Números 32:33 - La'aqtaqa Ñim Lo'onatac 'Enauacna 2013

³³ Nache so Moisés ỹanem so 'alhua so maiche nalamaxat nhuo' le'ecpi maye chegoxoguet so Gad, Rubén qataq so laỹepi maiche nhuo' le'ecpi maye ncolaxara'ache co'ollaxa maye chegoxoguet so Manasés, maye llalec so José, yem na'alhua co'ollaxa so Sijón maye lta'a na amorreopi, qataq so Og maye lta'a na netaña ye Basán, lỹaueegue' nataqa'en so huaqta'a't nỹecpi qataq so no'onaxapi maye sa qaỹapeque yemaye.

Números 32:33 Referans Kwoze

Josué 12:6

So Moisés qataq so Israel le'ecpi loxonqa co'ollaxa se'esoua nta'al, ỹoqo'oye so Moisés ỹanem co'ollaxa se'eso 'alhuapi so maiche nhuo' le'ecpi maye chegoxoguet so Rubén qataq so Gad, qataq so laỹe som maiche nhuo' le'ecpi maye chegoxoguet so Manasés.

Josué 22:4

Qaq nagui Ñimaye ipacchigui da ỹan la'aqtac co'ollaxa, qataq nam qarqaỹaipi mashe huo'o da l-lagaxayec, qaq ỹoqo'oye nagui qavi'iguelaqaiỹalo qome naua qaranataqa'achilli' qataq ye qana'alhuai maye pa'aỹa'ague da yo'oxoñi so tala Jordán, maye qami' ỹanema co'ollaxa so Moisés, maye lamaxashec Ñim Nataxala'.

Deuteronómio 29:8

Nache saconaxa co'ollaxa ye na'alhua, nache sanaxam so chegoxoguetpi so Rubén, qataq so Gad, qataq so laỹepi maiche nhuo' le'ecpi maye chegoxoguet so Manasés da yaqto' lalamaxat.

1 Crónicas 26:32

qataq ỹalecta'aguet so lauo' le'ecpi maye ỹataqta 'añaxaicpi, qaq somayepi ivi' dos mil setecientos som lataxala'pi so nhuo' le'ecpi. So nta'a David, ỹanem co'ollaxa da ilo'ogue so nhuo' le'ecpi maye chegoxoguetpi so Rubén, qataq so Gad, qataq som laỹe so maiche nalamaxat nhuo' le'ecpi maye chegoxoguetpi so Manasés, da yaqto' huapegue' 'enauac nam no'onatacpi maye lalamaxatpi Ñim Lo'onatac 'Enauacna, qataq so nta'a.

1 Crónicas 12:31

Qaq som laỹe so maiche nalamaxat nhuo' le'ecpi maye chegoxoguetpi so Manasés, ivi' dieciocho mil so ỹalleppi maye qoỹaneuo da taỹa so David, da yaqto' ỹaneuo da nta'a.

1 Crónicas 5:18

Qaq som chegoxoguetpi so Rubén, Gad, qataq som laỹe so maiche nalamaxat nhuo' le'ecpi maye chegoxoguetpi so Manasés, som 'añaxaic ỹalleppi maye ỹachetac aso lpaqtaxanaqtepi, lainecpi qataq so lchecnecpi, qataq ỹataqta ỹaỹaten da l-loquiaxac, somayepi ivi' cuarenta y cuatro mil setecientos sesenta ỹalleppi, maye lhuotta da ishet da nalat.

Números 34:14

cha'aye na chegoxoguet so Rubén qataq so Gad, qataq na laỹepi na maiche nalamaxat nhuo' le'ecpi maye ncolaxara'ache co'ollaxa, maye chegoxoguet so Manasés, maye mashe huo'o ye na'alhua.

Números 32:1

Qaq so maiche nhuo' le'ecpi maye chegoxoguet so Rubén qataq so Gad, qalota co'ollaxa so na'atetpi, qaq co'ollaq ila'a da 'onaxaic ye 'alhua Jazer qataq ye Galaad, da taiguet da netaña na 'atetpi,

Números 32:32

Nache ña'ataxagui na qaro'ogoxonaxat da ñeqo'onaxata ye 'alhua Canaán da salaxasoxoguet Ñim Nataxala'. Qalaxaye qomi' saconaxa ne'ena 'alhua maye npa'aitague na le'ego na Jordán da qaralamaxat.

Josué 12:1

Qaq 'eso so nta'alpi maye loxonecpi co'ollaxa so Moisés qataq so Israel le'ecpi da yaqto' ỹacona so na'alhuapi, som pa'aỹa'ague da yo'oxoñi so tala Jordán, qataq som chegoqchiguiña so tala Arnón, nache ivitta'a añi qasoxonaxa Hermón, qataq 'enauac som pa'aỹa'ague da nala' lliguisheguem ye ca'amapega't so tala Jordán.

Josué 14:3

Qaq so Moisés mashe nale'ena co'ollaxa ỹan ye 'alhua maye pa'aỹa'ague da nala' lliguisheguem da le'ego so tala Jordán, nache ỹami' so maiche nhuo' le'ecpi maye chegoxoguet so Rubén qataq so Gad, nataqa'en so laỹe so maiche nhuo' le'ecpi maye chegoxoguetpi so Manasés. Qalaxaye so chegoxoguetpi so Leví, saishet co'ollaxa da huo'o ca qoỹanem 'alhua.

Josué 22:7

Qaq so 'oonolec laỹe se'eso maiche nhuo' le'ecpi maye chegoxoguetpi so Manasés, so Moisés ỹanem co'ollaxa so 'alhua maye huaigui ye 'alhua ye Basán. Qaq so lỹa laỹe se'eso maiche nhuo' le'ecpi maye chegoxoguet so Manasés, so Josué ỹanem so na'alhua maye ỹalectaigui so na'alhuapi so Israel le'ecpi, maye pa'aỹa'ague da avit so Jordán. Nache so hua'auchiguiñi se'eso nhuo' le'ecpi ỹanem da lqouagaxanaqtaic, nache ỹamaq da ỹe'eguelaq.

1 Samuel 13:7

Nache somayepi qalota so ỹa'axasoxoolec so tala Jordán, da taỹa ye na'alhua so Gad qataq so Galaad, qalaxaye so Saúl ñaq hueta'a co'ollaxa ye Gilgal, nache 'enauac so nalleppi da ca'attague' somaye, qalaxaye ỹataqta qalota da lcolanaxa.

Números 34:15

Qaq ne'enaua dos qataq na maiche nalamaxat nhuo' le'ecpi maye ncolaxachigui co'ollaxa, mashe huo'o ye lalamaxat na'alhua pa'aigue da nala' lliguisheguem ye sa qaỹapeque ye tala Jordán, maye nalotta ye Jericó.»