Números 32:14 - La'aqtaqa Ñim Lo'onatac 'Enauacna 2013

¹⁴ Qaq nagui, qami' llalaqpi so 'etaxaloxoicpi, qansheetaique da qoquiitegue da lataxac so qarta'ailpi, nache qanquigaxacheeuec da lalemataic Ñim Nataxala' da dalemataỹa na Israel le'ecpi.

Números 32:14 Referans Kwoze

Lucas 11:48

Qaq de'era qauo'oche nachera da yo'oq da qami' ỹataqta qauaỹamaxayiñiita dam ỹo'ot som qarta'ailpi. Cha'aye som qarta'ailpi ỹalauat som la'aqtaxanaxanecpi Ñim Lo'onatac 'Enauacna, qaq nagui qami' qalaq qano'oxoñeesheguem ana nhuachiquipi.

Ezequiel 20:21

Qalaxaye nataqa'en som llalaqpi somayepi Aỹem saỹalaxaguet co'ollaxa. Saishet da ỹalaxaguet na iqataxacpi, qataq saishet da ipaguelec, qataq saishet da ỹo'ot na ỹamaxasoxonaxacpi, maye ỹo'ot da lca'alaxa cam ỹo'ot namayepi, qataq ishepaxanaqchet ye na'a'q mataxaqui maye ỹalamaxat. Qaq huaña nache huo'o da iuennataxac da sematalec da ỹayeloxo somayepi, qataq da ñematchiguiñi da huaña ye toolec 'alhua, da yaqto' vi'iiguet da ỹayeloxo,

Isaías 57:4

Qaq ¿negue't cam qavi'iñiitac qami'? ¿Negue't cam qauachaxañiỹa da qare'enaxanaxaqui? ¿Negue't cam qauachaxañiito'ot ñim qarachaxachi? Ye qami' llalaqpi da ñe'etaxaloxo qataq qami' tenataxanaxaicpi,

Isaías 1:4

Choxoraicpiolec nam shiỹaxauapi maye 'etaxaloxoicpi, nhuo' le'ecpi maye nlaxagui na lasouaxashetpi, namayepi chegoxoguet so qauemaicpi, ñalaqpi maye lqopitaxat na qauem. Namayepi qaỹoqta naqa'en Ñim Nataxala', qataq ca'ai Ñim Qui'itta Natamnaxala' na Israel le'ecpi.

Salmos 78:57

Cha'aye nache 'eeta'am so lta'alpi, da ca'ai naxa Ñimaye qataq ỹalat, ỹataqta saq ỹataxalec 'eeta'am na checnec da namaxagui.

Da na'aqtaguec so Job 14:4

Cha'aye, ¿negue't ca ishet da nqatec ca qui'itta, da ỹachegoxotaigui ca nshepaxan? ¡Qomye, qaica!

Nehemías 13:18

Cha'aye nachera da 'eetec co'ollaxa so hua'au qarta'ailpi, ỹoqo'oye Ñim Qanatamnaxala' qomi' namaxalo de'era qarachoxoyec, qataq ne'ena sonaqta'a huaqta'a't nỹecpi. Nache qami' ỹataqta qanogoqchichi Ñim Lo'onatac 'Enauacna, souaxat da qaica ca 'enec qanqa'eñi ye na'a'q mataxaqui.

Esdras 10:10

Qaq huaña nache so ntaxaỹaxanaxanec Esdras nachaañi, nache 'enapeco': Qami' huo'o da qarasouaxashichi, cha'aye qauaroñiiguet na 'alpi maye natameetacot na ỹaqa'a atamnaxala'pi, qaq 'era da 'eetec da qanquigaxacheetauec da lasouaxashet na Israel le'ecpi.

Génesis 8:21

Qaq co'ollaq ivirot Ñim Nataxala', dam ỹataqta ama laitaỹaxac, nache 'enapeco': «Saishet qome da qaltaq she'eguelaxalec da sasaxalec ca qauem ỹa'aqtac ana 'alhua, souaxat nam qauem maye ỹo'otpi na shiỹaxauapi, cha'aye namayepi nache nacta'ai' co'ollaxa da iuennatega da ỹo'ot da qauem. Qataq nataqa'en saishet qome da qaltaq she'eguelaxa da ñelaxaañi 'enauac na shiguiỹacpi, da 'eeta'am de'era so'ot nagui.

Génesis 5:3

Qaq so Adán mashe ivi' co'ollaxa soua ciento treinta vi'iye da nachaalataxac, co'ollaq ñiguiñi so llalec, som ỹanagui co'ollaxa da le'enaxat Set, qaq somaye ỹataqta 'eeta'am so lta'a.

Números 32:15

Qalaxaye qami' da qoquiỹa'ai Ñim Nataxala', nache Ñimaye ỹo'ot qome da nache netalec ne'ena toolec 'alhua na Israel le'ecpi, nache qami' qarasouaxashichi qome da qailaxachigui namayepi.

Deuteronómio 9:24

Qaq nache chegoqta'a co'ollaxa da qami' sauatto'n, da saishet naxa da qaualaqaiguet Ñim Nataxala'.

2 Crónicas 28:13

Nache 'enapega somayepi, 'eeta': Saishet da qanaviquiiua'a ne'ena na qoroxoñiquipi, cha'aye damaye huo'o qome naqa'en da qarasouaxashet hueto'ot Ñim Nataxala'. Cha'aye de'era qauo'oche, ỹo'ot qome da nquiguec na qanpe'enaxacpi, qataq na qarasouaxashetpi, cha'aye mashe ỹataqta qalota nam qarasouaxashetpi, nache Ñim Nataxala' ỹataqta dalemataỹa qome na Israel le'ecpi.