Números 32:32 - La'aqtaqa Ñim Lo'onatac 'Enauacna 2013

³² Nache ña'ataxagui na qaro'ogoxonaxat da ñeqo'onaxata ye 'alhua Canaán da salaxasoxoguet Ñim Nataxala'. Qalaxaye qomi' saconaxa ne'ena 'alhua maye npa'aitague na le'ego na Jordán da qaralamaxat.

Números 32:32 Referans Kwoze

Números 32:31

Nache so chegoxoguetpi so Gad qataq so Rubén, 'eeta': Qomi' so'otaq qome de'era lamaxasoxonaxac Ñim Nataxala' maye ỹanem na lamaxashecpi.

Números 32:33

Nache so Moisés ỹanem so 'alhua so maiche nalamaxat nhuo' le'ecpi maye chegoxoguet so Gad, Rubén qataq so laỹepi maiche nhuo' le'ecpi maye ncolaxara'ache co'ollaxa maye chegoxoguet so Manasés, maye llalec so José, yem na'alhua co'ollaxa so Sijón maye lta'a na amorreopi, qataq so Og maye lta'a na netaña ye Basán, lỹaueegue' nataqa'en so huaqta'a't nỹecpi qataq so no'onaxapi maye sa qaỹapeque yemaye.

Deuteronómio 3:12

Qaq so mashe qoroxonec ye 'alhua, nache sami' na maiche nhuo' le'ecpi maye chegoxoguet so Rubén qataq so Gad, chegoqchiguiña ye pa'aỹa'ague da sheu' ye Aroer maye hueteua'a na laỹe so la'auaxac Arnón, qataq ivitta'a na laiñi aye qasoxonaxapi ye Galaad, nache lỹaueegue' ñaqa'en so huaqta'a't nỹecpi.

Deuteronómio 29:8

Nache saconaxa co'ollaxa ye na'alhua, nache sanaxam so chegoxoguetpi so Rubén, qataq so Gad, qataq so laỹepi maiche nhuo' le'ecpi maye chegoxoguet so Manasés da yaqto' lalamaxat.

Levítico 14:34

«Qom mashe qaunoxoñiiua'a ye Canaán, yem 'alhua maye qami' sanema qome da yaqto' qaralamaxache, nache da ivita da huo'o ca nỹec da decoche yi'iye 'alhua maye qoviita'a qome,

Números 32:19

Qaq qomi', nache saishet da sauoqo'o ca qana'alhua yem pa'aitague da le'ego ye Jordán, cha'aye qomi' saconaxa ne'ena 'alhua maye npa'aitague na nala' lliguisheguem na Jordán.

Números 34:15

Qaq ne'enaua dos qataq na maiche nalamaxat nhuo' le'ecpi maye ncolaxachigui co'ollaxa, mashe huo'o ye lalamaxat na'alhua pa'aigue da nala' lliguisheguem ye sa qaỹapeque ye tala Jordán, maye nalotta ye Jericó.»

Deuteronómio 1:1

Qaq 'era da la'aqtac co'ollaxa so Moisés da 'enapega so Israel le'ecpi, huaña ye toolec 'alhua ye Arabá, yem pa'aigue da nala' lliguisheguem ye Jordán maye nalotta aso Auaxai Togaxarai, qataq sa qaỹapeque ye huaqta'a't nỹecpi ye Parán, Tofel, Labán, Haserot qataq ye Dizahab.

Josué 12:1

Qaq 'eso so nta'alpi maye loxonecpi co'ollaxa so Moisés qataq so Israel le'ecpi da yaqto' ỹacona so na'alhuapi, som pa'aỹa'ague da yo'oxoñi so tala Jordán, qataq som chegoqchiguiña so tala Arnón, nache ivitta'a añi qasoxonaxa Hermón, qataq 'enauac som pa'aỹa'ague da nala' lliguisheguem ye ca'amapega't so tala Jordán.

Josué 12:6

So Moisés qataq so Israel le'ecpi loxonqa co'ollaxa se'esoua nta'al, ỹoqo'oye so Moisés ỹanem co'ollaxa se'eso 'alhuapi so maiche nhuo' le'ecpi maye chegoxoguet so Rubén qataq so Gad, qataq so laỹe som maiche nhuo' le'ecpi maye chegoxoguet so Manasés.