Números 33:52 - La'aqtaqa Ñim Lo'onatac 'Enauacna 2013

⁵² nache qauo'oyiỹauec qome ye shiỹaxauapi maye netalec yi'iye 'alhua, qataq qaulaxachiigui na natamnaxala'pi ne'enaqtac coma', qataq na nqachilliguishec lcat, qataq qanlaxachiiñi na natamnaqa'pi maye huasheguema ana lcomaraxalatepi.

Números 33:52 Referans Kwoze

Levítico 26:1

Saishet qome da qauo'oche ca ỹotta'a't ne'enaqtac nqui'ipi, qataq ca no'onatac coma' atamnaxala', qataq saishet da qanatamñiitacot camaye, cha'aye Aỹem Nataxala' maye Qanatamnaxala'ai.

Éxodo 23:24

Saishet qome da qaua'ayiỹoto naua qarllectelli' na atamnaxala'pi, qataq saishet da qanatamñiỹot, qataq saishet qome da qoquiigue na qauem no'onataxacpi, nachaqrata da qaulaxachiigui 'enauac na ne'enaqtac atamnaxala'piolec qataq ỹataqta laỹelolqa qanqa'eñi da qanlaxachiiñi na coma'pi maye atamnaqa'pi.

Jueces 2:2

qom saishet da qanaỹamaxache' nam lma' ne'ena 'alhuapi, nachaqrata da qanlaxachiiñi ana lca'atoxonaxalatepi.› ¡Qalaxaye qami' saishet da aỹem qaualaqaiguet! ¿Ta'ainco' da qoñeetec de'era?

Josué 23:7

Nache saishet qome da qauallequiiguet na shiỹaxauapi maye ñaq hueta'a ne'ena, maye ñaq qami' netanguilo. Qataq saishet da qavio'oxoreñiitac nam natamnaxala'pi namayepi, qataq saishet da qaualaqaiguet huo'otaq da qanasaqaiteguec cam le'enaxatpi que'eca atamnaxala'pi, huo'otaq da qaỹa'añim ca qara'aqtaqui.

Deuteronómio 33:29

¡'Am Israel, ỹataqta 'auamachiguiñi qome! ¿Negue'tom ca 'am 'eeta'am? Cha'aye 'am lca'alaqtac Ñim Nataxala', Ñimaye 'am npaxattalec qataq 'am itauan, ¡Ñimaye 'eeta'am ca 'ainec maye huegaxanaxaic! Qaq ỹo'ot qome da 'oxonec ca 'ampa'aguenaxauapi qataq da 'auapigui camayepi.

Deuteronómio 31:5

Qaq Ñim Nataxala', qom qami' ỹanema da qoroxoñiqui yi'iye ỹotta'a't shiỹaxauapi, nache qauo'ochec yemayepi 'enauac ne'ena qami' samaxaleguete.

Josué 9:7

Nache so Israel le'ecpi ỹasategueto' se'esoua heveo lashe', 'eeta': «Yo'oqta da sa qaỹapeque ca qarmaye ne'ena souaqta'a. ¿Qaq taloxochiyectoxo' da qami' ñaỹamaxataxato?»

Josué 11:15

Ñim Nataxala' ỹanem co'ollaxa de'era lamaxasoxonaxac so Moisés, qaq so Moisés nache ỹamaxalec co'ollaxa so Josué, qaq somaye nache ỹataqta ipacchigui da ỹo'ot 'enauac damaye.

1 Reyes 11:7

Qaq se'esoua vi'iye, nache huaiguilo da so Salomón, ỹanalec aso qasoxonaxa maye pa'aigue da nala' lliguisheguem ye Jerusalén, so atamnaqa' da yaqto' qanatamnot so Quemos, som nqaigaxat lqolac so Moab le'ecpi, qataq so Moloc, som nqaigaxat lqolac so Amón le'ecpi.