Números 31:11 - La'aqtaqa Ñim Lo'onatac 'Enauacna 2013

¹¹ Qaq co'ollaq ime, nache laỹona't 'enauac se'eso loxonecpi somayepi, shiỹaxauapi qataq so shiguiỹacpi,

Números 31:11 Referans Kwoze

Deuteronómio 20:14

Qaq ca 'alpi, ñaqpiolec, 'atetpi qataq 'enauac ca laỹe nogoxoshetpi maye huetaigui que'eca huaqta'a't nỹecpi, camayepi nache qaralamaxache qome, qataq qollequi 'enauac ca aloq cam qampa'aguenaxauaipi maye Ñim Nataxala' maye Qanatamnaxala'ai qami' ỹanema da qoroxoñiqui.

Josué 8:2

Qaq 'am, 'auloquiaxan qome ye Ai qataq ñi lta'a yemaye, 'aue'enaxatchigui da qonetec co'ollaxa ye Jericó qataq so nta'a yemaye. Qalaxaye qami' nagui ishet qome da qauacoñiỹa 'enauac na nogoxoshetpi qataq na lalopi maye lalamaxat na qoroxoñiqui. Qaq nache 'anaỹamaxat qome da yaqto' 'auque'elaxatta da 'auloquiaxan yemaye, qoqueteuo'oguet qome na qoshiỹa'ague ye huaqta'a't nỹecpi.»

Números 31:10

qataq ỹavigaxat 'enauac so lalamaxat huaqta'a't nỹecpi maye ỹotta'a't naua nañalo, qataq so no'onaxapi maye lalamaxatpi somayepi.

Números 31:12

nache se'eso loxonecpi ỹauegueua'a co'ollaxa so Moisés, qataq so ntaxaỹaxanaxanec Eleazar, qataq so nhuo' Israel le'ecpi maye netaña co'ollaxa ye nalochiguiñi 'alhua ye Moab, maye sa qaỹapeque ye Jordán qataq nalotta ye Jericó.

Josué 6:19

Qalaxaye 'enauac na lcat plata, oro, qataq 'enauac na no'onataxanaxatpi maye chegaqaigui na bronce huo'otaq na laỹe lcatpi, namayepi qoỹanot qome Ñim Nataxala', nache qaỹachaigui ca laỹe' na lalamaxatpi Ñim Nataxala'.»

Josué 11:14

Qalaxaye som Israel le'ecpi irolec so ỹeelonec da ỹalauat 'enauac som netaigui se'eso huaqta'a't nỹecpi, nache ỹataqta qaica ca no'onaxatañi da nca'altauec naqa'en, qataq ỹacona 'enauac so nogoxoshetpi maye huetaigui co'ollaxa somayepi, qataq som na'atetpi somayepi.

Génesis 34:29

Qataq nataqa'en, ỹache 'enauac so nogoxoshetpi maye huetaigui so nma'pi, qataq ỹauec da icoñi' 'enauac so 'alpi qataq so ñaqpiolec.