Números 30:2 - La'aqtaqa Ñim Lo'onatac 'Enauacna 2013

² Da huo'o ca shiỹaxaua da ỹanot ca la'aqtac Ñim Nataxala', huo'otaq da ỹan ca 'eetega ipacchigui la'aqtac, qaq camaye iuen da ipacchigui que'eca la'aqtac, qataq ỹo'ot 'enauac cam ỹachaxanapec.

Números 30:2 Referans Kwoze

Salmos 50:14

Ỹoqo'oye 'aỹa'anot qome da 'ana'achecỹaxac Ñim Lo'onatac 'Enauacna, qataq 'aupactelec ca 'aỹa'anot 'ara'aqtac Ñim Nataỹaña 'enauacna.

Salmos 116:14

Qataq sepacchiguilo qome naua ỹa'aqtaqa maye sanoto co'ollaxa Ñim Nataxala', ỹauaachigui ñaqa'en so nhuo' le'ecpi maye lalamaxatpi Ñimaye.

Da na'aqtaguec so Job 22:27

Nache da 'anatamnot Ñimaye, qalaq ishet qome da 'am hua'axaỹa, qataq ishet da 'aupacchigui ca 'aỹa'anot 'ara'aqtac.

Hechos 23:12

Qaq so lỹa na'a'q, nache huo'o nam judiopi na detaxaỹapigui da huotaique da ỹalauat so Pablo, nache somayepi ỹan da la'aqtac da 'enapec saishet da deque'e, huo'otaq nỹom, da huo'otaq saxanaxa da ỹalauat somaye.

Hechos 23:21

Qalaxaye saishet qome da 'aua'amaqten; cha'aye napacalec ca cuarenta na shiỹaxauapi na nqañoxottañi da dauanaxaatac. Qaq namayepi ỹan da la'aqtac da 'enapec sa deque'e qataq sa nỹom, da huo'otaq saxanaxa da ỹalauat ñi Pablo. Qaq yemayepi nagui mashe naỹamaxattai' choche qaiuatta'a ca 'ara'aqtac.

Nahúm 1:15

¡Ña qanloisheguem! ¡Mashe anactalec ana qasoxonaxapi, nam namaxashec maye ndoi' cam no'on na'axaỹaxac, nam ỹa'axata'aguet cam nlagaxayec! Qaq ỹoqo'oye 'am Judá, 'auo'ot qome cam 'arquia'axac, qataq 'aupacchigui qome cam 'aỹa'an 'ara'aqtac. Cha'aye nache saishet qome da qaltaq 'am nnoxotaua'a nam qauemaicpi, cha'aye mashe imauec da nlachiguiñi.

Proverbios 20:25

Huo'o da lchec ca ỹale da ỹalaxaraic da huo'o ca ỹachaxanapecot Ñim Lo'onatac 'Enauacna, cha'aye da ime da ỹan ca la'aqtac nache cheta'ague da deuennataxaalec.

Salmos 116:18

Qataq sepacchiguilo qome naua ỹa'aqtaqa maye sanoto co'ollaxa Ñim Nataxala', ỹauaachigui ñaqa'en na nhuo' le'ecpi maye lalamaxatpi Ñimaye,

Salmos 55:20

Cha'aye namayepi nauaxaỹaxaasheguem na lhuaq da irota'a ca maiche nauochaxaua, qataq saishet da ipagueleguete naua la'aqtaqa.

Salmos 22:25

Qaq nache 'am sachegoxotchigui da ỹo'oxonnataxanaxac, da salectaigui ca lta'araic laponaxac na shiỹaxauapi, nache ỹauaachigui ñaqa'en na huo'o naq 'enec naqa'en 'am, da sepacchiguilo naua ỹa'aqtaqa maye 'am sanoto co'ollaxa.

Levítico 5:4

Qaq da huo'otaq huo'o ca shiỹaxaua da nỹalaqtoc da ỹan ca la'aqtac da 'eetega ipacchigui da ỹo'ot ca ỹaỹamaqchiguiñi, huo'otaq ca sa ỹaỹamaxañi. Qalaxaye da ivita da nanoma de'era npe'enaxac, nache camaye huo'o ca lasouaxashet.

2 Corintios 1:23

Qaq aỹem huo'o da iuennataxac da qami' ñamaqtegalo. Qalaxaye saxanaxa nagui da qami' seviralo, cha'aye nachera da 'enec ñaqa'en da qoñiita. ¡Qaq Ñim Lo'onatac 'Enauacna ishet da nqat da ñachaalataxac qom choche satenataxaatac!

Salmos 76:11

Qami' qaỹa'añiỹot ca qara'aqtaqui Ñim Nataxala', maye Qanatamnaxala'ai, qalaxaye qaupaquiichigui. Nataqa'en qami' maye qoñiitaña na saqaỹapeque, qandoiua'a qome aca qarachetaqtaxanaqche, ñim ỹataqta huo'o da lchec.

Hechos 23:14

Nache somayepi nqo'oneua'a som lataxala' na ntaxaỹaxanaxanecpi, qataq nam nqueroxonecpi maye lataxala' nam judiopi, nache 'enapeco': –Qomi' sanaq da qara'aqtac da yaqto' sepagaqchigui da saishet da sequia'aq, da huo'otaq saxanaxa da salauataq so Pablo.

Mateo 23:18

Nataqa'en qauapaxaguenataxañiiteguec da huo'o ca shiỹaxaua da ỹan ca la'aqtac chegoqchigui da la'añaxac añi nca'atoxonaxalate maye netaña añi no'onaxanaxaqui late'erai, qalaq camaye ishet da sa ipaguelec ca la'aqtac. Qalaxaye da huo'otaq ỹan ca la'aqtac da ỹachegoxotchigui da la'añaxac ana nachetaqtaxanaqte, qalaq camaye iuen da ỹataqta ipaqueelec ca la'aqtac.

Mateo 23:16

¡Ỹataqta qauem da qa'aita'ague! Cha'aye qami' taxa maye qauapaxaguiñi na shiỹaxauapi da ỹalaxaguet Ñim Lo'onatac 'Enauacna, qalaxaye qami' ye sa qauaỹaañi cam qoñiitec: «Nachaqrata da qauapaxaguiñic ca shiỹaxaua da ỹan ca la'aqtac da huaigui añi no'onaxanaxaqui, qalaq ishet da nlaxaañi. Qalaxaye da huo'otaq ỹan ca la'aqtac da 'eetega ỹaneua'a añi no'onaxanaxaqui late'erai ca oro, nache camaye iuen da ỹataqta ipaqueelec ca la'aqtac.»

Salmos 119:106

Aỹem san co'ollaxa so ỹa'aqtac da yaqto' sepacchiguilo naua nalochiyiñi 'ara'aqtaqa.

Salmos 56:12

'Am Ñatamnaxala', na ỹa'aqtacpi maye 'am sanot co'ollaxa, namayepi sepacchigui qome da 'am sho'oxoreetac.

Jueces 11:39

Qaq co'ollaq mashe inoxoorec se'esoua dos ca'agoxoiqa, nache asomaye ñe'eguelaxaua'a ye hueta'a so lta'a. Nache somaye ipacchigui da ỹo'ot so la'aqtac maye ỹanot co'ollaxa Ñim Nataxala'. Qaq asomaye saxanaxa da ỹauana ca ỹale.

Jueces 11:11

Huaña nache so Jefté ỹasat da ca'ategue somayepi, nache se'eso nhuo' le'ecpi ỹauo'o da lca'ataxala' somaye, qataq lataxala' na nalleppi. Nache huaña ye Mispá da so Jefté hua'aqchigui naqa'en Ñim Nataxala' de'era naỹamaxataxac maye ỹo'ot somayepi.

Números 30:10

Qaq aca 'alo maye mashe huaron da ỹan ca la'aqtac,

Números 21:2

Qaq huaña, nache so Israel le'ecpi ỹanot da la'aqtac Ñim Nataxala', 'eeta': «Da qomi' 'autaua'n da qoroxonec ne'ena qampa'aguenaxauapi, nache ñemataqchiguiñi qome da selaxataxagui 'enauac na lalamaxat huaqta'a't nỹecpi maye ỹotta'a't naua nañalo.»

Éxodo 20:7

Saishet da qaica ca qaỹa'añiỹaigui da qautaqaiỹa da ỹe'enaxat Aỹem Nataxala' maye Qanatamnaxala'ai, cha'aye Aỹem seshet da so'ot ca nhuaxanaguec ca qaica ca ỹanaigui da ỹe'enaxat.

Salmos 15:3

qataq ca saishet da ỹasaqtapeguelec ca qauem la'aqtac ca lỹa, qataq saishet da huo'o ca ỹo'otec qauem ca nauochaxaua, qataq saishet da inogoqchet ca lauoreua,

Números 32:24

Qauo'oche qome que'eca huaqta'a't nỹecpi da yaqto' lma' na maiche qoyalquipi, qataq qanpaxachiiua'a ana qareloi qaguetapi, qalaxaye qaupaquiichigui qome da qara'aqtaqui.