Números 33:49 - La'aqtaqa Ñim Lo'onatac 'Enauacna 2013

⁴⁹ nache hua'a na loigue so tala Jordán, nache so npe'lpi chegoqchiguiña ye Bet Yesimot, nache ivitta'a ye Abel Sitín ye nalochiguiñi 'alhua ye Moab.

Números 33:49 Referans Kwoze

Ezequiel 25:9

Qaq ỹoqo'oye sauatec qome na laỹe ye Moab, nache imauec qome da qaica ye huaqta'a't nỹecpi, yem ỹataqta ỹo'oxoraq huaqta'a't nỹecpi yi'iye 'alhua: Bet Yesimot, Baal Megón qataq Quiriatayin.

Josué 13:20

nataqa'en ye Bet Pegor, Bet Yesimot qataq naua nashecrañi laỹel añi qasoxonaxa Pisga,

Josué 2:1

Qaq co'ollaq huaña ye Sitín, nache so Josué no'otaxaatrec soua dos da ỹama'q, nache 'enapegalo, 'eeta': «Qanqo'oñiỹa qome da qaumeenaxañiỹa ye 'alhua Canaán qataq ye Jericó.» Nache soomaye je'c, qaq co'ollaq ivildeua'a ye Jericó, nache tatreua'a so lma' aso 'alo quisheguetaxai maye le'enaxat Rajab, nache lo'ochaqa't se'eso pe.

Éxodo 25:23

«'Auo'o't qome ca 'aua'ara't 'epaqpi da yaqto' nquia'axala' 'auachegoxotaigui ana qo'oipaq acacia, nache noventa centímetros ye lalogaxa, qataq cuarenta y cinco centímetros ye lcateueegue, qataq sesenta y cinco centímetros ye loquitcheguema.

Éxodo 25:10

«'Auo'ot qome aca laỹe' naua nqataxaco, 'aua'ara't na 'epaq maye chegaqaigui ana acacia, acamaye ivi' un metro y diez centímetros ye lalogaxa, qataq sesenta y cinco centímetros ye lcateueegue, qataq sesenta y cinco centímetros ye loquitcheguema.

Éxodo 25:5

qataq ca peenaq lo'oc maye nqo'oilliguishec togaxaraic, nataqa'en ca no'on lo'oc, qataq ca 'epaq le'enaxat acacia,

Números 22:1

Qaq so Israel le'ecpi qaltaq jec co'ollaxa, nache naña ye nalochiguiñi 'alhua ye Moab, maye pa'aỹa'ague da nala' lliguisheguem ye Jordán qataq nalotta ye Jericó.

Números 33:50

Qaq huaña co'ollaxa ye nalochiguiñi 'alhua ye Moab, yem sa qaỹapeque ye Jordán, maye nalotta ye Jericó, da Ñim Nataxala' 'enapega co'ollaxa so Moisés, 'eeta':