Números 32:13 - La'aqtaqa Ñim Lo'onatac 'Enauacna 2013

¹³ Nache Ñim Nataxala' dalemataỹa co'ollaxa na Israel le'ecpi, nache choche coleeteguelec naqa'en ye toolec 'alhua soua cuarenta vi'iye, nache ivitta'a da nmichiguiñi so shiỹaxauapi maye sa ỹalaxaguet co'ollaxa Ñimaye.

Números 32:13 Referans Kwoze

1 Corintios 10:5

Qalaxaye ñaqaiyeta somayepi saqalota na lataxacpi maye saishet da ỹo'ot da ntonaxac Ñim Lo'onatac 'Enauacna. Qaq ỹoqo'oye vichiguiñalo ana nhuachiquipi somayepi se'eso toolec 'alhua.

Salmos 78:33

Qaq ỹoqo'oye Ñim Lo'onatac 'Enauacna ỹo'otec da saqaỹauec ye loga't da nachaalataxac, 'eeta'am da choche qanaue'c naua na'a'che, qataq huaigui naqa'en na qaica ca 'ena'am da lchec.

Números 14:32

Qaq qami' qalaq da qaro'ocỹaxaqui laguelec qome yi'iye toolec 'alhua,

Deuteronómio 2:7

Cha'aye Ñim Nataxala' maye Qanatamnaxala'ai, huo'o co'ollaxa da lqouagaxanaqtaic da qoñiita souaxat nam ishet da qauo'oche, qataq qami' ntela'alo 'enauaque se'esoua cuarenta vi'iye da qoquiitalec ye toolec 'alhua, qataq qaica ca qaviñiitaique naqa'en.»

Salmos 107:4

Nam nsomaxaatapigui' co'ollaq quetalec ye toolec 'alhua, qataq saỹanata ca nqa'aic maye taỹa'a ca huaqta'a't nỹecpi da yaqto' naña.

Éxodo 16:35

Huaña, nache so Israel le'ecpi chectac aso maná choche ivittraue'c soua cuarenta vi'iye, choche ivitta'a co'ollaq somayepi ivita ye 'alhua maye mashe qanayeetalec. Qaq 'era da 'eetec somayepi co'ollaq chectac aso maná, choche ivittaua'a so loigue ye 'alhua Canaán.

Jueces 2:14

ỹoqo'oye Ñim Nataxala' ỹataqta dalemataỹa so Israel le'ecpi, nache ỹaneguet so cachaxaicpi da yaqto' nhuotta somayepi, qataq so mpa'aguenaxauapi maye maiche lauoreuapi nauec somayepi, nache saishet da dataỹa'aguet.

Jueces 2:20

Qaq ỹoqo'oye Ñim Nataxala' ỹataqta dalemataỹa so Israel le'ecpi, nache 'enapeco': «Ne'ena nhuo' le'ecpi, ỹataqta saỹaỹamaxatapec da ñaỹamaxataxac maye samaxalec co'ollaxa som hua'au lta'alpi, qataq saishet da Aỹem ỹalaxaguet.

Salmos 95:10

Qaq ivi' soua cuarenta vi'iye da salematatega se'eso shiỹaxauapi, nache shenapec co'ollaxa: ‹Ne'ena shiỹaxauapi ỹataqta isomtapigui', qataq saishet da ỹalaxagueta naua ỹamaxasoxonaxaco›.

Amós 2:9

Qataq ỹataqta ỹauaachigui ñaqa'en co'ollaq selaxachigui so amorreopi, qaq na'aictaxa da ỹataqta logoraicpi 'eeta'am ana cedropi, qataq ỹataqta 'añaxaicpi 'eeta'am ana qo'oipaqpi roble, qataq dolagui ñaqa'en ana netasheguem alapi, qataq na lpa'a'pi anamayepi.

Amós 2:10

Qataq aỹem, qami' ñeqateeguesopa co'ollaxa ye Egipto, nache cuarenta vi'iye da qami' sauecta'agueta co'ollaq qoquiitalec ye toolec 'alhua, da yaqto' qami' sanema ye na'alhua na amorreopi.