

co'ollaq 'eeta': «Aỹem, 'am sanem qome ye 'alhua ye Canaán, yem 'alhua maye taỹa'a da 'aralamaxat.»

Efesios 1:18

Qataq seỹaxaatacot Ñim Lo'onatac 'Enauacna, da yaqto' qami' ỹaỹaanaxanaxaateque de'era lta'araic naigui da nca'alaxa maye ỹami' nam lalamaxatpi. Yaqto' nataqa'en ỹataqta qauaỹaañita cam qanaquitaxaqui maye huo'omshe qami' iỹaxanalo Ñimaye.

Efesios 1:14

Qaq nacheso so ỹoqta 'eesa naqa'en da qomi' saconaxaguet ca ỹachaxanapec Ñim Lo'onatac 'Enauacna maye qomi' ỹanema qom ivita ca laloqo' da huesochiguiñi naqa'en na lalamaxatpi, da yaqto' Ñimaye qaỹo'oxoren souaxat da la'amaqchec.

Hechos 26:18

Aỹem 'am samaxa namayepi, da yaqto' ishet da nauaañi 'anqa'en, yaqto' saishet da quetaigui na napalaxa, nachaqrata da quetaigui na yo'oqchiguiñi; qataq yaqto' namayepi saishet da hueto'ot da la'añaxac so pa'aguenataxanaxaic, nachaqrata da quegue Ñim Lo'onatac 'Enauacna; qataq ỹa'amaqten, nache ishet da qaỹapalaxat na lasouaxashetpi, qataq yaqto' qaỹalecneua'a da qoỹanem qome cam ỹachaxanapec Ñim Lo'onatac 'Enauacna da ỹami' nam lalamaxatpi Ñimaye.»

Hechos 17:26

Ñimaye ỹachegoxotchigui co'ollaxa so 'oonolec ỹale da ỹo'ot 'enauac na ỹotta'a't shiỹaxauapi, da yaqto' namayepi naleguete naua 'aleu'. Nache ỹauo'oi naua laloqo'ote namayepi, qataq ỹa'a'n naua lma'ate,

Ezequiel 47:14

Aỹem maiche ñañan co'ollaxa da san so ỹa'aqtac da sanem da yaqto' lalamaxat ne'ena 'alhua so hua'au qarta'ailpi. Qaq qancolaxachiigui qome namaye, qalaxaye nache 'eeta'a't qanqa'eñi ca talec ca 'oonolec. Cha'aye ne'ena 'alhua, namaye maiche qaralamaxache qome.

Jeremías 3:19

'Am Israel, aỹem 'am saconeguet co'ollaxa da 'am ỹalec, qataq 'am sanem yem 'alhua maye nqopitaxat, yem 'alhua maye napactelec da lyac 'enauac na laỹepi ana 'alhua, qaq Aỹem sepi'itaxaatega da aỹem 'autaxaỹa nache aỹem 'arta'a, qataq da saishet da aỹem qaỹoqta 'anqa'en.

Génesis 10:19

Qaq so na'alhua so cananeopi nquictauec, chegoqchiguiña ye Sidón, nache ivitta'a ye 'alhua Gerar qataq ye Gaza, qataq dataigue da pa'aigue ye Sodoma, Gomorra, Adma, qataq ye Zeboyin, nache ivira'a ye Lasa.

Números 34:1

Ñim Nataxala' 'enapega so Moisés, 'eeta':

Ezequiel 47:13

Aỹem Nataxala', shenapec: 'Ena na loga'tpi na 'alhuapi maye ỹaconeguet qome da yaqto' lalamaxat lma' naua doce maye chegoxogueta so Israel, qaq ca chegoxoguet so José, qalaq ỹactec qome ca talec 'alhua.

Éxodo 23:31

Qaq naua loga'te yem qarmaye sogote da sa'a'n da na'anaguec, 'eeta': Chegoqchiguiña qome aso Auaxai Togaxarai, nache ivitta'a so loigue aso auaxai maye nalotaxaama ye lma' ye filisteopi, qataq chegoqchiguiña ye toolec 'alhua choche ivitta'a so tala Éufrates. Qaq Aỹem qami' sanema ye netalec yi'iye 'alhua da qauloỹiigue. Ime, qaq maiche qauo'oyiỹauec qome yemayepi.

Josué 11:23

Qaq 'era da 'eetec co'ollaxa so Josué da deuotaxanec 'enauac se'eso 'alhuapi, qaq nache ipacchigui 'enauac na la'aqtacpi Ñim Nataxala' maye ỹamaxalec co'ollaxa so Moisés. Huaña nache somaye ỹami' ñi 'oonolec na maiche nhuo' Israel le'ecpi, da yaqto' lalamaxat lma' se'eso 'alhua. Qaq co'ollaq ime nache huo'o da nlagaxayec yi'iye 'alhua.

Josué 13:1

Qaq co'ollaq mashe ỹa'axaiquiolec so Josué, nache Ñim Nataxala' 'enapega somaye, 'eeta': «'Am, mashe 'am ỹa'axaiquiolec, qalaxaye ñaq qalota na no'onañi 'alhuapi maye ñaq saxanaxa da qaiuotaxanec.

Josué 21:43

Qaq 'era da 'eetec Ñim Nataxala' da ỹanem co'ollaxa so Israel le'ecpi 'enauac se'eso 'alhuapi, maye ỹachaxanapecot co'ollaxa so hua'au lta'alpi, huaña nache so Israel le'ecpi nalec co'ollaxa se'eso 'alhuapi.