Números 34:11 - La'aqtaqa Ñim Lo'onatac 'Enauacna 2013

¹¹ qataq chegoqchiguiña ye Sefán, nache nachiguiña ye Ribla maye pa'aigue da nala' lliguisheguem ye Ayin, qataq naỹaña ye pa'aigue da nala' lliguisheguem aso auaxai Cineret,

Números 34:11 Referans Kwoze

2 Reyes 23:33

Qaq so faraón Necao, icoñi' co'ollaxa somaye, nache ỹanaña ye Ribla maye huaigui ye 'alhua Jamat, da yaqto' saishet da ilo'ogue ye Jerusalén. Nache somaye ỹamaxalec som netalecpi yi'iye 'alhua, da desheetenaxana so tres mil trescientos kilos so plata, qataq so treinta y tres kilos so oro.

Deuteronómio 3:17

Nataqa'en sanem ye 'alhua ye Arabá, maye pa'aỹa'ague da nala' lliguisheguem añi qasoxonaxa Pisga, yem 'alhua maye loga't ye tala Jordán, chegoqchiguiña ye Quinéret, nache ivitta'a aso auaxai ye Arabá, maye nachaso aso Auaxai Leuaxai.

Josué 11:2

Qataq 'enauac so nta'alpi yem 'alhuapi maye nalec aye qasoxonaxapi maye pa'aỹa'ague da sheu', qataq ye ca'amegue ye Jordán maye pa'aỹa'ague da la'añaxa aso Lapel Quinéret, qataq ye nalochiguiñi 'alhua, qataq ye Dor yem pa'aỹa'ague da avit.

Lucas 5:1

Qaq huo'o so na'a'q So Jesús hueto'ot na loigue aso lapel late'erai ye Galilea, nache ỹataqta qalota so shiỹaxauapi laponeua'a Somaye da yaqto' na'axaỹaxana da la'aqtac Ñim Lo'onatac 'Enauacna.

Josué 19:35

Qaq so huaqta'a't nỹecpi maye sa nsattec so lpaqtaxatpi maye taỹot co'ollaxa somayepi, nache le'enaxat: Sidín, Ser, Jamat, Racat, Quinéret,

Juan 6:1

Qaq co'ollaq ime de'era, nache So Jesús taitague da le'ego aso Lapel Late'erai ye Galilea qataq da lỹa le'enaxat Lapel Late'erai ye Tiberias.

Mateo 14:34

So Jesús qataq soua lapaxaguenataqa ỹa'axasoxoorelec aso lapel choche ivitta'ata ye nỹecpi ye Genesaret.

Jeremías 52:10

nache ỹauaachigui naqa'en somaye, co'ollaq damaxasoxoolec da qaicheguec na lqaic so llalaqpi, qataq 'enauac som 'amaqtaqaicpi ye Judá.

2 Reyes 25:6

Nache som caldeopi, loxonec co'ollaxa so nta'a Sedequías, nache qaỹauegueua'a so nta'a ye Babilonia, maye hueta'a ye Ribla, maye huaigui ye 'alhua Jamat. Qaq nache huaña yemaye, da so Nabucodonosor, ỹauo'o da nhuaxanaguec so Sedequías,

Josué 13:27

Nataqa'en taỹot somayepi ye ca'amapega't ye Bet Aram, Bet Nimrá, Sucot qataq ye Safón, maye nachesouate' co'ollaxa da no'oirañi da lalamaqa'ate so Sijón maye nta'a ye Jesbón. Qaq se'eso na'alhua somayepi chegoqchiguiña ye pa'aỹa'ague da nala' lliguisheguem so tala Jordán, nache ivitta'a so pa'aỹa'ague da la'añaxa añi Lapel Quinéret.

Números 34:10

Qaq ye loga't maye pa'aigue da nala' lliguisheguem, qalaq qaỹo'ot qome ca na'anec, chegoqchiguiña ye Jasar Enán, nache ivitta'a ye Sefán,

Números 34:12

qataq nache chegoqchiguiña yemaye da naỹaña so tala Jordán, nache tachiguiña aso Auaxai Leuaxai. Qaq 'ena na loga'tpi qome yi'iye qana'alhuai.»

Jeremías 52:9

Nache so caldeopi ỹaconeua'a so nta'a Sedequías, nache ỹauega so nta'a ye Babilonia maye hueta'a co'ollaxa ye Ribla maye huaigui yem 'alhua Hamat. Qaq huaña yemaye nache so Nabucodonosor ỹo'ot da 'eetec da nhuaxanaguec so Sedequías,

Josué 12:3

Nataqa'en ivira'a so pa'aỹa'ague da avit so Tala Jordán, chegoqchiguiña aso Lapel Quinéret, nache ivitta'a aso Auaxai Leuaxai, maye pa'aỹa'ague da la'añaxa, nache ivitta'a ye Bet Yesimot, qataq añi qasoxonaxa Pisga.