Qaq ca lỹa shiỹaxaua maye qui'itta da lataxac, laỹona't qome ca no'onañi alo aca'aca huaca maye qaỹavigaxat, nache ỹachaña ca qui'ittelec ca pa'auec que'eca nanataqa'. Qaq na Israel le'ecpi ỹaỹamaxat qome que'eca alo, yaqto' do'onataxana da qui'itta naqa'en ca 'etaxat, maye nachelaxat da huo'o ca qaiỹouec na lasouaxashetpi.
Números 31:23 - La'aqtaqa Ñim Lo'onatac 'Enauacna 201323 'enauac na lcat maye nalota'aguet na le'eraxa ca norec, nache qaỹasaxangui ca le'eraxa ca norec namayepi, da yaqto' qui'itta qanqa'en, qalaxaye nataqa'en iuen da qaiỹoxona ca 'etaxat yaqto' iqashelgaxatta. Qaq ca nogoxoshetpi maye sa nalo'oguet ca le'eraxa ca norec, nache qaỹauota'a ca 'etaxat da qaiỹo da yaqto' qui'itta. Gade chapit la |
Números 31:23
20 Referans Kwoze
Qaq 'eesa da aỹem nagui qami' ñachelaxanguilo na 'etaxat, qaq damaye naigui da qami' qaỹa'axañeere'c naua qauema maye qauo'ocheeta'ape. Qalaxaye cam aỹem nca'attalec, camaye dachelaxanataxana qome So Saqcha'a Na'añaxac Qui'itta qataq ca norec. Qaq camaye ỹataqta ỹactec da la'añaxac, saishet da sheeta'am. Na'aictoxo' da choche aỹem l-latac ỹataqta saishet da ñaloua'a.
Qaq ỹoqo'oye nagui 'am seqata da Aỹem 'auachegoxoto'ot qome da 'ausheenaxana cam ỹoqta 'eesa da 'am sallaxanec naqa'en. Cha'aye ca Aỹem chegoqo'ot ỹataqta 'eesa da lta'araic da lashiichiỹaxac, 'eeta'am ca oro da ime da nqatelaguec. Da saishet da 'auauotaique da huo'o ca 'ara'agaxa da qouetauec, nache 'auaconegueta naua anogo lapagaxaiqa maye 'am sanema da yaqto' 'aayiñi qataq na lata' naua 'ara'ai'te, da yaqto' ỹoqta 'anauaachiguiñi.
Qaq se'eso 'etaxat, nacheso so naigui dam seuenaqtac naxa nagui da so'otaq da achelaxac dam chegoqchigui da Ñim Lo'onatac 'Enauacna qomi' nca'alaxatre'c. Qaq de'era achelaxac maye ỹataqta 'eesa saishet da iỹo da yo'oqchigui qaro'ocỹaxac, nachaqrata da seỹaxanaqot Ñim Lo'onatac 'Enauacna da iỹouec na qarasouaxashetpi, yaqto' saishet da seuennaqtega da huo'o ca qarasouaxashet. Qaq Ñim Lo'onatac 'Enauacna qomi' nca'alaxatre'c, chegoqchigui naqa'en da saxaigui dam qanachelaxac, cha'aye So Jesucristo nca'aleeguesop da nleuaxa, ime, nache taigue da piguem, da nso'ooñi, neta'ague da aloic Ñim Lo'onatac 'Enauacna hueta'a yem ỹataqta ỹo'oxoraq qataq huaña da ilo'ogue 'enauac nam lamaxashecpi Ñim Lo'onatac 'Enauacna qataq 'enauac nam laỹepi maye saqcha'a, maye nataqa'en huo'o da la'añaxac qataq da 'enec.
Cha'aye dam qarpi'iỹaxaqui Ñim Lo'onatac 'Enauacna maye qami' neto'oto, 'eeta'am na lcat oro: qaq 'eeta'am da 'eetec da lyac na lcat oro da qaiỹo da qaỹasaxangui ca norec, qaq nache 'ena'am da qarpi'iỹaxaqui Ñim Lo'onatac 'Enauacna da qaỹe'eguen, chegoqchigui na lqalaiguesat. Qaq ỹoqo'oye qami' de'era qarpi'iỹaxaqui da huo'otaq nache 'eetec de'era da qaỹe'eguen, nache ỹataqta napacalec da lyac ca lcat oro, cha'aye que'eca lcat oro ishet da dolagui. Qaq nache 'eetec So Jesucristo qom nachaxan, nache ỹataqta qaỹaỹamaxareeta qataq huo'o da ño'oxonnataguec dam qami' hueto'oto qarpi'iỹaxaqui Ñim Lo'onatac 'Enauacna.
Qalaxaye que'eca no'onañipi, tangui qome ñaqa'en ca norec, sequi'itaxat qome, 'eeta'am ñaqa'en da qaiqui'itaxat ca lcat plata, qataq seỹo qome, 'eeta'am ñaqa'en da qaiỹo ca lcat oro. Huaña nache camayepi aỹem natamnot, nache Aỹem sasateguet qome. Qaq seỹaxana qome da ỹalamaxatpi, qaq camayepi da Aỹem iỹaxana qalaq 'eeta': «Ñim Nataxala' nacheñi Ñim Qanatamnaxala'.» Qaq 'era da san ỹa'aqtac Aỹem Nataxala'.
Qaq ca mashe leuaxaic ne'ena shiguiỹacpiolec maye saishet da qui'itta, da talec ca nogoxoshet 'epaq, nogoxot, nogoxoshet maye chegaqaigui na lo'oc na shiguiỹac, huo'otaq ca machaqca na no'onataxanaxatpi, nache camaye saishet da qui'itta iviraigui ca pe, qaq ỹoqo'oye camaye iuen da qaisheraxangui ca 'etaxat, qaq da ime nache qaltaq qui'itta.
Piblisite