Números 32:1 - La'aqtaqa Ñim Lo'onatac 'Enauacna 2013

¹ Qaq so maiche nhuo' le'ecpi maye chegoxoguet so Rubén qataq so Gad, qalota co'ollaxa so na'atetpi, qaq co'ollaq ila'a da 'onaxaic ye 'alhua Jazer qataq ye Galaad, da taiguet da netaña na 'atetpi,

Números 32:1 Referans Kwoze

Números 21:32

Qaq so Moisés nataqa'en ỹauo'oi co'ollaxa soua lamaxa'she da demeenaxara so huaqta'a't nỹecpi ye Jezer, nache so Israel le'ecpi ỹo'orauec co'ollaxa so amorreopi, nache ỹacona so huaqta'a't nỹecpi maye netaigui co'ollaxa somayepi.

Números 32:35

Atarot Sofán, Jazer, Yogbeá,

Números 32:3

Naua 'aleu', Atarot, Dibón, Jazer, Nimrá, Jesbón, Eleale, Sebán, Nebo qataq Beón,

1 Juan 2:16

Nam lataxacpi maye ỹachaxaatac na shiỹaxauapi maye huetalec ana 'alhua, saishet da chegoqo'ot Ñim Lo'onatac 'Enauacna, namayepi chegoqo'ot nam 'etaxaloxoicpi maye huetalec ana 'alhua. 'Ena nam lataxacpi maye ỹachaxaatac ana 'alhua: na qauem nqopitaxanaqtaiguesat, da nyaxayec da qaỹaconeguet cam qailota'a, qataq da nsallaxa maye chegaqaigui da ño'oxonnaxac ca shiỹaxaua.

Miqueas 7:14

'Am Nataxala', ña 'alo'ogue qome ne'ena 'aralamaxat nhuo' le'ecpi, anam 'aralamaqte qaguetapi maye ndauec da huetaigui na aviaq, maye coleesop na no'on 'alhua, qaq ña 'auauega qome 'anamayepi ye 'auaqpisat ye Basán qataq ye Galaad, 'eeta'am soua hua'au' vi'iye.

Jeremías 50:19

Nache na Israel le'ecpi so'ot qome da ỹe'eguelaxa ye maiche na'alhua, qaq huaña nache 'eeta'am ana qaguetapi da huetangui na aloq 'auaqpi da hueta'a ye Carmelo qataq ye Basán, qataq aye qasoxonaxapi maye huaña ye Efraín qataq ye Galad.

2 Samuel 24:5

Nache somayepi ỹa'axasoxoolec so tala Jordán, qaq co'ollaq ivira ye saqaỹapeque ye Aroer, nache hua'a yem pa'aỹa'ague da la'añaxa so huaqta'a't nỹecpi maye nangui ye ca'amapega't ye Gad, huaqta'ai' ye Jazer.

Josué 13:25

Nache somayepi taalec ye Jazer, qataq 'enauac so huaqta'a't nỹecpi maye ỹotta'a't naua nañalo ye Galaad, qataq so laỹe som na'alhua co'ollaxa so amoniitapi, nache ivitta'a so huaqta'a't nỹecpi ye Aroer, maye datatta ye Rabá,

Números 32:26

Qaq ana qarhuapi, qataq qoyalaqpi maye ñaq ñaqpiolec, qataq na qana'atetpi, qataq 'enauac na qarelo shiguiỹacpi, nache no'onaña ne'ena huaqta'a't nỹecpi na Galaad,

Éxodo 12:38

Nache somayepi ỹataqta qalota so lỹatec ỹotta'a't shiỹaxauapi. Nataqa'en ỹataqta qalota aso qaguetapi qataq aso huacapi.

Génesis 47:4

Qaq qomi' ñanaguenaq da sauoqtaique da sonaqaña ne'ena 'alhua, cha'aye ye 'alhua Canaán ỹataqta qalota na nqouaxa, qataq qaica ca 'auaqpi da aloq ana qarelo qaguetapi. Qaq ña qomi' 'anqouagueque 'am nta'a, da qomi' 'auasheetema da sonaqaña ye 'alhua maye huaigui ye Gosén.»

Génesis 29:32

Qaq aso Lea hualaxai co'ollaxa, nache huo'o so llalec, nache ỹanagui da le'enaxat Rubén, cha'aye 'enapeco': «Ñim Nataxala' ila'a co'ollaxa da saquicota. Qaq ỹoqo'oye nagui so ihua aỹem ỹauotec qome.»

Génesis 13:5

Qaq so Lot nataqa'en ỹataqta sallaxanec, 'eeta'am so ntesoqo' Abram. So Lot ỹataqta qalota aso lalo qaguetapi, huacapi, qataq qalota so nnaictague'pi somaye,

Génesis 13:2

Qaq so Abram ỹataqta sallaxanec, cha'aye huo'o so lalamaxat oro, qataq lcat plata qataq so qalota lalopi shiguiỹacpi.

Números 32:2

nache somayepi detaxaỹapegue' co'ollaxa so Moisés qataq so ntaxaỹaxanaxanec Eleazar, qataq so lataxala'pi so nhuo' le'ecpi, nache 'eeta':

Deuteronómio 33:21

Qataq lca'ateua'a ca no'on da ỹauo'o lalamaxat, cha'aye qaiqataxanai' da qaỹauo'o lalamaxat na ỹo'otegue na lataxacpi. Qataq nachena na lataxala' na nhuo' le'ecpi, nache ipactelec da ỹo'ot da lamaxasoxonaxac Ñim Nataxala', qataq da ỹaỹamaqchiguiñi lataxac na Israel le'ecpi.»

Josué 22:9

Qaq 'era da 'eetec co'ollaxa so maiche nhuo' le'ecpi maye chegoxoguetpi so Rubén, Gad, qataq so laỹe so maiche nhuo' le'ecpi maye chegoxoguetpi so Manasés, da ca'ai so laỹepi Israel le'ecpi co'ollaq huaña ye Silo, maye huaigui ye 'alhua Canaán, da yaqto' ỹe'eguelaxa so maiche lalamaxat na'alhua maye huaigui ye Galaad, nache qaipacchigui da lamaxasoxonaxac Ñim Nataxala', maye chegoqchigui naqa'en co'ollaxa so Moisés.

Jueces 5:16

¿Qalaq ta'ainco' da huetaigui aso lalo qaguetapi nache choche na'axaỹaxaatega da lỹaxanaxac som qagueta lo'opi? ¡Qataq som nalleppi so Rubén huo'o so 'amaqtaqaicpi shiỹaxauapi maye 'iỹaqaic da lquiyaqteỹaxac!

Jeremías 22:6

Cha'aye Ñim Nataxala' 'eeta' da la'aqtac maye talec ñi nma' lta'araic ñi nta'a ye Judá: «'Am 'eeta'am ñaqa'en añi qasoxonaxa ye Galaad, qataq añi lmilo añi qasoxonaxa ye Líbano, qalaxaye san da ỹa'aqtac da 'am she'eguelaxata qome da 'am toolec, nache qaica qome ca 'am netalec.

Josué 22:13

Qalaxaye hua'auñi da qaỹamaq co'ollaxa so Finés, som llalec so ntaxaỹaxanaxanec Eleazar, da yaqto' nqo'ona ye hueta'a se'eso maiche nhuo' le'ecpi maye chegoxoguetpi so Rubén, Gad qataq som laỹe so maiche nhuo' le'ecpi maye chegoxoguetpi so Manasés.

2 Samuel 24:6

Qaq co'ollaq ime, nache taỹa ye Galaad qataq ye Cades, yem na'alhua na hitiitapi. Qataq ivitta'a ye Dan, nache ncoleetaua'a ye Sidón.

1 Crónicas 4:41

Qalaxaye huetoigui co'ollaxa da nta'a so Ezequías maye Judá le'ec, da nvi' som 'eso qaỹa'axatpi nache iloquiaxan, nache nlaxatchiguiñi so lpe'lpi qataq so lma'pi som chegoxoguetpi so Cam, som ilalecpi da netaña yemaye, qaq cha'aye yi'iye 'alhua qalota na 'auaqpi da yaqto' aloq na na'atetpi, ỹoqo'oye nache netalec yemaye, choche ivitta'a nagui.

Jeremías 8:22

¿Peta'a qaica ca natannaxanaxat ye Galaad? ¿Peta'a qaica ca natannaxanaq da hueta'a yemaye? ¿Ta'ainco' da saishet da no'oita na ihuo' le'ecpi?

Jeremías 48:32

Aỹem 'am ñeỹeelec qome, 'am uva lma' maye qoueta'a na Sibemá, napactelec da ñenoinaxac co'ollaq ñeỹeeteguelec ye Jazer. Ana 'arcouepi qalaq napacalec co'ollaxa aso auaxai, nache ivira'a ye Jazer. Qalaxaye nagui ana ala na uva maye mashe huotaique da qanqat qalaq dolachigui qome.