Números 32:27 - La'aqtaqa Ñim Lo'onatac 'Enauacna 2013

²⁷ qaq qomi' maye qomi' 'aramaxashecpi, ña'ataxagui na qaro'ogoxonaxatpi da ñeqo'onaxa ca 'alaataxac da salaxasoxoguet da lamaxasoxonaxac Ñim Nataxala', nache sepagaqchigui da qomi' 'auamaxaleguete.

Números 32:27 Referans Kwoze

Josué 4:12

Nataqa'en taitague da le'ego so tala so alleppi maye maiche nalamaxat nhuo' le'ecpi maye chegoxoguetpi so Rubén, qataq so Gad, qataq so laỹe som maiche nhuo' le'ecpi maye chegoxoguetpi so Manasés. Qaq somayepi ỹataqta na'achigui na lo'ogoxonaxatpi. Ime, nache hua'auta'ague da taỹa'ague so laỹepi Israel le'ecpi, nache ipacchigui da lamaxasoxonaxac co'ollaxa so Moisés.

Números 36:2

'Am Moisés, Ñim Nataxala' 'am ỹamaxalec co'ollaxa da 'auauota'a da alletaxac da 'aỹa'anem na na'alhua na Israel le'ecpi, qaq nataqa'en 'am ỹamaxalec co'ollaxa da cam talec da lalamaxat na'alhua so qarqaỹa Selofejad, nache 'aỹa'anema naua llalel.

Números 32:17

Qaq da ime, nache qolaq, ña'ataxagui na qaro'ogoxonaxatpi nache sa'auaqta'ague da taỹa'ague na Israel le'ecpi, choche ivitta'a ñaqa'enaq ye na'alhua namayepi. Qaq na qoyalaqpi nache netaigui qome que'eca huaqta'a't nỹecpi maye huo'o na lpaqtaxat, yaqto' saishet da ỹe'egueeta'a na shiỹaxauapi maye lma' ne'ena 'alhua.

Números 12:11

nache 'enapega so Moisés, 'eeta': «'Am ỹataxala', 'am ñachoxonnot nagui, da saishet qome da 'auo'ot da qanhuaxanaguec, souaxat de'era qarasouaxashet maye ỹataqta 'eesa da so'otaq.

Números 11:28

Nache so Josué, som llalec so Nun, maye ltaua so Moisés, 'eeta': ¡'Am ỹataxala' Moisés, saishet taxa da 'auashenema da da'aqtaxaata'ape caamaye!

Números 32:28

Nache so Moisés ỹanem de'era namaxasoxonaxac so ntaxaỹaxanaxanec Eleazar, Josué qataq so lataxala'pi so maiche nalamaxat nhuo' le'ecpi so Israel, 'eeta':