Números 34:17 - La'aqtaqa Ñim Lo'onatac 'Enauacna 2013

¹⁷ «Qaq 'enaua qome naua qami' ỹanoiguilo na 'alhua, ntaxaỹaxanaxanec Eleazar qataq Josué, som llalec so Nun.

Números 34:17 Referans Kwoze

Josué 14:1

Qaq 'ena na 'alhuapi maye huaña ye Canaán maye ỹaconeguet co'ollaxa da yaqto' ỹauo'o lalamaxat so Israel le'ecpi. Qaq se'eso 'alhuapi naloqnec co'ollaxa so ntaxaỹaxanaxanec Eleazar, qataq so Josué, nataqa'en so lataxala'pi na maiche nhuo' le'ecpi maye chegoxoguetpi so Israel.

Josué 19:51

Qaq 'eso so 'alhuapi maye so ntaxaỹaxanaxanec Eleazar, Josué qataq so lataxala'pi so nhuo' le'ecpi ỹo'ot da qanallichigui co'ollaxa, da taỹot qanqa'en ñi 'oonolec se'eso maiche nalamaxat nhuo' Israel le'ecpi, ỹauaachigui qanqa'en Ñim Nataxala', huaña so ñegueuo som npe'l maye huañacnaxa da qanauane' Ñimaye maye naña ye Silo. Qaq huaña co'ollaxa nache ỹataqta nalotec da qoỹanec se'eso 'alhua.

Números 13:16

Qaq 'esoua soua le'enaqa'ate soua ỹale't maye ỹama'q co'ollaxa so Moisés, da demeenaxana ye 'alhua Canaán. Qalaxaye so Moisés naralaxat da le'enaxat so Oseas, som llalec so Nun, nache ỹanagui da Josué.

Números 13:8

Oseas, som llalec so Nun, som chegoxoguet na maiche lauo' le'ecpi so Efraín,

Números 34:16

Ñim Nataxala' qaltaq 'enapega so Moisés, 'eeta':

Números 34:18

Qalaxaye nataqa'en qauỹaxañiỹa qome ñi 'oonolec na lataxala'pi, na maiche nalamaxat nhuo' le'ecpi da yaqto' itaua'n naamaye da qoỹanec na 'alhua.

Deuteronómio 1:38

Nachesota so 'artaua Josué, maye llalec so Nun, da inoxoneua'a qome yemaye. Qaq somaye 'aua'añaqchet, cha'aye nacheso qome so ỹanem yi'iye 'alhua na Israel le'ecpi.

Josué 14:2

Qaq se'eso 'alhuapi co'ollaq qoỹanec, nache qanallichigui da yaqto' qaỹaỹaten ca taalec ñi 'oonolec so nueve, qataq so 'oonolec laỹe so maiche nalamaxat nhuo' le'ecpi, nache qaipacchigui da la'aqtac Ñim Nataxala' maye ỹamaxalec co'ollaxa so Moisés.

Números 13:1

Ñim Nataxala' 'enapega so Moisés, 'eeta':

Números 13:3

Nache so Moisés ipacchigui da lamaxasoxonaxac Ñim Nataxala' da ỹama'q soua ỹale't, chegoqchiguiña naqa'en ye toolec 'alhua ye Parán, qaq 'enauaque soomaye lataxala' so Israel le'ecpi qataq huo'o naq 'eneque,