Números 31:3 - La'aqtaqa Ñim Lo'onatac 'Enauacna 2013

³ Nache so Moisés 'enapega co'ollaxa so nhuo' le'ecpi, 'eeta': «Qanaỹamaxache qome, da yaqto' qanalaachi, qauloquiaxañi na lma' ye Madián da qaupalỹaique ca lvi' Ñim Nataxala'.

Números 31:3 Referans Kwoze

Levítico 26:25

Qataq qami' nagueleguete ñaqa'en ca no'ogoxonaxat, da yaqto' huo'o da lvi' ñaqa'en da ñaỹamaxataxac, nache na'aictaxa da qavi'igueñiiua'a ca maiche qaralamaxache huaqta'a't nỹecpi maye qanpaxattaua'a, qalaxaye Aỹem qami' hueque ñaqa'en ca nalolaxasat maye qanlem, huaña nache ỹataqta qami' loxonqa ca qampa'aguenaxauaipi.

Jeremías 46:10

Qaq que'eca na'a'q nacheca ca lalamaxat Ñim Nataxala' maye Qaica ca Ỹaqalanapec, que'eca na'a'q nache huaigui da ỹe'eguelaxateguet nam mpa'aguenaxauapi. Ca ỹeelonec qalaq qalota qome ca ỹalauat nache ivitta'a da nlaqtegue na ntago'q. Cha'aye Ñim Nataxala' maye Qaica ca Ỹaqalanapec ỹauo'o qome ca lta'araic lalaataxanaxac da huaña ye 'alhua maye pa'aigue da sheu' maye hueto'ot na loigue so tala Éufrates

2 Reyes 10:30

Nache Ñim Nataxala', 'enapega so Jehú, 'eeta': «Qaq cha'aye ỹataqta ỹaỹamaqchiguiñi da 'auo'ot, qataq 'auo'ot da saỹamaxareeta, qataq 'auo'otec dam sheetapeguec som llalaqpi so Ajab. Ỹoqo'oye sanem qome da no'onataxanaxac da ilo'ogue na Israel le'ecpi ca 'aỹa'alaqpi, 'arhualpi, cam llalaqpi ca 'arhualpi, qataq cam llalaqpi camayepi.»

2 Reyes 9:7

Qaq 'am qome, 'anmatchiguiñi da 'aualauat na llalaqpi so Ajab, maye 'arataxala', huaña nache huo'o da lvi' ñaqa'en som ỹamaxashecpi maye ỹa'aqtaxanaxanecpi co'ollaq qaicoraxatrec naua ltago'q, qataq 'enauac som ỹamaxashecpi maye ỹalauat co'ollaxa aso Jezabel.

Jueces 5:23

Qaq so nale piguem le'ec Ñim Nataxala' da'aqtaxan, 'eeta': ‹¡Talec qome ca nhuaxanaguec ye Meroz qataq yem shiỹaxauapi maye lma' yemaye!› Cha'aye saishet da ỹalaxaguet da lỹaxanaxac Ñim Nataxala', qataq da itauan na 'añaxaicpi nalleppi Ñimaye.

Jueces 5:2

«Qavio'oxoyiñi Ñim Nataxala', cha'aye na Israel ñaq huo'o nam ỹalleppi maye lhuotta da deloqui, cha'aye ne'ena nhuo' le'ecpi ñaq huo'o nam ỹalleppi maye lhuotta da ỹasat da qaiỹaxaasop da alaataxac.

Números 25:13

qaq ỹoqo'oye nagui damaye qataq ca chegoxoguetpi qome, ñaỹamaxate' da sanem da chochaq tatec da lo'onataxanaxac da ntaxaỹaxanaxanecpi, cha'aye Aỹem deca'alaxaalec, qataq ỹo'ot da qaỹapalaxat na lasouaxashetpi na Israel le'ecpi.»

Números 25:11

«Da Finés, maye llalec so Eleazar, qataq laual so Aarón, damaye ỹo'ot da vi'iiguet naqa'en da ỹayeloxo maye talec na Israel le'ecpi, cha'aye damaye 'eeta'am Aỹem da sa sesheteguet da qanatamnot ca ỹaqa'a atamnaxala'. Qaq nachera damaye, da huo'omshe saishet da ỹataqta imeuo ñaqa'en namayepi.

Éxodo 17:16

Nache 'enapeco': «¡Ana la'ana Ñim Nataxala' ñasoqta'a! ¡Ñim Nataxala' nalattague' na amaleciitapi nache ivitta'a qome cam chegoxoguetpi namayepi!»

Jeremías 50:28

Na shiỹaxauapi 'eltaxaicpi maye chegaqa'a ye Babilonia ivita ye Sión, nache ỹa'axattac da 'eetec Ñim Nataxala' Ñim Qanatamnaxala' dam Ñimaye ỹanem dam naigui da ỹo'ot na lma' ye Babilonia, souaxat dam ỹo'ot co'ollaxa da ilaxachigui aso atamnaxaqui.

Números 31:4

Nache ñi 'oonolec na maiche nalamaxat nhuo' le'ecpi ỹaconeua'a ca mil ỹalleppi da ỹamaq da nalat.»