Números 31:16 - La'aqtaqa Ñim Lo'onatac 'Enauacna 2013

¹⁶ Ye nachana anamayepi ana ỹalaxaguet co'ollaxa da la'aqtac so Balaam, nache ỹo'otec na Israel le'ecpi, da dataỹa'aguet Ñim Nataxala', co'ollaq huaña ye Baal Pegor. Ỹoqo'oye Ñim Nataxala' iuaxanec co'ollaxa so nleuaxa na Israel le'ecpi.

Números 31:16 Referans Kwoze

2 Pedro 2:15

Namayepi ỹataqta isomtac, cha'aye maiche ỹaxaañi da ỹalaxaguet Ñim Lo'onatac 'Enauacna qataq quegue da lataxac so Balaam som llalec so Beor, som huotaique co'ollaxa da nauec ana anom da ỹachegoxotaigui da ỹo'ottac na qauem.

Apocalipsis 2:14

Qalaxaye Aỹem nache 'ena'am huo'o da sa saỹamaxaren da qoneta, cha'aye 'auaconeguet nam quetague' da qauem lataxac so Balaam. Cha'aye somaye ỹapaxaguenec co'ollaxa so Balac dam 'eetec naqa'en na Israel le'ecpi da yaqto' somayepi nache queto'ot da ỹo'ottac na qauem, qataq ỹayen da yaqto' somayepi chec nam mashe qoỹanot na ne'enaqtac nqui'ipi maye qanatameetacotpi qataq saq 'en, qataq da yaqto' sa ỹalaxaguet Ñim Lo'onatac 'Enauacna.

Josué 22:17

¿Peta'a sa lta'araico' so qarasouaxashet maye huaña co'ollaxa ye Peor, maye ñaq 'eetalec da saishet da qomi' qui'itte' souaxat da ỹataqta qalota so ileu ne'ena nhuo' le'ecpi maye lalamaxat Ñim Nataxala'?

Deuteronómio 4:3

Qataq qami' qauauañiichigui co'ollaxa som ỹo'otpi Ñim Nataxala' co'ollaq huaña ye Baal Pegor qataq da 'eetec co'ollaq nmichiguiñi naqa'en 'enauac so quegue so natamnaxala'pi na lma' yemaye,

Números 24:14

Qaq nagui, aỹem she'eguelaxa ye ima', qalaxaye hua'auñi da 'am sa'aqtaxanem dam ỹo'otec qome na Israel le'ecpi nam 'arhuo' le'ecpi, que'ecaua natrauo na'axa'te.

Proverbios 23:27

cha'aye aca 'alo quisheguetaxai 'eeta'am aca qaỹoqchiguingui nshere, qataq aca ỹaqa'a 'alo 'eeta'am aca sa lcagui nshere,

Números 25:18

cha'aye yemayepi qami' ỹo'oteque da latenataxanaxac, nache qami' ỹauegalo da qanatamñiỹot so Baal Pegor, qaq aso Cozbi maye llale so nataxala' Madián le'ec, qalaq asomaye ileu co'ollaxa, huetoigui so na'a'q co'ollaq huo'o so nleuaxa huaña ye Baal Pegor.

Eclesiastés 7:26

Qataq huo'o da selalec maye ỹataqta huo'o da lqui'ic, damaye ỹataqta napacalec da nleuaxa, qaq 'eeta': aca 'alo da do'ogoxona da lquiyaqteỹaxac da lapaxañi aca lqoina, qataq naua lhuaxaye da nsoxouo ca loxonec. Qaq cam ỹalaxaguet Ñim Lo'onatac 'Enauacna nache saishet da loxonec acamaye, qalaxaye cam 'etaxaloxoic nache ishet da taigui ca laleguec acamaye.

Judas 1:11

Qaq ỹataqta ¡choxoraxaso' namayepi! Cha'aye da lataxac 'eeta'am so Caín, qataq souaxat da lyaxa da nauec aca anom, nache 'eeta'am da lataxac so Balaam. Ỹataqta ỹaguec da qauemaicpi, ỹoqo'oye da l-leuaxa 'eeta'am da l-leuaxa so Coré souaxat da npa'aguenaxac.

Números 31:8

Qaq nataqa'en ỹalaua't soua cinco nta'al ye Madián, Evi, Requén, Sur, Jur qataq Reba, qataq nataqa'en ỹalauat so Balaam, som llalec so Beor.