Números 30:8 - La'aqtaqa Ñim Lo'onatac 'Enauacna 2013

⁸ Qaq que'eca lhua acamaye da huo'otaq la'axaỹaxac da nỹalaqtoc ca ỹan la'aqtac acamaye, nache da sa ỹaỹamaxaren, nache acamaye saishet da iuen da ipacchigui cam ỹan co'ollaxa la'aqtac. Qaq Ñim Nataxala' ishet da ichoxoren acamaye.

Números 30:8 Referans Kwoze

Génesis 3:16

Qataq 'enapega aso 'alo, 'eeta': «Ñequigaxatec qome da 'anque'eenaxac qom ivita da huo'o ca 'aỹa'alec, qataq ỹataqta huo'o da 'anqui'ic qom 'auco'o. Qalaxaye imalec qome da 'arauoche da 'arhua, qaq damaye 'am ilo'ogue qome.»

1 Corintios 14:34

saishet da qaỹashenem na 'alpi da detaqa da huaigui ca naponaxac. Cha'aye na namaxasoxonaxacpi maye chegoqo'ot so Moisés 'eeta': Na 'alpi iuen da napaxaguena da ỹe'emaqta,

1 Corintios 7:4

Aca 'alo maye mashe huaron, acamaye saishet da lalamaxat da lo'ocỹaxac, nache 'ena'am ca ỹale. Cha'aye da huarona't, nache aca 'alo lalamaxat ca ỹale, qaq ca ỹale lalamaqte aca 'alo.

Levítico 5:4

Qaq da huo'otaq huo'o ca shiỹaxaua da nỹalaqtoc da ỹan ca la'aqtac da 'eetega ipacchigui da ỹo'ot ca ỹaỹamaqchiguiñi, huo'otaq ca sa ỹaỹamaxañi. Qalaxaye da ivita da nanoma de'era npe'enaxac, nache camaye huo'o ca lasouaxashet.

Números 30:5

Qaq ca lta'a da la'axaỹaxac que'eca ỹan la'aqtac acamaye, nache da illapeguem, nache acamaye saishet da ipacchigui que'eca ỹan la'aqtac. Nache Ñim Nataxala' ichoxoren acamaye, cha'aye ca lta'a illapeguem da ỹo'ot que'eca ỹan la'aqtac acamaye.

Números 30:7

qaq que'eca lhua acamaye da la'axaỹaxac, qalaxaye da qaica ca la'aqtac, nache acamaye iuen da ipacchigui cam ỹan la'aqtac.

Números 30:9

Qaq aca pa'ai, huo'otaq aca nalate' ca lhua da ỹan ca la'aqtac, nache iuen da ipacchigui que'eca ỹan la'aqtac.

1 Samuel 1:23

Nache so Elcana maye lhua asomaye, 'enapeco': «Aja', 'auo'ot cam ỹoqta ỹaỹamaqchiguiñi 'anqa'en. Nache 'ano'onañi nato' qom mashe ỹaxaañi da l-llepaxac na nogotolec. Qataq 'aupacchigui qome da 'ara'aqtac maye 'aỹa'anem co'ollaxa Ñim Nataxala'.» Nache aso Ana no'onañi da yaqto' ỹaqchet so llalec, choche ivitta'a co'ollaq ỹaxaañi da l-llepaxac somaye.

Jeremías 44:19

Qaq nataqa'en so 'alpi, 'eeta': Qomi' naxa da so'otaq ana qarauole 'ayiiña huetalec ñaqa'enaq so lqui'i añi Nate'e Na Piguem, qataq da sanaqot añimaye na qarchenaxanaxat maye ama na laita qataq na qarachetaqtaxanaxat lataxa, qaq 'enauac namayepi da ỹaỹamaxareeta na qarhuapi. Qaq damaye nache qolaqto'ot da so'otaqtac.