Números 31:9 - La'aqtaqa Ñim Lo'onatac 'Enauacna 2013

⁹ Nache so Israel le'ecpi ỹaconeua'a da ỹauec so 'alpi, ñaqpiolec qataq deuotaxanec so na'atetpi huacapi, qataq qaguetapi, qataq so logoxoshetpi maye huo'o da lashiichiỹaxac,

Números 31:9 Referans Kwoze

2 Crónicas 28:5

Qaq souaxat de'era nache Ñim Nataxala' maye Natamnaxala', ỹaneguet da lhuaqỹaxac so nta'a ye Siria, nache so siiriopi loxonec somayepi, nache qalota so ỹauecpi, ỹauega ye Damasco. Qaq nataqa'en Ñim Nataxala' ỹaneguet da lhuaqỹaxac so nta'a ye Israel, nache somaye ỹataqta qalota som ỹalauatpi.

Deuteronómio 20:14

Qaq ca 'alpi, ñaqpiolec, 'atetpi qataq 'enauac ca laỹe nogoxoshetpi maye huetaigui que'eca huaqta'a't nỹecpi, camayepi nache qaralamaxache qome, qataq qollequi 'enauac ca aloq cam qampa'aguenaxauaipi maye Ñim Nataxala' maye Qanatamnaxala'ai qami' ỹanema da qoroxoñiqui.

Números 31:8

Qaq nataqa'en ỹalaua't soua cinco nta'al ye Madián, Evi, Requén, Sur, Jur qataq Reba, qataq nataqa'en ỹalauat so Balaam, som llalec so Beor.

Números 31:10

qataq ỹavigaxat 'enauac so lalamaxat huaqta'a't nỹecpi maye ỹotta'a't naua nañalo, qataq so no'onaxapi maye lalamaxatpi somayepi.

Génesis 34:29

Qataq nataqa'en, ỹache 'enauac so nogoxoshetpi maye huetaigui so nma'pi, qataq ỹauec da icoñi' 'enauac so 'alpi qataq so ñaqpiolec.

Números 31:53

cha'aye ñi 'oonolec se'eso alleppi huo'o co'ollaxa so maiche lla'ac co'ollaq nhuo' so nalattague'pi.

2 Crónicas 14:15

Qaq nataqa'en iloquiaxan som huetauga so nanataqa'pi, maye hueta'a so qalota 'atetpi, nache ỹacona aso ỹataqta qalota qaguetapi, qataq so cameellopi. Qaq co'ollaq ime nache ỹe'eguelaxa ye Jerusalén.