Números 32:29 - La'aqtaqa Ñim Lo'onatac 'Enauacna 2013

²⁹ Da 'enauac na ỹalleppi, na maiche nalamaxat nhuo' le'ecpi maye chegoxoguet so Rubén qataq so Gad, da ỹa'axasoxoolec ye tala Jordán qataq na'achigui na lo'ogoxonaxat da nalat da deuotaxanec ye 'alhua maye qami' ỹamaxaleguete Ñim Nataxala', nache qami' qaỹa'añim qome yi'iye 'alhua Galaad da lalamaxat qanqa'eñi namayepi.

Números 32:29 Referans Kwoze

Números 32:28

Nache so Moisés ỹanem de'era namaxasoxonaxac so ntaxaỹaxanaxanec Eleazar, Josué qataq so lataxala'pi so maiche nalamaxat nhuo' le'ecpi so Israel, 'eeta':

Números 32:30

Qalaxaye namayepi da saishet da jec da ỹa'axasoxoolec ye tala da na'achigui na lo'ogoxonaxatpi, nache namayepi qami' naiguilo qome da qoñiỹalec ye 'alhua Canaán.

Josué 13:11

Nataqa'en taalec da qoỹanem ye Galaad, qataq ye na'alhua so guesureopi qataq so maacateopi, qataq añi qasoxonaxa Hermón qataq 'enauac ye 'alhua ye Basán, nache ivitta'a ye Salca.

Números 32:17

Qaq da ime, nache qolaq, ña'ataxagui na qaro'ogoxonaxatpi nache sa'auaqta'ague da taỹa'ague na Israel le'ecpi, choche ivitta'a ñaqa'enaq ye na'alhua namayepi. Qaq na qoyalaqpi nache netaigui qome que'eca huaqta'a't nỹecpi maye huo'o na lpaqtaxat, yaqto' saishet da ỹe'egueeta'a na shiỹaxauapi maye lma' ne'ena 'alhua.

Josué 12:6

So Moisés qataq so Israel le'ecpi loxonqa co'ollaxa se'esoua nta'al, ỹoqo'oye so Moisés ỹanem co'ollaxa se'eso 'alhuapi so maiche nhuo' le'ecpi maye chegoxoguet so Rubén qataq so Gad, qataq so laỹe som maiche nhuo' le'ecpi maye chegoxoguet so Manasés.

Josué 14:3

Qaq so Moisés mashe nale'ena co'ollaxa ỹan ye 'alhua maye pa'aỹa'ague da nala' lliguisheguem da le'ego so tala Jordán, nache ỹami' so maiche nhuo' le'ecpi maye chegoxoguet so Rubén qataq so Gad, nataqa'en so laỹe so maiche nhuo' le'ecpi maye chegoxoguetpi so Manasés. Qalaxaye so chegoxoguetpi so Leví, saishet co'ollaxa da huo'o ca qoỹanem 'alhua.

Josué 18:7

Qaq na leviitapi qalaq qaica qome ca taỹot ne'ena 'alhuapi, cha'aye namayepi qoỹanagui da ntaxaỹaxanaxanecpi da qaitaxaỹapegue' Ñim Nataxala'. Qaq na maiche nhuo' le'ecpi maye chegoxoguetpi so Gad qataq so Rubén, qataq na laỹe nam maiche nhuo' le'ecpi maye chegoxoguetpi so Manasés, namayepi mashe lalamaxat qanqa'en ye 'alhuapi maye pa'aỹa'ague da yo'oxoñi so tala Jordán, maye ỹanem co'ollaxa so Moisés maye lamaxashec Ñim Nataxala'.»

Josué 22:9

Qaq 'era da 'eetec co'ollaxa so maiche nhuo' le'ecpi maye chegoxoguetpi so Rubén, Gad, qataq so laỹe so maiche nhuo' le'ecpi maye chegoxoguetpi so Manasés, da ca'ai so laỹepi Israel le'ecpi co'ollaq huaña ye Silo, maye huaigui ye 'alhua Canaán, da yaqto' ỹe'eguelaxa so maiche lalamaxat na'alhua maye huaigui ye Galaad, nache qaipacchigui da lamaxasoxonaxac Ñim Nataxala', maye chegoqchigui naqa'en co'ollaxa so Moisés.

Jueces 10:3

Ime co'ollaxa qataq nachaañi so Yaír, som galadiita, maye nataqa'en ivi' soua veintidós vi'iye da ilotague' so Israel le'ecpi.

1 Samuel 18:17

Qaq huo'o so na'a'q nache so Saúl 'enapega so David, 'eeta': «'Am sanem qome da 'auauo'o 'arhua añi Merab maye ỹe ỹale, qalaxaye iuen da ỹataqta 'ana'añaxat qome da aỹem 'auo'onataxanot, qataq da 'auloclec Ñim Nataxala'.» Cha'aye so Saúl lhuennataxaco' da saishet da nacheso somaye da ỹalauat, maye huotaique da ỹaneguet na filisteopi da ỹalauat somaye.